Færsluflokkur: Hlekkir í keðju skynsamlegra ákvarðana

Enn einn hlekkurinn í keðju skynsamlegra ákvarðana

hjá þessum furðufugli Bush. Það sem er næstum jafn slæmt er að demókratar munu líklegast stilla fram Obama eða Clinton á móti einhverjum repúblikana. Það er því miður ekki séns að bandaríkjamenn kjósi svartan mann eða konu sem forseta. Ég þekki lítið til þessarar náunga sem eru í framboði hjá repúblikönum annarra en Giuliani en veit ekki alveg hversu mörg ár í viðbót af svona Bushtýpustjórn heimurinn þolir.

(**Leiðrétt eftir komment)

Oscar Wilde sagði einhvern tímann "America is the only country that went from barbarism to decadence without civilization in between" og þrátt fyrir að ég sé almennt mjög hrifinn af bandaríkjamönnum þá er ég að verða meira og meira sammála honum.

Björn vinur minn sendi mér einhvern tímann linkinn á þetta lag með Pink en best að ég endi á að setja það aftur inn.


mbl.is Demókratar gagnrýna Bush
Tilkynna um óviðeigandi tengingu við frétt

Enn einn hlekkurinn í keðju skynsamlegra ákvarðana

Af hverju 50? gott að hann finnur leiðir til að eyða peningum víst Bandaríkin skulda svo lítið Woundering


mbl.is Bush sagður ætla óska eftir 50 milljarða dala aukafjárveitingu vegna Íraksstríðsins
Tilkynna um óviðeigandi tengingu við frétt

Seinfeld 1-5 The Stock Tip

1-5

http://www.tv.com/seinfeld/the-stock-tip/episode/2245/summary.html

Jerry, George og Elaine á kaffihúsinu. Elaine að deita einhvern sem á ketti, hún er með ofnæmi. Þekki engan karlmann sem á ketti, ætli það sé einhver karlmaður sem býr einn og á ketti? Jerry keypti hlutabréf eftir ábendingu, virkaði ekki sýnist mér. Hann er í skyrtu sem myndi sóma sér vel á hvaða bleikfataþemadegi sem er. Kramer er með frábæra viðskiptahugmynd, bindisendurnýtanleikistól, hvað sem það er.

George fékk viðskiptatip, hlutabréf, virkaði ekki, kemur á óvart. Reyndar fyrr en Jerry seldi, þá hækkaði það upp úr öllu valdi. George græddi slatta og kemur með nýtt tips, þetta fer ekki vel held ég. Þátturinn og serían búin, verst að fá ekki að vita neitt um hlutabréfið, það er erfiðara að skrifa um sjónvarpsþtti þegar maður er að spjalla eitthvað á msn, ég get ekki almennilega gert tvennt í einu, varla reyndar eitt í einu.

Ágætri fyrstu seríu lokið, svona ágætis byrjun, þetta gætu orðið langlífir þættir Smile

Annars er gjarnan talað um í USA að Seinfeld og Cheers séu bestu gamanþættir sem hafa verið búnir til þar. Er meiri Friends kall en Seinfeld eru skemmtilegir "það er ekki nokkur spurning"


Seinfeld 1-4 Male Unbonding

1-4

http://www.tv.com/seinfeld/male-unbonding/episode/2244/summary.html

Jerry og George í lyftu. Ræða um samskipti kynjanna, þetta virðist ætla að verða þema eins og ég spáði. Kramer í símanum heimá hjá Jerry þegar hann kemur heim. Er að ræða við einhvern sem Jerry vill ekki tala við, Kramer rétti honum þá eðlilega símann. Kramer fer þá að tala í sinn þráðlausa síma, þetta er frá júní ´90, síminn er frekar stór. Jerry að ræða um hvað það er auðvelt fyrir stráka að verða vinir, tölum hvort eð er ekki um neitt annað en íþróttir og stelpur, þetta er fyrir tíma tölvuleikjanna, gætum annars bætt þeim við og þá ætti þetta við núna. Jerry að segja vini sínum upp, það er heldur mikið, hann á að hætta að hringja, það er viðurkennda leiðin til að hætta með einhverjum.

Lenti á msn-spjalli, mulligan á þennan þátt, ekki víst að þetta verði síðasti mullinn


Seinfeld 1-3 The Robbery

1-3

http://www.tv.com/seinfeld/the-robbery/episode/2243/summary.html

Jerry og Elaine stödd í íbúðinni hans, hann er fljótur og góður að pakka. Lætur Elaine fá lyklana, fer svo yfir reglurnar í íbúðinni, bannar henni að hafa sofa hjá í íbúðinni en ef hún verður þá eigi hún að nota baðkarið, ætli hún verði að hafa vatn í því? hvernig ætli það sé án vatns, held að það sé betra í vatni. George mættur að bjóða Jerry nýja íbúð, Elaine segist vilja fá íbúðina, það sé skref upp á við, svipað og að flytja frá Íslandi til Finnlands. Þegar Jerry kemur til baka er búið að stela sjónvarpinu og vídjóinu, Kramer hafði komið við í íbúðinni og gleymt að loka hurðinni eftir að hann náði í stöff.

Löggan kemur og tekur skýrslu, segist aldrei finna neitt. George mætir á svæðið með þungan svip, tilbúinn með lykla að nýju íbúðinni sem Jerry á að skoða. Ef niðurhal væri löglegt þá væri ég að ná í myndir fyrir mömmu og ömmu um helgina, þær verða í bústað.

Jerry, Elaine og George eru að skoða íbúð, fín íbúð, ég held að hann flytji ekki. Hmm... vitlaust hjá mér, Jerry ætlar að flytja. George mættur með leigusamninginn og segir Jerry að leigja hana ekki ef hann er ekki viss, myndi kannski sjálfur leigja nýju íbúðina ef Jerry tekur hana ekki, varð abbó þegar þeir voru að skoða. Þeir eru að rífast um hvað sé löglegt peningauppkast, telur það ef peningurinn fer í borðið? Jerry vann íbúðina en George farinn í fýlu, hmm kannski ekki pottþétt að hann flytji, ætli Kramer myndi flytja með honum?

George og Jerry á kaffiveitingadelihúsinu, stelpa af veitingahúsinu fékk íbúðina, þremenningarnir eru ekki ánægðir fyrir hennar hönd. Íbúðin var víst nálægt central park, ég´fór eitthvða að hugsa um það og mundi þá eftir plöntunni í horninu hjá mér, eitthvað svona hálftrédót, hún er dauð greyið, ég hef sennilega ekki vökvað hana síðan í mars, það gæti verið ástæðan, já og að ég er með gluggatjöldin dregin fyrir í horninu þar sem hún er, ég fer sjaldan þangað reyndar, er í annari álmu í íbúðinni, ég bý í tæplega 50 fm.


Seinfeld 1-2 The Stakeout

1-2

http://www.tv.com/seinfeld/the-stakeout/episode/2242/summary.html

Elaine og Jerry að leita að vídjómynd, Elaine segist vera búin að sjá allt en Jerry dregur þá fram klámmynd sem hann segir Elaine ekki vera búna að sjá. Þau eru fyrrum kærustupar, semja um að hann komi með henni í afmæli ef hún komi með honum í brúðkaup helgina á eftir, svona til þess að þurfa ekki að fara ein. Erfitt að pikka eitthvað upp þegar þú kemur með date, þó það sé ekki date. Jerry að lýsa því sem hann er að hugsa, svona sögumaður, þetta verður held ég ekki langlíft. Elaine er frekar myndarleg, spái því að hún verði lengi í þáttunum

Ég held að Jerry sé í rúskinnsjakka, svona hangandi týpu, skipt yfir á Jerry á sviði, hann er með dáldið annan stíl en Larry the cable guy. Jerry kemur heim og foreldrar hans eru sofandi á sófa í stofunni, heimsókn frá Flórida.

Þór frændi að hringja, hann er í Fjöltækniskólanum, er að byrja í skóla eftir 17 ára hlé, förum yfir stöðuna í næstu viku, missti af einhverju í þættinum á meðan, aðallega vandræðalegum aðstæðum þegar fólk hættir saman og ætlar að vera vinir, eru að ræða samskipti kynjanna og samskipti almennt, held að þetta gæti orðið ákveðið þema...., Jerry á sviði í jakka sem er úr svona doppóttu fjölbýlishúsaþvottahúsgólfefni held ég, allavega sá stíll


Enn einn hlekkurinn í keðju skynsamlegra ákvarðana - Seinfeld

Ef niðurhal væri löglegt hefði ég verið að ná í alla Seinfeld þættina. 9 seríur, 180 þættir, hver þeirra rúmlega 20 mín þannig að þetta eru á milli 60 og 70 klukkutímar. Það eitt og sér er ekki sérlega merkilegt, reyndar ekki hitt heldur að ég ætla að horfa á þá á næstu vikunni eða svo. Er að vinna á föstudagskvöldið og tek síðan til við þetta. Minime verður í bústaðnum með mömmu og pabba og ég ætlaði að chilla um helgina þannig að þetta er líklegra ekki verra en hvað annað. Ég held að ég sé búinn að sjá flesta þættina en sé hvernig verður að sjá þetta allt í röð, hef einhvern tímann gert þetta við Friends þættina og þar sem að ég er afar ófrumlegur þegar kemur að því að drepa tímann þá datt mér þetta einna helst í hug.

Liver er reyndar að spila um helgina og ég ætla eðlilega að horfa á Torresgengið spila. Var að horfa á Chelski leikinn með Degi og Minime þannig að ég sleppti leikjadagbók en ætla að skrifa leikjadagbækur um leiki helgarinnar, Jón Bjarni verður þá ekki jafn ráðvilltur þessa helgi.

Ætla að skrifa það sem mér dettur í hug um alla Seinfeld þættina, svona þáttaskýringu, ég veit að þessir 4 sem lesa síðuna mína og ekki eru ættingjar mínir eru afar spenntir. Þið getið þá dundað ykkur við að refresh-a síðuna um helgina til að sjá hvað er að gerast í Seinfeld. Spennustig á við þetta hefur líklega ekki komið upp síðan ég var í Svíþjóð og var reglulega að segja Pétri hvað var að gerast í massalangri Tom Clancy bók sem ég var að lesa ásamt því að segja honum hvað var að gerast hjá mér í manager, Pétur Hafliði er lífsglaður maður en ég held að hann hafi verið kominn hættulega nálægt því að skera af sér eyrun þann mánuðinn. Allavega eitthvað sem þið getið hlakkað til.

Ef niðurhal væri löglegt hefði ég líka verið að ná í Bourne Ultimatum og væri að horfa á hana á meðan ég skrifa þetta. Mér þætti þetta þá vera ágætis mynd, allavega væri hún að byrja ágætlega.

Ég gæti reyndar eytt helginni í að undirbúa veturinn með því að lesa eins og eina bók en það myndi meika allt of mikið sens. Áhugasamir eru velkomnir í Jórsali um helgina en þeim hinum sömu er þá bent að taka með sér eitthvað ætilegt því ekki verður eldað hér, það tæki tíma frá Torresgenginu, Seinfeld, Kramer, Elaine og George   


Enn einn hlekkurinn í keðju skynsamlegra ákvarðana

Akkúrat myndin sem þú vilt að heimurinn fái af fyrirtækinu þínu. Hver ætli ákveði svona þvælu?

Hvernig var fundargerðin þar sem að þetta var ákveðið?

1. Stefna rauða krossinum

2. Færri kúnna

3. Minni hagnað

4. Hætta rekstri

 


mbl.is Rauði krossinn kærður fyrir að nota rauða krossinn
Tilkynna um óviðeigandi tengingu við frétt

Enn einn hlekkurinn í keðju skynsamlegra ákvarðana

Hvenær hefur það virkað að reyna að stinga lögguna af? Sérstaklega á Íslandi þar sem yfirleitt er ekki hægt að fara mikið af krókaleiðum á miklum hraða.
mbl.is Reyndi að komast undan lögreglu á 166 kílómetra hraða
Tilkynna um óviðeigandi tengingu við frétt

Enn einn hlekkurinn í keðju skynsamlegra ákvarðana - og betri Bush

Rúmt ár eftir af þessu rugli. Hérna er hins vegar einn miklu gæfulegri Bush að leika sér við Beckham - sniðugt stöff, sérstaklega þegar Reggie spyr Beckham hvort hann sé rétthentur


mbl.is Bush meinar Rove að bera vitni
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband