(Svefn)leikjadagbók 18.8

Staðsetning: Naustabryggja 29, minime viðstaddur að auki. Ekkert saltnammi en djús á borðinu.

Stórmóti ÍR lauk um hádegi, Aron spilaði í næstum öllum leikjunum í 7.flokksmótinu í dag og hafði afskaplega gaman af. Það gekk líkega alveg ágætlega hjá þeim. VIð fórum síðan í Naustabryggju og tókum til við að horfa á bunka af fótboltaleikjum. Ég sofnaði hins vegar þegar west ham leikurinn byrjaði og vaknaði ekki fyrr en í seinni hálfleik í Newcastle leiknum. Nú eru um 10 mín eftir og Höddi Magg er að lýsa.

17.58 Owen er kominn inná, þ.e. skilst mér. hann hefur held ég ekki komið mikið við boltann og allavega ekki gert neitt af viti. Alan Smith er í Newcastle að gera það sem hann gerir best, tækla menn aftan frá, merkilegt ða hægt sé að troða honum í landsliðið, hvaða stöðu ætli hann eigi að gera þar. Höddi bendir réttilega á að leikur Newcastle sé hugmyndasnauður, varla við öðru að búast þegar Smith og Nicky Butt eru á miðjunni hjá þér.

18.02 Dómarinn að massast og spjaldar einhvern fyrir kjaft, Reo-Coker er það víst, jebbs þeir sýndu núna þegar hann henti boltanum í burtu, alltaf sniðugt, Höddi segir okkur frá því að að Reo-Coker hafi fengið 13 gul spjöld á síðasta ári, sem er óvenju vel af sér vikið

18.04 Höddi segir okkur að James Milner minni hann á Chris Waddle, ýmislegt til í því, hann er á miðjunni en restin af miðjunni er sem sagt Smith, Butt og Geremi, má bjóða þér franskar með þvíErrm

18.06 Höddi segir okkur að Claudio Cacapa sé þúsundasti maðurinn til að spila fyrir Newcastle og að það sé sögulegt, en síðan að það skipti ekki nokkru máli, getur eitthvða verið sögulegt en skipti ekki nokkru máli, hmm

18.08 Höddi segir það vanta hugmyndaauðgi í leik Newcastle, ætli hann hafi verið með orðabók hjá sér? Leikurinn annars búinn, ekkert gerðist í þann tíma sem ég horfði. Newcastle víst búnir að spila 9 klst á heimavelli án þess að skora, það er lélegra en ÍBV held ég svei mér þá.

18.10 Býð upp á nýjungar í dag, ætla að skrifa um 4-4-2, sennilega samviskubit yfir því að hafa ekki skrifað neitt fyrir Jón um leikina í dag. Sýn er besta sætið og samkvæmt auglýsingu hjá þeim er aldrei auðvelt að vinna leiki í Cardiff, hmm

18.16 4-4-2, í settinu Heimir Karlsson, Guðni Bergsson og Leifur Garðarsson, þjálfari Fylkis.Leifur hljóp 10 km en Heimir hleypur bara í spik að eigin sögn.

18.18 Portsmouth-Bolton í lýsingu Arnars Björnssonar, Anelka er rugl fljótur, stakk Hemma af og skoraði 1-0, Kanu 1-1 eftir að enginn ákvað að koma til baka hjá Bolton, þetta var sem sagt Nígeríu Kanu en ekki Kiddi Tomm. Einhver Utaka hjá Portsmouth stakk alla varnarmenn Bolton af, jamms hann er svartur. Kanu fékk víti, sparkaður niður en Arnar segir samt litla snertingu, hann er núna búinn að horfa á þetta oft í tv og segir þetta samt, á hvað er hann að horfa. endaði 3-1 fyrir Portsmouth. Sammy Lee segist hafa séð framfarir hjá liðinu en hvorki Guðni né Heimir sjá þessar sömu framfarir. Leifur segir að Portsmouth þurfi að safna sem flestum stigum fyrir áramót því að þegar Afríkukeppnin byrji tæmist klefinn hjá þeim

18.28 Birmingham-West Ham, úff Gaupi að segja frá leiknum, þarna skall hurð nærri hælum hjá West Ham. Markmaðurinn gaf víti þegar 20 mínútur voru eftir, Noble skoraði, nokkur skot í viðbót og í hvert skipti missti Gaupi legvatnið, ég er alltaf við það að æla uppí mig þegar ég heyri í Gaupa, það er langt síðan þetta þvaður hans var skemmtilegt. Steve Bruce er afleitur þjálfari og er farinn að kenna dómurunum um þetta, merkilegt að þeir þjálfarar sem segjast ekki ætla að ræða dómaramál tala einna mest um það.

18.35 Leifur er skemmtileg týpa, þeir mættu fá hann til að lýsa leikjum í hverri viku, hann segir það sem honum finnst

18.37 Tottenham-Derby, shit hvað Derby eru að fara að húrra niður aftur, Malbranque búinn að skora 2 eftir 6 mínútur. 3-0 eftir 14 mínútur, Jenas labbaði í gegnum vörnina. Lítið um þetta að segja annað en að Arnar er að lýsa, Darren Bent skoraði svo fjórða markið, af 30 sm færi.

18.39 Það eru leikirnir á morgun sem skipta máli, spái 1-1 hjá Arsenal og 1-1 í Man leiknum, Torres sér síðan um Chelski á morgun. Ætti að verða skemmtilegur dagur, over and out 


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband