Borat og golf

Fór í golf áðan eða réttara sagt í Bása að slá. Fékk afbragðs leiðbeinanda með mér, töluvert skemmtilegra að vera ekki einn þarna. Þar sem þetta var í fyrsta skipti síðan í september sem ég snerti golfkylfurnar þá var ég nokkuð sáttur við hvernig ég sló, driverinn svínvirkar og flestar hinar kylfurnar voru í lagi, svona að mestu allavega.

Þegar ég var búinn neitaði hins vegar Boratinn að fara í gang, orðinn eitthvað rafmagnslítill, eftir smá chill í sólinni og jafnvægisæfingar leiðbeinandans á sterkbyggðu grindverki þá kom einhver ágætur golfari og gaf mér start. Hélt heim á leið og væri á leiðinni að horfa á National Treasure 2 ef niðurhal væri löglegt. anywho....

Innflutningspartýið er í kvöld, SGÓ ætlar að mixa einhvern mat og við eigum von á skemmtilegu fólki hingað, nýbúni en þó enn ókrýndi meistarinn hún Fjóla ætlar meira að segja að heiðra okkur með nærveru sinni. Þeir sem ekki hafa enn boðað komu sína er þó að sjálfsögðu velkomnir, opið hús frá kl 8.

Minime a afmæli næstu helgi, prinsinn minn að verða 7 ára.

Liver sýnist mér vera að gera jafntefli rétt í þessu, breytir engu enda stórleikurinn á miðvikudag.

Kveð að sinni með nýjum afbragðs Idolkeppanda, lenti einu sinni í öðru sæti í velska Idol, Duffy heitir hún og er í uppáhaldi hjá golfleiðbeinandanum geðþekka

Um Riise

hef ég lítið að segja, döpur framkvæmd á lélegri hugmynd. Gerri/Torres þurfa þá að hysja uppum hann á miðvikudaginn.

Kom við í Kennó í gær, skemmtilegt að koma þar við en ég fattaði hvað það er langt síðan ég kláraði skólann, verða 3 ár í sumar. Fannst í fyrsta skipti ég vera utanaðkomandi þar.

Hef ekki gert mikið í dag, reyndar sett í eina þvottavél sem telst allmikið hjá mér. Smá vinna en kláraði það af Bollagötunni. Held að það sé möguleiki að ég sé að verða búinn með internetið, allavega ef internetið er Facebook, bloggsíðurnar hjá Maju og Fjólu og gamlar idolyoutubeklippur.

Byrjaði á sömu bókinni þrisvar en hef ekki eirð í mér til að lesa, hélt að hámark letinnar væri að liggja á rúmstokknum og nenni ekki að leggjast útaf en mér sýnist það jafnvel frekar vera að nenna ekki að halda á bók í lazyboystól.

Hef ekkert um vörubílstjórafréttir að segja

Að venju fréttir af ofbeldi í miðbænum enda djammdagur í gær. Þetta er orðinn spes staður, miðbær Reykjavíkur.

Innflutningspartý á Bollagötu á laugardag, þessir 8 sem lesa bloggið mitt eru eðlilega velkomnir, ætli við segjum ekki að húsið opni um kl. 20

Jimmy V

Stofnun sem vinnur að krabbameinsrannsóknum, fyrir þá sem hafa áhuga er rétt að benda á www.jimmyv.org

Mögnuð ræða

Hlæja, hugsa og gráta á hverjum degi, njóta lífsins!

Í alvöru

hafiði séð betra mark?

Hinn Gullfallegi Kristinn Tómasson

hann verðskuldar fullt nafn fyrir þetta finnst mér

Vinnudagur

eða réttara sagt Valitor dagurinn á morgun. Sönghópurinn minn vann öruggan sigur í söngvakeppni fyrirtækisins, á reyndar eftir að tilkynna það en það ætti eftir að vera klárt á morgun.

Verð því miður þess vegna lítið með minime um helgina, náum smá tíma á sunnudag.

Best að segja sem minnst um Idol, það er víst á stöð tvö á mánudag.

Stuttur

vinnudagur í dag, fór heim um hálf tvö. Var annars á á 3 tíma skyndihjálparnámskeiði í morgun í vinnunni, blástur og hnoð, aðallega hnoð á það víst að vera.

Ef niðurhal væri löglegt þá hefði ég verið að horfa á african american lives 2, afar áhugavert stöff.

m.a. þetta

Og mér

tókst að vakna klukkan 9.30 á laugardegi, aldurinn færist greinilega hratt yfir.

Ætli ég fari ekki í heimsókn til Sigfríðar og Jóns á eftir, þvoi bílinn og geri svo ekki neitt, ég er ágætur í því.

Hef ekki reynt að bæta Bubblesmetið nýlega, SGÓ hefur aldrei komist yfir milljón þannig að metið er varla í hættu

www.birkiland.com

Kjartan vinur minn var að opna afbragðs síðu, svona hönnunarstöff, hvet hina 7 err... ég meina 8 dyggu lesendur síðunnar til að kynna sér þetta.

Kjartan er án efa mesti smekkmaður sem ég þekki og að auki sérmenntaður í fræðunum  

www.birkiland.com

Facebook-grúppan 

Minnispunktar 7.4.2008

Í dag: 

var ég að vinna frá 9-16

er SGÓ væntanlegur frá Barcelona

kom Kolla heim frá Svíþjóð

var afmæli í vinnunni, en engar afmæliskökur, svindl

er ég að bíða eftir Liverpool-Arsenal leiknum á morgun, horfi á hann með Sverka nema að hann þurfi að laga loftið í sumarbústaðnum aftur

er ég eirðarlaus en spakur, hvernig það svo sem er hægt

er ég að pæla í að fara snemma að sofa, fer síðan eðlilega ekki eftir því, ef niðurhal væri löglegt þá tækist mér eflaust að finna eitthvað stöff til að horfa á

er ég ennþá slappur eftir boltann fyrir 10 dögum, er orðinn gamall held ég

er ég spenntur fyrir Liver-Arsenal, var ég búinn að minnast á það?

er ég að pæla í því hvernig það geta verið 15% stýrivextir hjá Seðlabankanum-spes land sem við búum í, þurfum við að sækja um úrsögn úr fyrsta heiminum eða er það bara afgreitt fyrir okkur

er ég með allt hreint hérna eftir massa þvott í gær, sóun að eyða degi í það, hefði getað psilað goldminer eða eitthvað í staðinn

gleymdi ég að gera athugasemd hjá póstinum vegna boðskortsins sem týndist fyrir helgi

væri ég að fara að horfa á Closer ef niðurhal væri löglegt

Þvottadagur

í dag, sennilega rétt að nýta þvottavélina og þurrkarann víst maður á slíkt. Þrjár vélar komnar í dag og líklega búið, þarf þá ekki að þvo aftur fyrr en einhvern tímann um miðjan maí.

Maja að auglýsa eftir ferðafélögum að sjá Cohen í sumar, ég er sá eini sem er búinn að melda mig en er samt einhvern veginn svona númer 8 á listanum, best að kæra það, þetta er svona kosningasvindl eins og hjá Mugabe

Ef niðurhal væri löglegt þá væri ég að horfa á Joey seríu 2, af því að ég man ekki hvað þættirnar heita sem JBS mælti með. Verkfallið er annars búið úti þannig að þættirnir eru að koma