Hveragerði-Gufudalsvöllur 23.5

Í þvílíku ruglveðri. ABC-mótaröðin sem sagt þannig að það var höggleikur án forgjafar

Logn, rok, rigning, hagl, rigning, hagl, rok.

Það hjálpaði allavega ekki en varla hægt að kenna því alfarið um

Fannst völlurinn leiðinlegur, allt of mikið labb upp og niður brekkur, hjálpaði reyndar ekki neitt að ég var sjaldnast á braut.

Skemmtileg umgjörð að mörgu leyti þarna og vel hirtur völlur en það fer dáldið í taugarnar á mér þegar alltaf eru hindranir í 200 metrum, fékk slatta af vítum þegar ég átti góð högg.

125 högg og 17 punktar var afraksturinn. Finnur mun betri, 7 pör sem samt 102 högg. Dáldið þannig dagur einhvern veginn

Ég átti ekki eitt bördípútt og fékk ekki eitt par

Korpa 19.5 fyrri 9

Ekkert spes 9 holur með seniornum

4 högg út fyrir vallarmörk, samtals 5 víti, kannski kominn tími til að fara í Bása aðeins

Allavega 59 högg(tók tvisvar upp) 27 punktar, 9 hjá mér sem sagt á þessum 9 holum

2 hittar brautir og 2 flatir, 1 par, 1 skolli en rest skrambar

Næsti hringur sennilega um helgina, fer samt fyrst í Bása held ég

1 þrípútt og 1 einpútt á þessum sjö holum, púttin öll að koma til og löngu járnahöggin líka en upphafshöggin týnd og tröllum gefin

Korpa 16.5

Annar hringur ársins, gekk betur en samt verr. Fleiri léleg högg, hitti t.d. bara tvær brautir sem er dáldið ólíkt mér.

Allavega...

108 högg, 23 punktar.

Hittar brautir 2/13, Hittar flatir 0/18 (sem þýðir að ég átti ekki einu sinni eitt bördípútt)

35 pútt, 1 par, 3 skollar og 14 skrambar.

p.s. 6 týndir boltar, þar af þrisvar út fyrir vallarmörk á fyrstu 5 holunum

Korpa 14.5.2009

Fór með Finni kl. 18.20. Stormur en hlýtt

114 högg, 21 punktur

2 pör, 5 skollar, 11 skrambar, (2X)

40 pútt, 3 þrípútt og 1 fjórpútt, 1 einpútt. Hittar brautir 8/13, hittar flatir 2/18

Skemmtilegt að vera kominn af stað, verð samt að gera ráð fyrir að þetta verði ekki besti hringur sumarsins :)

Slatti af góðum höggum en dáldið mörg víti og léleg innáhögg, svo sem við því að búast.

K20

erum flutt á Kambsveg, ég búinn að bera og Steinunn að koma okkur fyrir. Býsna kúl íbúð reyndar.

Veðurspá hörmung fyrir fimmtudag og föstudag þannig að ekki fer ég í golf þá. VALITOR-dagurinn á laugardag, ætti að verða skemmtilegt.

Er kominn með tvö ný pör af golfskóm, 100 bolta og tvær nýjar kylfur, pútter og 24°blendingur. Allt klárt sem sagt.

Ný/gömul stjórn

verður mynduð fljótlega eftir helgi miðað við kannanir.

Samfylking og VG verða áfram í stjórn og þá er ég að velta fyrir mér hvað á eiginlega að gera.

VG ætlar ekki í evrópusamningaviðræður og Samfylking vill álver.

Þetta er þá í raun Samfylking án ESB og VG með stóriðju. Það eru spes flokkar.

Vona að þetta verði ekki svona en er hræddur um að við fljótum sofandi að feigðarósi.

Næstu kosningar þá væntanlega eftir 12-18 mánuði. Vonandi gerist eitthvað af viti þá.

Æ bögg

best að óska Óla til hamingju með dolluna eitt árið enn.

Veit ekki ennþá af hverju Arshavin var ekki keyptur til Liver.

Allavega þá er þetta búið í bili, skemmtilegur leikur í kvöld en morkinn eftir allt saman eftir úrslitin.

Benítez: United með undirtökin

Kosningar

á laugardag og ég er búinn að velta því fyrir mér um hvað við eigum að kjósa. Hvað þá hverja við eigum að kjósa. Hef orðið vonsvikinn, pirraður, vonlítill, reiður, fúll, dapur, brjálaður, yfirvegaður og umfram allt hugsi.

Komst að því að kosningarnar snúast fyrir mig bara um tvennt, að sótt verði um aðild að ESB og þjóðin fái síðan að ákveða hvort við við förum síðan þangað inn. Hitt er að einhverjar alvöru aðgerðir hefjist strax til að hjálpa heimilinum.

Þetta rugl með greiðsluaðlögun, einstaklingsbundnar aðgerðir og slíkt er ekki nærri því nóg. Landið verður farið endanlega í rugl ef ekkert drastískt er gert á næstu mánuðum.

Sú stjórn sem nú situr lofaði slatta en gerði lítið, var reyndar ánægður með að þau losuðu okkur við Davíð úr Seðlabankanum, það var löngu tímabært. Úttekt viðbótarlífeyrissparnaðar var fínt útspil en þessi skjaldborg um heimilin varð ekkert meira en tjaldborg eins og einhverjir ágætir gárungar sögðu.

Sjálfstæðisflokkurinn kom ekki til greina, ekki síst eftir þetta rugl með Geir, Guðlaug og styrkina. Hefði sennilega ekki kosið þá hvort eð er. Vintri grænir vilja ekki ESB og ekki hafa þeir komið með neinar aðgerðir til að forða heimilum frá gjaldþrotum.

Endaði því á að gleðja Ellu Þóru vinkonu mína rétt áðan, sagði henni að eini flokkurinn sem ætlar að sækja um aðild að ESB og láta þjóðina kjósa um það ásamt því að koma með einhverja leið til að redda heimilunum fái mitt atkvæði. Ætla að kjósa Framsókn, x-b sem sagt.

einn í útvíkkun

var hjá tannlækni í byrjun vikunnar, þurfti að láta rífa úr tvo endajaxla. Það gekk býsna greiðlega fyrir sig, var búið á ca 45 mínútum, borgaði 18.000 fyrir það. Ekki alslæmt tímakaup sem tannlæknar skammta sér.

Allavega þá gerði ég ráð fyrir að þetta yrði ekki of mikið bögg eftir það. Fór eitthvað að bólgna á mánudagskvöld og sérstaklega á þriðjudag. Á þriðjudagskvöld var ég kominn með hita og var stokkbólginn í framan.

Fór aftur til tannlæknisins á miðvikudagsmorgun til að láta skoða þetta. Hún sagði að allt væri að gróa vel en það væri komin sýking og setti mig á einhver sýklalyf, átti að gefa því tvo daga til að lagast. Er búinn að taka þau núna í tæpa tvo daga og hef skánað lítið.

Get ekki opnað munninn mikið, cirka þannig að ég kem einum fingri á milli tannanna, sem sagt einn í útvíkkun. Ætla að gefa þessu daginn til að skána, annars er ég farinn til einhvers alvöru læknis til að láta tékka á þessu.

Merkilegt kommnt annars sem kom fram hja tannsa á miðvikudaginn þegar ég var kominn þangað með sýkinguna, hún sagðist hafa heyrt af því að fólk hefði þurft að fara á spítala og fá sýklalyf í æð eftir svona.

Hún sagði þetta svona eiginlega í óspurðum fréttum þegar ég var að fara eftir að hún var búin að láta mig hafa lyfseðilinn, fannst það dáldið spes komment.

Golfsumarið 2009

er byrjað. Eða svona golfvorið. Eða svona það er alveg að verða komið.

Fékk tvær nýjar kylfur í gær. Fimm tré frá big bertha og 20°blending big bertha líka. Vantar nú bara pútter þá er þetta klárt.

Stefnan er sett á undir 15 í forgjöf, eftir endurskoðun vetrarins er ég víst með 20,6.

Aðal málið er þó líklega að ég ætla að reyna að spila alla golfvelli landsins næsta sumar, allavega þá sem er forgjafarskráðir. Telst til að þeir séu rúmlega 60.

Hef ekki alveg myndað mér skoðun á því hvenær ég fer í lengri feðrirnar útá land, ef einhver hefur áhuga á ferð vestur, norður eða austur er sá hinn sami vinsamlegast beðinn um að láta mig vita, ég er opinn fyrir flestum tímasetningum.  

Er á N55 að horfa á tv, eldaði áðan ef elda skyldi kalla, líklega nær að kalla það hita upp matinn. Það var sem sagt pyttipanna og paprika úr frystinum. Stones borðaði allavega að mestu þegjandi og hljóðalaust. Fer á K20 eftir ca. mánuð. Það verður ágætt að fara úr 101 en líklega skondið fyrir úlfinn að fara þessar 300 tröppur nokkrum sinnum á dag.

Anywho... ef einhver hefur áhuga á golfferð í sumar vestur, austur eða norður þá vinsamlegast láta mig vita.