Ef niðurhal væri löglegt

þyrfti ég ekki að horfa á einhverja af þessum skrilljón stöðvum sem ég er áhorfandi að. Afar lítið að gerast á þeim vígstöðvunum en ég nenni ekki að lesa í kvöld, einhvern veginn þannig dagur.

Minime væntanlegur heim á morgun, verður gaman að sjá prinsinn, brúnan og sællegan. Nú er farið að styttast í nýja skólann hans, Hörðuvallaskóla, ég fór á smá kynningu þar í vor og þau eru með skemmtilegar pælingar. Samþætting náms virðist fyrirferðarmikil sem er afar gott mál enda skrifaði ég hina stórmerkilegu lokaritgerð mína í KHÍ um samþættingu, vona að einhver þarna kenni eftir landnámsaðferðinni hennar Herdísar Egilsdóttur, mesta snilld sem sögur fara af.

Mér finnst heimasmeistaramót íslenska hestsins, sem er í boði núna á RÚV, vera örlítið minna áhugavert en geimsmeistaramótið í slönguspilinu sem því miður er ekki í boði hjá Digital Ísland í dag. Veit ekki hvort að ég fer á völlinn á morgun, reyndar freistandi að sjá nýja KR liðið hans Loga, verður fróðlegur leikur allavega, gæti farið langt með að tryggja FH dolluna ef KR vinnur þarna, held einhvern veginn að það gæti orðið.

Best að enda þetta á Blake Lewis

Tjald frá ´89

Síðast sást til þess fjúkandi upp eitthvað fjall þarna á mánudagsmorgni, sendist í Jórsali 4, 201 Kópavogi takk

Lögreglan í Eyjum sinnir eigendum tapaðra hluta

Ef veðmál væru lögleg

væri æði að sjá hann spila vinstri bakvörð á móti Ronaldo, það er svona 1,10 í stuðul að hann fái rautt í þeim leik, vonandi verður það nægilega seint í leiknum til að það hafi ekki of mikil áhrif. Fínt að fá hann í staðinn fyrir Sami. Hann er klárlega velkominn í Liver enda einn af fáum ManU köllum sem við gætum notað

Heinze ítrekar að hann vilji fara frá United

Draumaliðsleikur

Er hérna http://fantasy.premierleague.com/

Deildin heitir Vodadeild, opin öllum sem ég þekki, ég reyndar vinn venjulega svona deildir en þið getið keppt um annað sætið. Skráið ykkur og veljið lið fyrir 11.8

 

Kóðinn í deildina er 640384-113221

(Kóða)sumarið búið

Mér hefur yfirleitt þótt verslunarmannhelgin vera endirinn á sumrinu, daginn er tekið að stytta og samfélagið fer að fara í gang eftir sumarfrí. Vissulega stundum ágætis vetur en engu að síður er haustið handan við hornið. Það er reyndar ekki alslæmt enda sumarið stundum dáldið furðulegur tími á Íslandi, það má varla sjást sól þá er hálf þjóðin komin í bæinn á stuttbuxur að fá sér ís.

Þetta sumar hefur verið frekar rólegt hjá mér. Ekki mikið um ferðalög og ég hef eytt nokkrum tíma með kóðanum. Hefur satt að segja verið alveg ágætt og umfram allt athyglisvert. Kóðinn er ekki alveg eins og fólk er flest, hefur skemmtilega sýn á lífið og það er alltaf gaman að kynnast slíku. Nú er verslunarmannahelgina hins vegar liðin og veturinn og hversdagsleikinn framundan. Lífið fer aftur í hefðbundið horf og kóðasamskiptum lokið.

Er með fimm bækur á borðinu sem ég kem til með að lesa í vetur, reyndar búinn að lesa þrjár þeirra að hluta en hlakka til að klára þær og lesa þessar tvær

Þessi er eftir Gilbert Rist of fjallar um sögu þróunarsamvinnu

 

 

 

 

 

 

 

Bók eftir Finn Tarp sem fjallar um svipað efni

 

 

 

 

 

Tek tvo kúrsa í haust og tvo næsta vor. Eftir það er það rannsókn á fullorðinsfræðslu á vegum íslenskra stjórnvalda í Afríku. Skemmtilegt stöff sem ég hlakka til að takast á við. Á eflaust eftir að leita slatta til Fjólu, hún er klók stelpa(reyndar að verða dáldið gömul) og afbragðs yfirlesari.

Ætli ég reyni ekki að setja verkefni vetrarins hérna inn, ekki það að þau verði skemmtileg en kannski einhver hafi áhuga á að lesa. Er annars mættur í vinnuna þannig að ég hætti í bili og fer að tala við fólk sem situr í umferðarteppu á leiðinni til borgarinnar. Í tilefni þess set ég inn 2 lög með Ugly Kid Joe sem við Sindri vorum með á ferðaspólunni og hlustuðum u.þ.b óteljandi sinnum á sumarið ´93

Cats in the cradle

Everything about you

Gott undirbúningstímabil

Greinilega vel skipulagt undirbúnigstímabil hjá kallinum. Minnir dáldið á Skagaliðið síðustu ár hjá Óla Þórðar þegar þeim gekk gjarnan illa á undirbúningstímabilinu og sama sagan í viðtölum hjá Óla eftir fyrstu leikina, menn ekki tilbúnir að leggja sig fram, ætli honum hafi ekki dottið í hug að breyta undirbúningnum til að að hafa menn örlítið frískari í byrjun móts.

Níu leikmenn Chelsea á sjúkralistanum

En samt fór þetta allt vel fram?

Samkvæmt annarri fyrirsögn rétt hjá þessari þá fór allt voða vel fram á Ak og í Eyjum. En annars feginn að vera ekki í Eyjum núna, það verður þokkalega þreyttur hópur sem heldur heim á leið á morgun. Búinn að tala við slatta í vinnunni um helgina, misjafn ástandið á þeim skulum við bara segja, einn sem hringdi á föstudagkvöldið heldur þreyttur hringdi síðan aftur kl 3 í gær, (þ.e. kl 15) afskaplega hress en örlítið þvoglumæltur og byrjaði á því að bjóða hressilega góða kvöldið

Erill og ölvun í Eyjum

Þá tekur alvaran við

Basically sama lið og í fyrra en þó með einni lykilbreytingu, Torres í stað bellamy eru þokkaleg skipti, hefði reyndar viljað almennilegan hægri kantmann og annan hafsent en so be it. Varaliðið er ennþá sterkara með Voronin og Yossi þannig að þetta lítur bara nokkuð vel út

Jafntefli hjá Liverpool

Smá lúr

Ég kom heim úr vinnunni áðan og var með alls konar plön fyrir kvöldið. Hafði upphaflega ætlað í bjór með SGÓ og manninum hennar Ólafar en frestaði því meira að segja af því að ég ætlaði í heimsókn. Kom heim heim rétt fyrir hálf sjö og var á leiðinni í sturtu. Fór aðeins í lazyboy-inn og hallaði mér aftur yfir tv. Var sem sagt að vakna nú kl hálf tíu. Er eiginlega orðinn of seinn í heimsókn og er svo myglaður að ég nenni ekki í safa, sjit hvað ég er orðinn gamall. Mætti halda að ég hefði verið í gleði í gær en ég sofnaði um miðnætti yfir tv og vaknaði hálf tíu þannig að ég var útsofinn.

Ef niðurhal væri löglegt væri ég búinn að ná í Simpson myndina og væri að kveikja á henni núna, ef niðurhal væri löglegt þá væri þetta fáránlega þægilegt.

Samt dáldið fúll að komast ekki í safann með SGÓ og manninum hennar Ólafar, það er orðið allt of langt síðan við ræddum heimsins mál saman. Talaði aðeins við Maju áðan, hún er á leiðinni heim frá Köben, sem er gott. Verst að hún fer væntanlega beint aftur í sveitina þannig að ekki hitti ég hana mikið.

Minime er í Svíþjóð með ömmu sinni og Unni Maríu frænku sinni, hefur það afskaplega fínt en er kominn með nokkra furðulega takta. Er greinilega að tékka á því hversu langt hann kemst þannig að hann er farinn að prófa sig áfram með orð seme eru ekkert sérlega sniðug, hann er venjulega kurteis þannig að hann lærir fljótlega að þetta er ekkert spes. Reyndar í þessum tilraunum hans kemur öðru hvoru upp hitt og þetta sem er skemmtilega skondið, áðan voru mamma og Eva að vaska upp og mamma spurði hann hvort hann ætlaði ekki að hjálpa þeim. Hann leit víst frekar hneykslaður á þær og sagðist ekki vera stelpa, ágætt að ég var ekki á staðnum, hefði sennilega sprungið úr hlátri.

Best að drösla sér í korter í ellefu til að finna eitthvað snarl, aldrei þessu vant tómlegur ísskápurinn hérna

Meira af jólasveinunum Bush

Hann er eiginlega of vitlaus.