Ekkert lesið í dag-er að melta þetta gos

býsna stórt mál ef öllum flugvöllum í bretlandi er lokað

vona að þessu ljúki fljótlega

Skýrslan góða - 3

Er sem sagt búinn með fyrsta bindið, rúmlega 300 síður það.

Af lestri dagsins er fyrst að nefna allt að því skondna yfirferð yfir ummæli stjórnmálamanna misserin fyir hrun, skulum bara segja sem svo að ummælin samræmist ekki alveg þeim upplýsingum sem þessir sömu aðilar bjuggu yfir(211-220)

Þessar síður sem ég las í dag fjalla annars að mestu um sölu bankanna. Fram kemur að skilyrðin sem sett voru til að velja kaupendur voru mögulega sérsniðin að ákveðnum kaupendum(263+302)

Árið 2005 hafði fme áhyggjur af sjálfslánum eigenda landsbanka, sendi bréf en hætti svo bara við að fylgja því eftir(bls.289)

Á bls 303 er síðan rifjuð upp ankannaleg viðbrögð þegar kaupendur búnaðarbanka stóðu ekki við hluta kaupsamnings

Þema dagsins aftur afar sérstök stjórnsýsla, vantaði dáldið bein í nefið sýnist mér

Skýrslan góða-2

Er búinn með 200 síður, er kominn að niðurstöðum nefndarinnar fyrir fjórða kafla.

Textinn hefur verið þyngri síðustu 40-50 síður, þar sem ég er hvorki viðskipta- né hagfræðimenntaður hefur þetta eflaust tekið lengri tíma en ella. Eftir sem áður var textinn skiljanlegur og afar áhugaverður.

Það sem ég stoppaði helst við voru geðþóttaákvarðanir seðlabankastjóra þegar bankarnir hrundu(bls 161), "ástarbréfa"vitleysuna(bls166) og reynslan úr asíukreppunni hefði átt að kenna stjórnvöldum að erlend skuldasöfnun einkaaðila væri varasöm(bls 189).

 Skemmtileg sneið sem Ingólfur Ingólfsson, Vilhjámur Bjarnason og Egill Helga fá á síðu 192

Verulega forvitnileg lesning

Þema dagsins er þá víst sérkennileg stjórnsýsla

Skýrslan góða-1

Er byrjaður að lesa þessa ágætu skýrslu, er búinn með bls 125. Hún er afar vel skrifuð.

Gagnrýnin eins og ég vonaðist eftir. 

Það sem af er ber helst að nefna að einkavæðing bankanna var verulega spes, þ.e. í aðdraganda einkavæðingarinnar var  talið mikilvægt að um dreifða eignaraðild væri að ræða en síðan valin sama leið og mistókst í Mexíkó 10 árum áður(bls.112).

Sérstakt líka að lesa á bls 124 að stjórnvöld vissu af hættunni við að hækka útlán íbúðalánasjóðs en hafi metið það sem ásættanlegan fórnarkostnað til að halda völdum.

Sjálfstæðisflokkur og framsókn sem sagt það sem af er. 

Rétt að þakka rannsóknarnefndinni fyrir að gera skýrsluna læsilega(já og að skrifa hana yfirleitt)

 

Skýrslan

Hvað ætli maður verði lengi að lesa þessa skýrslu almennilega?
Viku?