Leikjadagbók Inter Milan-Liverpool 11.3.2008

Grenimelur 2, sérlegir gestabloggarar Dr. Unnur Anna dóttir Valda vegalöggu, Lilja Hugrún og (fyrrum) landsliðsmaður og núverandi KR-ingur og verkefnisstjóri Pétur Hafliði Marteinsson.

Verður hugsanlega örlítið stopult en til að Jón Bjarni skilji hvað er að gerast í leiknum mun ég þó reyna.

19.37 ætla að tékka á liðinu

19.39 Reina, Carra, Skrtel, Sami, Aurelio, Leiva, Mascherano, Gerri, Kuyt, Babel og hinn gullfallegi Fernando Torres

19.41 Inter er með 11 menn inná, nenni ekki að telja þá upp en Zlatan og listamaðurinn sem var áður þekktur sem Patrick Viera eru með.

19.42 Skrtel hefur ekki fríkkað á því að flytja til Liverpool, sjávarloftið ekkert hjálpað

19.43 Liver er með tvo brassa, Inter líka. Jafnt í Brössum, það er allavega eitthvað

19.45 Þetta er byrjað, Carra er hægri bakvörður. Torres að fá horn, Gerri tekur, muna bara yfir fyrsta varnarmann, jebbs en reyndar yfir alla hina líka

19.47 Stankovic að detta, það verður ekki eina skiptið, Carra var að klafsast í Zlatan áðan, held að það sé ekkert gaman að spila á móti Carra, eða reyndar Zlatan heldur. Zlatan með fyrirgjöf og Leiva hreinsaði í horn

19.51 Klafs, jamm og fuður á miðjunni eins og er, langur frá Carra, það verður heldur ekki eina skiptið

19.52 Zlatan að leggja til hliðar og síðan boltinn út, Cruz með gott skot en vel varið hjá Reina, horn sem fór o flangt, hreinsað og Inter fékk innkast

19.54 Virkilega vel varið hjá Reina áðan, Inter aðeins betri núna, þeir pressa nokkuð hátt, dáldið annað en hin glænýja lágpressa sem Newcastle beitti, auki Inter dáldið fyrir utan teig

19.57 Spjald á Babel fyrir að stökkva útúr veggnum, Zlatan tók þá fyrri í Babel og hina seinni yfir

19.58 Julio Cruz datt, dómarinn er búinn að flauta 300 sinnum, ekki bara á auka heldur líka svona áhersluflaut, dómarinn er Svíi, sköllóttur slíkur, hann er að verða dáldið rauður af öllu þessu flauti

20.03 Skrtel sparkaði í Cruz, það er fínt. Babel er kominn með gult og var eitthvða að vesenast í Maicon, sænski dómarinn er annar norskur

20.05 Það er smá action í leiknum, kapp meira en forsjá eða allavega svipa, Zlatan með fínan hæl áðan, þarf að tékka á því hvers lenskur Skrtel er, man það ekki, aftur eftir smá

20.08 Hann er víst Slóvaki, fæddur í Tékkóslóvakíu þá

20.10 Góður bolti frá Aurelio, Babel næstum innfyrir, vel gert hjá markmanninum að koma´út í hann

20.12 Hratt upphlaup hjá Inter, tæpt að einn kæmist innfyrir, það er tempó, Cambiasso að missa boltann, Torres í þröngt færi en varið, fínt ef þeir ætla að gefa dáldið á Torres 

20.13 Cruz í gott færi eftir sendingu frá Zlatan, skot framhjá, hjúkk

20.15 Logi að rugla aðeins með nafnið á Zlatan, eftirnafnið þ.e.

20.16 Torres með of langa fyrirgjöf eftir að einn rann, Babel með fyrirgjöf með vinstri, sem eitt og sér er merkilegt, hann tékkar yfirleitt út, ágætis fyrirgjöf samt, Zlatan með klobba en þegar þriðji maðurinn renndi sér þá vann Liver boltann

20.19 Kuyt með fyrirgjafaskot í viðkvæman stað á kólombíumanninum

20.20 Babel með stökk, vilja fá gult á Babel, þeir vita sennilega ekki að þá færi hann útaf, eða kannski vita þeir það og öskruðu þess vegna

20.22 Liver aðeins að mjakast framar, Inter spilar spes taktík, það er lítið sem ekkert kantspil, setja mikið á Zlatan sem síðan trixar

20.28 Maicon upp að endalínu, fast fyrir en Reina var á tánum og tók það

20.29 Cruz liggur enn og aftur, Skrtel sparkaði í hann, ég vorkenni Cruz voðalega lítið, aukinn beint á fyrsta varnarmann, sem var fínt

20.32 Hálfleikur, þetta var fínn fyrri

20.36 Analýsa gestabloggaranna er eftirfarandi.

PHM: Það kemur á óvart hversu illa strúktúreraðan sóknarleik Inter, besta lið Ítalíu síðustu tvö ár, er með. Þetta virðist ganga útá einstaklingsframtak frá Zlatan. Liverpool er hins vegar ekki með leikinn alveg þar sem þeir vilja hafa hann, Liver eru bestir í hröðum powerbolta en það er lítið að gerast hjá þeim sóknarlega.

UAV: Þetta var heldur tíðindalítið

20.38 Nýr gestabloggari, Gunnlaugur Jónsson, fyrirliði KR og (fyrrum) landsliðsmaður.

20.41 Pétur á 37 landsleiki, Gulli 11, ég var einu sinni markahæstur í bæjakeppni Ólafsfjarðar og Dalvíkur og skoraði einu sinni tvö í bikarnum á móti Kormáki Hvammstanga

20.43 Coke Zero auglýsing í svona quickie Mart, ágæt auglýsing, allavega betri en hnetuauglýsingin frá TM

20.45 Voda auglýsing, hún var líka ágæt

20.46 Tómasi Inga finnst Liver vera líklegir til að vera hættulegri þegar líður á leikinn, skiptum yfir til Loga og Arnars

20.47 Babel að hlaupa inn á völlinn, missti ekki boltann, fékk auka

20.48 Gerri að fá spjald, náði báðum ökklunum á Cambiasso

20.50 Inter sprækari í byrjun, Burdisso að fá annað gult, það er rautt, Liver einum fleiri

20.53 Inter fær þá næstu 12 auka geri ég ráð fyrir

20.53 Pétri Hafliða fannst þetta ekki vera gult, rétt að taka fram að hann er hafsent og skilur ekki að það má ekki taka 30 metra tilhlaup og hlaupa niður Lucas Leiva, þetta var víst gult, mér og Gulla fannst það

20.55 pétur með tárin í augunum, hann vill að Inter skori, ég vona frekar að Liver skori

20.56 Dagur er ekki að horfa á leikinn, hann valdi djazzballettsýingu frekar

20.57 Inter með auka á hættulegum stað

20.57 Gulla finnst að Rafa eigi að raka þennan kleinuhring af sér, aukinn fór annars yfir, held að kleinuhringurinn hafi farið úr tísku í kringum ´90, Skrtel að gefa Zlatan dauðafæri, það reddaðist

20.59 Samkvæmt Pétri gekk leikur Inter í fyrri dáldið líka útá að Zanetti hlypi með boltann og fengi auka, margt til í því, Babel að gera það sem hann gerir vel, taka menn á, auki hjá Liver, Gerri með ágætt skot.

21.02 Rivas er hafsent hjá Inter, hann er líkur Titus Bramble og Asprilla, ætli Faustino hafi eitthvað verið á svæðinu í kringum Ipswich og hitt mömmu Titusar??

21.04 Yossi kominn inná fyrir Babel

21.05 Nammi namm, Aurelio vann boltann, gaf á Torres, vel gert hjá hinum gullfallega Fernando Torres, 0-1, þetta er svo gaman, já og gott á Pétur Hafliða

21.06 Maicon er sennilega af argentískum ættum í Brasilíu, hann er vælukjói 

21.08 Vel gert hjá Torres, það er reyndar yfirleitt vel gert hjá honum

21.09 Ágætt hjá Torres og Gerra, gleymdi mér aðeins í spjalli við landsliðsmennina um landsleik Dana og Íslendinga, horn hjá Liver

21.14 tuttugu eftir, Stankovic að fá spjald eftir að Mascherano vann af honum boltann 

21.15 Maicon að rífa í peysuna á Yossi, Yossi fékk spjald fyrir olnbogaskot á Maicon, mér finnst það ekki eiga að telja þegar Yossi gefur olnboga, það er eins og að krakki ýti frá sér, ekki mikill kraftur

21.18 Pele inná fyrir Viera, mér finnst edson arantes dos nascimento eigi alltaf að byrja inná, það er kannski bara ég

21.19 Slappur auki hjá Inter, þeir eru ekki mjög sprækir

21.20 Zlatan innfyrir á hlið, skaut yfir, það var fínt, Suazo inná fyrir Zlatan, tíu eftir. Zlatan skoraði ekki mikið á móti Liver þetta tímabilið, Carra að klafsast og fá auka, sparkað í Yossi fyrir utan völlinn, það má ekki

21.24 Torres að fá auka, Lucas og Mascherano hafa verið góðir, Torres og Gerri eru alltaf góðir, þetta hefur verið alveg ágætt reyndar, tæpar tíu eftir, Riise næstum á Torres, Liver áfram með boltann

21.26 Jimenez inná fyrir Stankovic, það er þá bara að einbeita sér að deildinni Inter

21.27 Pennant að koma inná, veit ekki fyrir hvern. Liver í sparkámilli, þetta svona er að fjara út, Inter hafa ekki  komið við boltann síðan Köben brann, en nú fengu þeir boltann, jimenez hljómar meira eins og golfari, Arnar skilur að stuðningsmenn Inter séu brjálaðir, Mascherano útaf fyrir listamanninn sem var áður þekktur sem Jermaine Pennant

21.29 Lucas með sendingu á markmanninn, reyndar hjá Inter en það breytir ekki öllu. Riise með skot framhjá, 90 búnar

21.33 Lucas með boltann, svo Mascherano, svo markmaðurinn, svo einhver annar, svo Reina

21.34 Flautað af, sanngjarnt og passlega þægilegt

21.35 Mat gestabloggaranna er eftirfarandi:

UAV: Heldur tíðindalítið

GJ: Já, ég sá nú bara seinni, fannst seinni svipaður og fyrri.

PHM: Pétur vill ítreka það sem hann sagði um fyrri, hann er eins og Unnur, hermir bara eftir henni. Honum fannst Inter ekki ná að opna Liverpool vörnina, Liver var ekki að gera mikið en þeir eru með hinn gullfallega Fernando Torres.

21.39 Mér fannst þetta fínt, best að hlusta á söguna hjá Pétri, hann er reyndar að hugsa núna en hún kemur.

Idol á morgun, sjáumst

Torres skaut Liverpool í 8 liða úrslitin

Athugasemdir

[Ómar Ingi, 11.3.2008 kl. 20:00]

Hvað erum við ekki að labba yfir þessa andskotas Ítalaskratta

[Pétur Björn Jónsson, 11.3.2008 kl. 20:10]

þetta er safe

[Ómar Ingi, 11.3.2008 kl. 20:16]

Bið að heilsa Pétri er hann ekki alveg 100% Framari ennþá

En bara á kaupi hjá Rúnka og félögum í fótboltaliðið Landsbankans?.

[Ómar Ingi, 11.3.2008 kl. 21:34]

BESTIR í Meistó

[Gísli Torfi, 12.3.2008 kl. 15:36]

Aurellio var góður í gær .... og það besta var að Riise getur núna farið að snúa sér að SMS sendinugm í Noregi.