Leikjadagbók Liverpool-Arsenal 28.10.2007

Jórsalir 4, nóg af kóki en ekkert saltnammi. Engir gestir að þessu sinni, Minime farinn heim til sín. Var að spá í að skrifa þetta frá Bifröst en nennti ekki að keyra í myrkri eftir leik.

Það verður gaman að sjá hvernig liðið verður, er næstum að vonast eftir miðju með Gerra, Masherano, Xabi og Babel.

15.45 Var að sjá liðið. Reina, Finnan, Carra, Hyypia, Riise, Gerri, Alonso, Masherano, Voronin, Kuyt og hinn gullfallegi Fernando Torres. Við gætum mögulega verið að sjá ný level af sérkennilegheitum frá Rafa, Gerri jafnvel á vinstri, allavega hann eða Voronin, gott að Babel er ekki kantmaður eða svoleiðis?

15.48 Gaupi er í settinu með Grana og Frey úr FH, það er reyndar einn stór kostur við það, Gaupi er þá ekki að mala á meðan leikurinn er í gangi. Spái Hödda og Bjarna Jó í lýsingunni.

15.49 Gangurinn að klefunum á Anfield er svona eins og landgangur á flugvöllum, einbreitt eiginlega, ætli það verði ekki rýmra á Shankley Park

15.51 Torres er sérstaklega vel greiddur í dag, hann hefur mitt leyfi til að skora þrennu í dag.

15.52 Það er mér hulin ráðgáta, nú eins og áður, hvernig Voronin gat fengið tíuna

15.54 fyrir þau ykkar sem ætla að hringja til að spyrja hvað mér finnst um hitt eða þetta í fréttum þá get ég svarað því strax, mér finnst það alveg fínt eða afleitt, allt eftir aðstæðum, það eru 5 mínútur í leik þannig að ég tek ekki síma í 2 tíma, Grani og Freyr spá báðir 3-1, reyndar fyrir sitthvoru liðinu

15.56 Arnar er einn að lýsa, holy smoke, var enginn sérfræðingur laus?

15.57 You´ll never walk alone

15.58 Nett taugaspenna, hollt og gott því þá er manni ekki sama

15.59 Theo Huxtable er á bekknum, stóð sig sennilega ekki nógu vel síðast hjá Arsenik. Yfir/undir á beinum ristarspyrnum hjá Kuyt er 9, þar af minnst 7 úr sérkennilegum vinklum

16.02 Arsenal byrjar með boltann, það skiptir yfirleitt ekki miklu í fótbolta

16.03 Þetta er Kuyt/ Voronin á hægri/vinstri, Gerri fyrir aftan Torres, það lítur vel út. Meikar meira að segja sens, nema kannski fyrir þær sakir að hvorki Voronin né Kuyt eru kantmenn, þeir eru samt eiginlega ekki heldur senterar, hmm.... þeir eru svona sóknarmenn, crap, Carra er meiddur

16.06 Voronin með spjald, best að taka hann þá útaf. Hann fékk þetta eftir svona látannfaratrix, hann gleymdi bara að snúa við og taka boltann því það var enginn annar þar

16.07 Þeir eru búnir að laga HD hljóðið allavega, Liver með auka svona meter fyrir utan teig

16.09 Gerri að taka þetta, af hverju eru þeir að vesenast með það að renna boltanum

16.10 Já ok, kannski af því að Gerri getur þá neglt honum inn, 1-0, nammi namm

16.11 Fínasti auki hjá Gerra, er almennt ekki hrifinn af því að renna boltanum til hliðar í auka, það gefur hinum séns að komast fyrir boltann, hjálpaði þarna að innsti gaukurinn í veggnum ákvað að vera ekki lengur í veggnum

16.12 Ég held að Voronin sé ekki búinn að fatta hvað gult þýðir, hann var allavega að renna sér aftur, ok, ég skal útskýra ef hann skyldi lesa þetta í hálfleik, sko, ef þú ert kominn með gult þá þarftu að passa þig dáldið, annað gukt þýðir nefnilega ða þú ert rekinn útaf og það má enginn koma inná fyrir þig

16.14 Crouch að hita upp, veit ekki alveg hvað það þýðir, vona að Torres sé í lagi

16.16 hendi á Hleb, þetta var samt bara önnur, veit ekki af hverju þeir dæmdu á þetta, Gerri er í svona frjálsri stöðu fyrir aftan senterinn, sýist honum ekki leiðast það mikið. Arsenik er að svona þvælast upp kantana, vel spilandi lið samt

16.18 Almunia í marki hjá Arsenik, var ekki Lehman búinn að segja wenger að passa sig? hann hefur sennilega misst af því, hjúkk, Adebayor í færi en Reina reddaði

16.20 Voronin er búinn að eiga 5 sendingar, þar af 7 á mótherja

16.21 Hyypia með langan bolta sem var sentimetra frá því að hitta Torres, eða reyndar svona 2000 sentimetra

16.22 Arnar hefur eiginlega ekki sagt neitt vitlaust það sem af er, hmm.... ok, þangað til núna þegar hann sagði að dómarinn væri hliðhollur Liver en svo 5 sekúndum seinna að að hann væri samkvæmur sjálfum sér þegar Liver fékk ekki auka, ég er smá ringlaður, hvort er þetta Arnar?

16.25 OK, nú sagðist hann ætla að draga þetta til baka frá því áðan, þetta er eiginlega meiri Derby leikur en á móti Everton síðast, allavega er tempó í þessu og menn virðast smá pirraðir

16.27 Torres reyndi rennonumframhjáoghlaupatrixið en gleymdi að renna boltanum fram Toure

16.28 Liver er aðallega að reyna að negla fram á Torres, er það ekki venjulega betra ef það er allavega í áttina að honum, eða bara allavega ekki beint á markmanninn

16.29 Gerri með skot eftir 2 horn, aftur horn, á það ekki að vera víti?

16.30 Æ, þessi 3 horn og víti brandari er að verða þreyttur, ég er hættur að notann. Carra prófaði einn langan á Torres, það er ekki gaman að elta svona þvælu allan leikinn, nú sást reyndar að það var hendi á Sagna í horninu, það er stundum víti en reyndar var þetta bara önnur

16.33 Carra sló Eboue inní teig, það má ekki, af hverju sá línuvörðurinn þetta ekki, nú var Gerri með eina Ninja tæklingu en meiddi sig, sýndist hann fá högg á ökklann, þetta var ekki gott allavega

16.35 Voronin hitt núna loksins á samherja, það gerðist reyndar þegar hann var að hreinsa, ok þetta er dáldið ýkt hjá mér, hann hitti einu sinni eða tvisvar á samherja áðan af 5 metra færi

16.36 Arnar hefur verið að finna blaðið sitt með gamalli tölfræði, það er fínt, virkar svona eins og suð í sjónvarpinu

16.38 Arsenik eru búnir að vera betri bróðurpartinn af leiknum, það er ekki sama flæði í Liver, kannski að því að kantararnir eru ekki kantmenn og að Liver reynir eiginlega bara langa bolta

16.40 Adebayor að reyna að setja schnabel í eyrað á Hyypia en hann varði sig með olnboganum, shit hvað hann hoppar hátt, það er reyndar mikið betra en Scwarzer í ManU leiknum í gær, hann hoppaði niðrávið í markinu hjá Nani

16.43 Það eru svona 4 eftir af fyrri, Liver má eiginlega þakka fyrir ef þeir ná að fara í hálfleik með þessa stöðu, væri gott samt

16.45 Gerri með ágætan auka, munaði ekki miklu að Sami næði að skalla af markteig, það telur reyndar ekki mikið að ná boltnaum næstum því

16.46 Mér sýnist nokkrir þarna vera orðnir dáldið þreyttir, það er svo sem búið að vera hellings tempó í leiknum, Torres reyndi eina 60 metra skiptingu með vinstri, hann dreif svona 30, það var ekki nóg, nú meiddi Torres sig, hvað með að henda boltanum útaf þá, nei ok, Torres er staðinn upp.

16.49 Þegar Crouch kemur inná fyrir Torres, ætli við höldum áfram að reyna bara stungur? Er það ekki dáldið eins og að fara í malargryfju að kaupa í matinn að stinga á Crouch, það er eitthvað sérkennilegt við það

16.51 ok, hálfleikur. Liver eru yfir og það er svona passlega sanngjarnt, Arsenal hafa allavega verið meira með boltann og hafa fengið eitt/tvö færi. Crouch er á leiðinni inná fyrir Torres í seinni, það ruglar aðeins kerfinu hjá Rafa, hvort ætli hann hæti þá við skiptinguna á 54. 75. 87. mínútu? Ég spái því að þetta veðri í staðinn fyrir 54. mínútu skiptinguna. Babel kemur þá inná fyrir Voronin á 75. ef Voronin les bloggið í halfleik og lætur ekki reka sig útaf.

17.06 Það var viðtal við Grobbelar í hálfleik, Pétur Hafliði fór einu sinni útá lífið með honum, kemur fáum á óvart að Grobbi er skemmtilegur náungi, hann lítur einhvern veginn þannig út, svona svipað og að ég er pottþéttur á því að Souness er leiðinlegur

17.08 Jónas Grani benti réttilega á það í hálfleik að Liver er ekki með neina kantmenn. Það skiptir líka voða litlu máli þegar senterinn þinn getur eiginlega bara skorað eftir fyrirgjafir, gott að við vorum ekki að setja einn tveggja metra inná sem getur bara skorað eftir fyrirgjafir

17.11 Hey kúl, þið vitið svona þegar tónlistarmenn gera kóver af lögum í virðingarskyni við aðra tónlistarmenn, Mascherano var núna, í virðingarskyni við Momo, að taka Momo trix, þ.e. að vinna boltann en hlaupa svo af stað í dellu og missann aftur

17.13 Arsenal með þokkalegt spil, láta bolta flæða ágætlega á milli kanta, nú var Crouch að taka boltann niður, snúa sér og negla langt fyrir utan teig, ég hef ekki séð þetta áður, Gerri með horn beint á fyrsta varnarmann, sko það er ekki erfitt að taka horn og auka, koma boltanum bara aðeins yfir fyrsta varnamann, það er yfirleitt nóg

17.16 Arsenal með skot í stöng og Fabregas með skot framhjá tómu marki af vítapunkti, kom eftir frábært spil frá þeim. Mashcerano fékk gult eftir eina tveggjafóta stökktæklingu, gott að það eru ekki reglur sem segja að það eigi að reka útaf fyrir svoleiðis eða neitt

17.18 Nú var Crouch að salta einn, það eru tæklingar og aksjón í þessu.

17.20 Endursýning af Ninjastökkinu hans Masherano, merkilegt að hann sé ennþá inná og líklega ágætt fyrir Sagne að hann hoppaði frá þessu

17.21 Dammit, Riise með fyrirgjöf á fyrsta varnarmann, hann á samt að vita að horn/aukaspyrnureglan á líka við um fyrirgjafir, nennir einhver að sms-a því á hann ef hann skyldi vera með símann á sér inná, ég er ekki með númerið hans

17.24 Reyndar eitt með svona slána eins og Crouch, það er erfitt að kenna þetta, þ.e. hæð

17.25 rúmar 10 í Voronin/Babel skiptinguna, ég held að Arsenal sé að færa sig framar, allavega er svæði fyrir Crouch til að hlaupa í og ekki hleypur hann hratt.

17.27 Þetta var óvænt trix, Benayoun var að koma inná fyrir Voronin  á 65. mínútu, Alonso næstum búinn að skora með hendi, Arnar næstum búinn að fatta að það var aksjúallí dæmt á þetta, Theodore Huxtable Walcott að koma inná

17.29 Þessi skipting ruglaði mig dáldið, síðan hvenær skiptir Rafa eftir 64. mínútur, geri mér enga grein fyrir því hvað þetta þýðir, nú er Alonso meiddur aftur; Arbeloa að koma inná með hárkolluna hans Pennant, þetta er sennilega svona í virðingarskyni við Pennant víst hann meiddist, fallega gert hjá honum

17.32 ég er ekki hrifinn af þessari skiptingu hans Rafa, hefði ekki verið hægt að færa Gerra neðar og setja Babel inná, getum ekki alveg pakkað finnst mér. Jafnvel hægt að færa Yossi innar og koma Babel á kantinn, hann hefur hraða til að breaka á þá ef við skyldum einhvern tímann ná boltanum af þessu Arsenal liði

17.35 Tvær skiptingar á leiðinni hjá Arsenal, Mascherano vann boltann til Riise sem hljóp af stað og reyndi þríhyrning við Toure, sennilega ekki fattað að hann er ekki með honum í liði þannig að Toure gaf ekki boltann á hann aftur

17.37 Riise með skot beint fyrir utan teig eftir að Gerri gaf fyrir af vinstri kantinum, ætti kannksi að vera öfugt en þetta var allavega ágætt skot.

17.39 Bendtner skallaði í gegnum klofið á Sami, dáldið töff, Arsenal annars í reit inní teig hjá Liver, kannski að við ættum að reyna að taka boltann af þeim

17.40 Það er svona korter eftir, AArbeloa er að reyna sama trix og Voronin í fyrri, þ.e. að gefa mest á kallana í hinu liðinu, hann er allavega dáldið lengi að þessu eitthvað. Fabregas búinn að jafna, kemur ekki mikið á óvart enda Arsenal búnir að vera betri eiginlega allan leikinn 1-1

17.43 Ætti að verða tempó þessarar síðustu 10 mínútur, ekki að það hafi vantað hingað til. Crouch að pressa inní teig hjá hinum, Yossi ákvað þá að dekka svæði við miðjulínuna, borgar sig ekkert að hjálpa við pressuna ef hún skyldi kannski virka. Svæðið við miðjulínuna skapaði allavega ekki hættu

17.47 Dómarinn tók boltann af Kuyt á miðjunni en Carra reddaði því, er annars að pæla í því hvar Neil Mellor sé, hann hefur skorað á CopEnd á móti Arsenik

17.49 Töff, sama trix og áðan, Arsenal með skot í stöng og síðan frákast framhjá, Liver fóru með 8 fram áðan, verst að Gerri ákvað þá að missa boltann þegar hann var aftastur af þeim

17.50 Arbeloa með sendingu sem fór ekki á mótherja, fór reyndar úaf en allavega ekki á mótherja

17.51 Mér er búið að takast að blokka svo vel á Arnar að Ómar þurfti að benda mér á að hann hafði líkt Sami við gamlan finnskan vörubíl

17.54 Þetta fer að verða búið, eigum eiginlega ekki mikið meira skilið en 1 stig úr þessu, hefði svo sem verið fínt ef Gallas hefði ekki náð að henda sér fyrir skotið hans Gerra áðan en so be it.

17.55 Flautað af, endaði 1-1 sem er sennilega sanngjarnt svona þegar allt kemur til alls. Liver hefði hugsanlega getað hangið á þessu en Arsenik átti ekki skilið að tapa þessu. Nú er bara að vona að Torres og Xabi séu í svona þokkalegu lagi, við þurfum á þeim að halda.

Ómar vinur minn, sölukall hjá Eyjunni er farinn að skrifa leikjadagbækur líka, hann er dáldið reiður bloggari sem gerir bloggið hans dáldið skemmtilegt. Hann er samt markmaður þannig að hann er með soldið skrýtnar hugmyndir um fótbolta , heldur t.d. með ManU sem er yfirleitt merki um að menn séu ekki alveg með fulle fem

Athugasemdir

[Ómar Örn Ólafsson (IP-tala skráð) 28.10.2007 kl. 15:52]

Fyrir þig Petter björn þá vona ég að gerra verði ekki tekinn útaf eftir 55 mín eins og í síðasta deildarleik!

[Pétur Björn Jónsson, 28.10.2007 kl. 15:56]

hehe, gerri er minnst 65 mínútna maður í dag

[Ómar Örn Ólafsson (IP-tala skráð) 28.10.2007 kl. 15:59]

Afhverju brunar þú ekki í hálfleik til Valla á mánagötuna og tekur FIFA 2008 eftir leik? nei...bara pæling ;)

[Pétur Björn Jónsson, 28.10.2007 kl. 16:01]

ég er að einbeita mér að leiknum, svo þarf ég að einbeita mér eftir leik

[Ómar Örn Ólafsson (IP-tala skráð) 28.10.2007 kl. 16:03]

En það er betra að einbeita sér að HD en ekki það er á hreinu :D

[Pétur Björn Jónsson, 28.10.2007 kl. 16:05]

hd er svipað og venjulegt í 7 ára gömlu sony sjónvarpi

[Ómar Örn Ólafsson (IP-tala skráð) 28.10.2007 kl. 17:42]

Mér finnst líkingin hjá Arnari fyndin þegar hann líkti sami við gamlan finnskan vörubíl...en leiðinlegt með markið samt...

[Pétur Björn Jónsson, 28.10.2007 kl. 18:01]

ég missti merkilegt nokk af því hjá honum, já ég veit að þér fannst leiðinlegt með markið

[Kolla sys (IP-tala skráð) 29.10.2007 kl. 09:16]

Til hamingju með daginn elsku brósi...

[Pétur Björn Jónsson, 29.10.2007 kl. 09:42]

takk:)