Leikjadagbók Manchester United-Tottenham 26.8

Jórsalir 4, Jón Pétursson fyrrum landsliðsfyrirliði væntanlegur.

Höddi Magg með Boga Ágústsson og hinn vel greidda Tómas Inga Tómasson í settinu. Pælinar um sentera hjá ManU, þeim finnst líklega John O´Shea ekki vera lausnin þar.

14.45 Höddi ræðir um að Berbatov fari jafnvel til ManU en þeim finnst líklegra að Defoe fari þangað af því að hann hefur ekki skrifað undir samning. Mér finnst reyndar Defoe vera góður en fatta ekki alveg hvers vegna hann er svona heitur, hefur ekki verið í liðinu hjá Tottenham síðan Köben brann.

14.49 Martin Jol veit hvað hann er að gera. það hefur komið fram þrisvar núna á 3 mínútum. Tómas Ingi er ekki hrifinn af Wes, er ekki einn um það

14.56 Arnar Björnsson og Heimir Guðjónsson að lýsa leiknum, það er allavega hálfgott. Reyndar gott að sjá að það eru yfirleitt einhverjir fótboltaspekúlantar með Arnari, Gaupa og co, Pétur Ormslev og Atli Eðvaldsson voru áðan að ræða um Boro-Newcastle leikinn, þeir eru eldri en tvævetur.

14.59 Liðið hjá ManU er Wes, Rio, Vidic, Evra, Nani, Carrick, Hargreaves, Giggs, Scholes og Quasimodo. Liðið hjá Tottenham er einhvern veginn, allavega er Defoe á bekknum. Þetta er annars leikur á milli liða í 19. og 16. sæti í deildinni, svona dáldið eins og Birmingham-Bolton verður seinna á leiktíðinni. 

15.02 Nani með þversendingu sem leiddi til sláarskots, reyndar hjá Tottenham, fín byrjun hjá Nani

15.04 Gareth Bale hinn ungi, sem er víst fulla nafnið hans samkvæmt Arnari, átti tvær fyrirgjafir beint á fyrsta varnarmann, ein í viðbót og þá hefði hann unnið sett af steikarhnífapörum

15.21 fyrrum landsliðsfyrirliði Jón Pétursson er mættur á svæðið

15.28 ManU með slatta af færum síðustu mínútur, sýnist Tottenam vera einu númeri of litlir í þennan leik.

15.33 Wes lítur ekki sérstaklega knattspyrnulega út þegar hann er með boltann, eitthvað spes við hann

15.34 Scholes með afskaplega hægt hraðupphlaup, það tók hann sennilega 15 sekúndur að fara yfir  miðjuhringinn, 18.3 metra

15.39 ManU saknar dáldið Ronna og Shrek, þetta er ekkert sérstaklega beinskeytt hjá þeim

15.42 það er víst heil umferð í Landsbankadeildinni á eftir, það verður einhvern veginn ekki jafn áhugavert þegar enski er byrjaður.

15.44 Giggs fékk eitt Pennant gult spjald, hljóp á eftir einum og renndi sér síðan aftan í hann, kvartaði síðan yfir spjaldinu, það virkar alltaf vel

15.47 0-0 í hálfleik, ManU eru komnir í trixið frá Reading leiknum, fá ekki fyrirgjafir heldur vera í reitabolta fyrir utan teig, virkaði allavega vel fyrir Reading.

15.58 Bogi er heldur sáttari en Tómas Ingi, það vantar bit í sóknarleikinn hjá ManU, þeir gefa ekki mikið fyrir en ManU eru samt töluvert betri, Tottenham vinnur allavega ekki leikinn, gætu hins vegar alveg náð í jafntefli miðað við hvernig fyrri hálfleikurinn var

16.09 Seinni byrjaður, engar breytingar ennþá, Zokora farinn að hita upp, gæti komið inná fyrir annan hvorn senterinn ef Tottingham ná að hanga á þessu jafntefli næstu 20 mínúturnar

16.13 Tottingham með fyrirgjöf, einfalt hjá þeim, gefa á senterinn, hann úta kant, svo koma menn sér inní og fá fyrirgjöf, ætli ManU hafi tekið eftir þessu?

16.17 Frír skalli hjá Tottingham á markteig, Rio með senteradekkningu, svona vissi hvar maðurinn var. Eagles kominn inná fyrir Carrick, hann er með afskaplega fínt hár

16.20 Rio missti boltann, ekki hans besti leikur, horn hjá Tottenham sem lítið varð úr

16.25 Hörmung hjá Vidic, break hjá spurs og líklega víti á Rio, Berbatov náði einhvern veginn næstum því að skora en Rio hreinsaði upp á línu, ágætt að hann gerði eitthvað rétt, Tottenham fékk síðan annað færi, eitthvað í ólagi hjá ManU

16.28 Það er að lifna yfir þessum leik, spurs voru að redda á línu eftir ágætis upphlaup hjá Man. Nani síðan með þvílíkt skot, 1-0 fyrir ManU, þeir þurftu á þessu að halda

16.30 tuttugu eftir og 1-0 fyrir ManU, sé ekki að spurs séu að fara að jafna, ManU getur lagst aðeins aftar og það ætti að nægja, Jol verður þá rekinn og Klinsmann tekur við, versta við það er eiginlega að þá geetur maður ekki minnst oftar á að Martin Jool á 2 bræður, sem heita Dick og Cock

16.36 Defoe inná fyrir Keane, Robbie hefur ekki gert mikið í þessum leik, veit ekki hvort þetta breytir miklu en Jol þurfti að breyta einhverju, Scholes gefur auka rétt fyrir utan teig, ekki fyrsti aukinn sem hann gefur. Tevez útaf fyrir Fletcher

16.40 Berbatov með góðan snúning og skot, hann er góður, verður fínn á næsta ári með Torres hjá Liver. Gareth Bale hefur reyndar verið ágætur líka, allavega eftir að hann hætti að gefa á fyrsta varnarmann

16.52 90 búnar, þetta er safe, ágætis leikur hjá ManU og gott mark hjá Nani. Bale átti síðan ágætis séns að gefa fyrir en ákvað þá að gefa á næsta varnamann í staðinn. Flautað af og tiltölulega sanngjarnt hjá ManU, þeir eiga Sunderland heima næst, sjáum hvort það verður lífsmark á Keane þá

17.47 Smá viðbót, það var skemmtilegt glott á hinum hárprúða Tómasi Inga, Bogi var hins vegar heldur tapsár, var einhvern veginn búinn að finna út að Tottenham hefðu líklega verið betri, fór síðan að halda því fram að árangur Tottenham síðustu ár hafi ekki verið meðalmennska áf því að þeir komust tvisvar í undanúrslit í bikarkeppnum , ágætt að sjá það sem mælikvarða hjá liði sem á nógu mikið cash money til að vera í toppbaráttu. Þetta er allavega endanlega búið hjá Tottingham, mega þakka fyrir að ná inn á topp 8 í lok móts. Held að ManCity, Everton og Newcastle verði allavega fyrir ofan þá, fyrir utan 4 toppliðin sem eru að verða áskrifendur að meistaradeildarsætunum