Leikjadagbók Liverpool-Newcastle 8.3.2008

Naustabryggja 29, sérlegir gestabloggarar Aron Freyr og Jón Pétursson

15.00 Liðið er Reina, Arbeloa, Carra, Skrtel, Riise, listamaðurinn sem var áður þekktur sem Jermaine Pennant, Alonso, Leiva, Gerri, Yossi og hinn gullfallegi Fernando Torres

15.01 Er ekki sérlega hrifinn af Yossi og Pennant, eins og áður hefur komið fram. Samkvæmt Secret á maður hins vegar að hugsa jákvætt. Liver er á heimavelli og á móti Newcastle Brown Ale.

15.02 Bekkurinn er Itandje, Hyypia, Kuyt, Crouch, Babel, þetta er byrjað

15.04 Gerri að pressa, það er ekki í fyrsta skipti

15.06 Nettur þríhyrningur hjá Torres og Gerra, Gerri skaut hins vegar ekki, spes.

15.06 Minime spáir 3-0 og Jón P spáir 5-1, best að ég spái þá 3-1

15.07 Torres með hæl á Yossi sem tók innanfótar á einhvern Newcastle kall, það er ágætt flæði hjá Liver fyrstu 6 mínúturnar, Skrtel ákvað að skalla auglýsingaskilti, eða eiginlega hnakka það

15.09 Newcastle fengu fyrsta hornið

15.10 Hættulegt horn, Reina reddaði í annað, það horn endaði síðan í hendinni á Duff, auki Liver

15.11 Við minime ætlum að sjá stórleik KR og Víkings á morgun kl 17

15.12 Torres með run utan af kanti, skot úr þröngu færi sem Harper varði í horn, lítið varð úr horninu

15.14 Fyrir þá sem ekki fylgjast með þá er Torres búinn að skora þrennu í síðustu tveimur heimaleikjum. Hann getur því skorað þrennu í þriðja heimaleiknum í röð í leik sem byrjaði klukkan þrjú

15.15 Korter búið, Liver töluvert betri en bara eitt skot frá Torres sem talist getur færi

15.17 Newcastle aftur með horn en það fór með jörðinni á fyrsta varnarmann, þetta var meira að segja léleg útgáfa af horni á fyrsta varnarmann

15.18 Ætli það sé eitthvað til sem heitir að pressa lágt? Ef svo er þá er Newcastle að því

15.19 Aftur horn hjá Newcastle, Reina sló það frá og síðan rangstaða á Newcastle. Sigfríð amma komin heim úr vinnunni, með ís fyrir minime

15.21 Aron missti annars eina af framtönnunum í gær, svona Joe Jordan look á honum

15.22 Arnar Björnsson er einn að lýsa, Pennant að reyna trix sem virkaði ekki, einhvern veginn fékk liver horn

15.24 Torres vann til baka eftir hornið, það þykir voða fínt

15.25 Riise með ágæta fyrirgjöf, reyndar ekki á neinn Liver kall en fín beygla samt

15.26 Riise skallaði Milner, það var held ég ekki gott, auki rétt til hliðar við teiginn og gult á Riise. Hörmuleg aukaspyrna hjá N´Zogbia langt yfir

15.28 Einn Pennant special, var með boltann en fékk dæmdan á sig auka, 25 búnar og Newcastle komnir meira inní þetta. Nicky Buttocks að brjóta á Arbeloa

15.30 Arbeloa að reyna skiptingu útaf, hún tókst

15.31 Leiva skutlaði sér niður inní teig, skondið því maðurinn var ekki kominn í hann, fékk ekki víti, hann þarf aðeins að skoða hvernig Ronni gerir þetta, hann bíður allavega eftir að maðurinn komi nálægt sér

15.32 Liver að fá gefins horn, Pennant ákvað þá að taka lélegt horn víst þeir áttu það eigilega ekki skilið

15.34 Liver að fá horn, það væri nú gott ef hornið þeirra væru hættuleg, þetta fór beint á markmanninn, svona fljótandi slakt horn, það er af svipuðum gæðaflokki og horn á fyrsta varnarmann, kannski ekki alveg en nokkurn veginn

15.36 Yossi er búinn að vera svipaður fótboltamaður í þessum leik og Gilzenegger er sem rithöfundur, svona er þarna

15.37 Þetta er ekki búið að vera spes leikur, eiginlega ekkert spes, 35 búnar

15.38 Nú fær Liver ódýran auka sem Gerri fékk skotfæri eftir, varið hins vegar og hreinsað, nú er Jón P að skipta á milli leikja, það er 0-0 alls staðar

15.39 Arnar þekkir ekki muninn á Leiva og Torres, mér sýnist taktíkin hjá Liver vera að gefa á Newcastle kall og sjá hvar hann missir boltann

15.41 japl jamm og klafs á miðjum vellinum þessa stundina, markmenn og hafsentar að gefa á milli, það er yfirleitt frekar leiðinlegt

15.45 Pennant að skora 1-0, gefins frá Enrique, hann skaut í Pennant og boltinn í boga yfir markmanninn, týpískt fyrir lið eins og Newcastle þegar það gengur illa, við tökum það 

15.49 Torres-Gerrard-Torres 2-0 Gott hratt upphlaup og góð afgreiðsla, namminamm Smile

15.50 Kominn hálfleikur, 2-0 Liver. Þeir hafa verið betri en dáldið mikið fyrir Newcastle að vera komnir tveimur undir

16.04 Seinni að byrja, engar breytingar ennþá, væri ágætt ef Torres gæti skorað 2 fljótlega o farið svo að hvíla sig fyrir Inter leikinn. Gerri og Torres byrja á miðju, Liver sækir að Kop end í seinni

16.05 Obafemi Martins að hita upp, dáldið merkilegt ða ekki sé hægt að nota hann meira. Hann er góður, það er meira en hægt er að segja um marga leikmenn Newcastle, ætli hann geti spilað hafsent?

16.07 Einn langur hjá Reina, aftur einn langur frá Reina, reyndar langt útaf núna, skemmtilegar fyrstu mínútur sem sagt. Newcastle búnir að bryeta aðeins í hálfleik, komnir úr lágpressu í miðpressu, ætli hápressan komi þá ef þeir lenda fjórum undir?

16.10 Kuyt að hita upp, hann er tiltölulega spakur

16.11 Torres á Gerra innfyrir, 3-0 gott spil og fín afgreiðsla, 51 mínúta búin, þá fara Gerri/Torres að fara útaf geri ég ráð fyrir

16.12 Mér þætti ekkert leiðinlegt ef Torres koraði þrennu en Rafa þarf eiginlega að vakna og taka Gerra og Torres útaf, ef leikmennirnir sem hann er með á bekknum geta ekki haldið 3-0 forystu á heimavelli þá ættu þeir eiginlega ekki að vera í hópnum

16.17 Gerri í færi eftir að Torres gaf á hann, veit ekki hvað hafsentarnir hjá Newcastle eru slappir en Torres fór afar létt með annan þeirr, hann féll fyrir einföldustu útgáfu af látannfaratrixinu, 3-0 ennþá en miðað við hvað þetta er opið þá fáum við líklegast einhvern mörk í viðbót

16.19 Löng fyrirgjöf og rangstaða hjá Newcastle, það er nokkurn veginn par hjá þeim. Það ætti ekki að þurfa snilling til að sjá það en ef Nicky Buttocks og Alan Smith eru miðjumennirnir þínir þá er liðið ekki líklegt

16.21 Pennant er búinn að gleym aþví að hann er ekki fljótur lengur, þá virkar sjaldnast að reyna mikið að taka menn á, sérstaklega ekki að gefa þeim 5 metra forskot, brotið á Riise en ekkert dæmt

16.23 Gerri með skondið horn, það fleytti kerlingar af gauknum sem stillti sér upp 9 metrum frá, varð hættulegt en reddaðist hjá þeim

16.24 Kuyt á leið inná, væntanlega fyrir Pennant en vonandi fyrir Torres

16.25 Skrtel með eitt karatespark í magann á Martins, það má víst, allavega ekki dæmt, Gerri að koma útaf fyrir Kuyt. Það er líka í lagi

16.27 Riise að reyna að láta reka sig útaf, missti boltann og datt, sló svo boltann en til Martins, ekkert dæmt enda fékk Martins skotfæri, hefði samt átt að gefa Riise annað gult eftir það.

16.28 Þetta er allt voðalega þægilegt eitthvað, nú má Crouch fara að koma inná fyrir hinn gullfallega Fernando Torres, hefur gert sitt í dag og má alveg fá smá hvíld, það er varla hægt að ætlast til þess að hann skori þrennu í hverjum leik, skot frá Martins af 40 metrum í slána, hendi á Arbeloa svo rétt fyrir utan teig, Geremi með skot í vegginn og horn, ekkert kom uppúr því

16.32 Crouch inná fyrir Torres eftir 72 mínútur, það var fínt, þetta er orðið gott í dag

16.33 Newcastle er búnir að fara þrisvar yfir miðju núna á stuttum tíma og það með boltann, horn hjá Newcie Brown Ale

16.35 Nicky Butt datt og greip boltann, fékk auka, svoleiðis gerist þegar maður er 3-0 undir

16.36 Newcastle eru búnir að fá 3 stig í síðustu 12 leikjum, það er svona heldur spes, eiginlega mjög spes. Ég vissi ekki að það væri hægt að ná verri árangri en Allardyce með liðið en Keegan er að rúlla því upp, ágætt breik hjá Newcastle en Reina tók fyrirgjöfina

16.38 Sami inná fyrir Pennant, þriggja manna vörn. Arnar að spekúlera hvort Rafa sé að spara Pennant fyrir iinter leikinn. Jón P segir Arnar vera ótrúlega óskynsaman fréttamann, það er rétt hjá honum. Ekki oft sem Jón kommentar á fréttamennina en var kominn með nóg þarna, enda var þetta tómt rugl

16.41 Mér finnst Arbeloa og félagar vera heldur mikið að renna sér miðað við að það eru 10 eftir og staðan 3-0, Liver með horn

16.42 Bara að minna lesendur á að Aron Freyr spáði 3-0, hann er líklegastur eins og er, Crouch skallaði til Kuyt en hann tók óþarfa touch, Rise með 2 góð skot er blokkað og varið, horn

16.43 Sami fékk að taka boltann á vinstri ristina uppúr horninu, það er dæmi um heldur dapran varnarleik þegar þú færð á þig horn og Sami fær að takann á vinstri ristina

16.45 Buttocks tók hann með hendi, greip næstum því en ekkert dæmt, reyndar bara önnur

16.46 Crouch er merkilega dapur skallamaður miðað við að vera veggja metra ágætis skallamaður, Riise er eitthvða utan við sig í þessum leik, óvenju kraftlítill

16.48 Fínt hlaup hjá hinum ágæta hægri kantmanni Dirk Kuyt, skalli frá Yossi og horn

16.49 Leikurinn fer að klárast, Lucas með trix áðan, hann einhvern veginn hljóp fram úr bolta sem hann var að skalla, hoppaði samt ekki, skallaði með undirsnúning

16.52 Newcastle hafa ekki verið merkilegir í þessum leik, það eina merkilega er eiginlega að einhverjum detti í hug að vera með Smith og Nicky Buttocks sem miðjumennina sína, hvað þá að tveimur detti það í hug.

16.53 Búið að flauta af, öruggur 3-0 sigur Liverpool gegn slöku liði Newcastle. Torres og Gerri bestir, ekki í fyrsta skipti


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband