Einn sá besti

sem við höfum átt, allavega þessi ca. 20 ár sem ég hef fylgst með boltanum hér heima. Hef þekkt hann ansi lengi og hann dæmdi oft hjá mér. Eiginlega það besta sem hægt er að segja um dómara er að þeir hafi litla þörf fyrir sviðsljósið og séu samkvæmir sjálfum sér. Það á klárlega við um Gylfa. Hann dæmdi meðal annars síðasta "alvöru" leikinn minn, bikarúrslitin 2001. Hörkuleikur sem fór 2-2 eftir framlengingu. Liðin tóku vel á því en Gylfi hélt leiknum frá því að fara í dellu, ekkert gult spjald í leiknum og það var aldrei neitt stórvesen. Við áttum síðan stutt spjall í vítakeppninni, á meðan ég var að laga vítapunktinn eftir að KA maðurinn tætti hann upp í vítinu á undan(Hreinn sennilega). Eftir að ég var búinn að dunda mér við að laga holuna í kringum punktinn spurði Gylfi hvort við ættum ekki að halda þessu áfram, sem ég og gerði.

Ásamt Kristni Jakobs besti íslenski dómari sem ég man eftir, fínn ferill hjá þér Gylfi.

Gæsahúð á Celtic Park