Hugdetta

í kjölfar umræðu dagins

Reyna að botna, bragur hljómar

blikið í augum eftir hikið.

Brátt nýr kylfuberi ómar,

brosi mikið fyrir vikið.

Þegar

ég skrifaði færsluna hér á undan gerðist ég heldur sjálfhverfur og endaði með þetta,

150

Ég tala um margt og ég töluvert segi

ég tímanum stel og svo vona að ég megi.

Á mínum vegi á mögnuðum degi,

svo margt ég teygi og jafnvel beygi.

Föstudagurinn

Hef verið að velta því fyrir mér hvernig ég á að lýsa ferðinni norður og suður. Var að punkta hjá mér það sem flaug í gegnum hugann á leiðinni norður og það var einhvern veginn svona

Leiðin

Á langri leið á hrjóstrugu landi

á sólríkum degi á skrykkjóttum sandi.

Við þokuðumst nokkuð því Boratinn þandi,

við brátt hittum fólkið er tengjumst blóðbandi

 

Hugurinn reikaði heilmikið þó,

hress ekki í bragði því frændi minn dó.

Doði og nokkur deyfð en samt ró

dauðinn hann nýverið góðan mann hjó

Jimmy V

Stofnun sem vinnur að krabbameinsrannsóknum, fyrir þá sem hafa áhuga er rétt að benda á www.jimmyv.org

Mögnuð ræða

Hlæja, hugsa og gráta á hverjum degi, njóta lífsins!

Fleyg orð

úr góðri bók og góðri mynd 

"Shoot all the bluejays you want, if you can hit´em, but remember it´s a sin to kill a mockingbird"

Atticus Finch

Chris Rock

"A man is basically as faithful as his options"

Hér er meira með þessum ágæta manni

A.E. Housman

Þetta er kennt í flestum skólum USA

 

To An Athlete Dying Young

 

 

THE time you won your town the race
We chaired you through the market-place;
Man and boy stood cheering by,
And home we brought you shoulder-high.
To-day, the road all runners come,
Shoulder-high we bring you home,
And set you at your threshold down,
Townsman of a stiller town.
Smart lad, to slip betimes away
From fields where glory does not stay,
And early though the laurel grows
It withers quicker than the rose.
Eyes the shady night has shut
Cannot see the record cut,
And silence sounds no worse than cheers
After earth has stopped the ears:
Now you will not swell the rout
Of lads that wore their honours out,
Runners whom renown outran
And the name died before the man.
So set, before its echoes fade,
The fleet foot on the sill of shade,
And hold to the low lintel up
The still-defended challenge-cup.
And round that early-laurelled head
Will flock to gaze the strengthless dead,
And find unwithered on its curls
The garland briefer than a girl's.

 

Fleyg orð

Kjartan vinur minn er með lið á blogginu sínu sem heitir vængjuð orð, ég er ekki jafn vængjaður og hann þannig að við skulum kalla mitt fleyg orð.

Það er svona gismo á facebook sem heitir famous quotes, sá þetta þar.

"Við sjáum ekki hlutina eins og þeir eru, við sjáum hlutina eins og við erum" Anais Nin

meikar sens

Beðið eftir trúðum

Hinn stórskemmtilegi þáttur Klovn er eftir tæpan klukkutíma. Litli maðurinn er sofnaður enda var hann þreyttur áðan þegar við vorum að borða. Hann var kominn í rúmið um hálf átta og dormaði þar í rúman hálftíma áður en hann sofnaði. Rúmið mitt er í norðvesturálmunni en sjónvarpstóllinn minn í vesturálmu þannig að ég sé hann vel héðan.

Var að dunda mér við að leita að bókum handa okkur áðan en endaði á því að finna ekkert sérstakt til að lesa. Aron Freyr var hvort eð er það syfjaður að það skipti ekki öllu. Ég fann hins vegar NEMA ljóð og sögur 2003.

Þetta er sem sagt bók sem Þórður Helgason, kennari í KHÍ, tekur saman á hverju vori eftir kúrs sem heitir Bragur, listin að yrkja. Ég hef ekki skoðað þessa bók í svona 2-3 ár en gaman að fletta í gegnum hana aftur. Ég átti tvö ljóð í henni, annað ferskeytt en hitt sonnetta. Sonnettan er eitthvað sem ég hafði ætlað að spreyta mig á frá því að ég var í Menntaskólanum. 

Ein þessara átta sem lesa bloggið mitt, Hafdís föðursystir mín, er merkileg kona fyrir margar sakir og ekki síst fyrir að skrifa sonnettu sem útskriftargjöf til mín eftir Menntaskólann. Ég fór sem sagt fram á það við hana og fékk sonnettu í útskriftargjöf. Sú er reyndar innrömmuð heima hjá mömmu og pabba en ég set hana hér inn við fyrsta tækifæri.

Ætla hins vegar að setja inn þessi tvö ljóð sem ég samdi snemma árs 2003. Til skýringar má kannski nefna að ég vann þá kvöld- og næturvaktir í Vodafone samhliða því að vera í Kennó og Aron Freyr bjó ennþá á Sauðárkróki.

 

ARON FREYR

Maður næstum mánuð bíður,

mættum gjarnan oftar sjást.

Vinur, þar til vetur líður,

verð að þér úr fjarska að dást.

 

SJÁLFSVORKUNN

Sá tími dags er draugar eru á ferli

mig dreymir um að losna brátt úr síma

ég finna þarf mér fljótt nú góðan tíma

og forðast það að dvelja í dagsins erli.

 

Ég kannski ætti að koma mér að verki,

mér kaffið hugsanlega til þess dugar

er dáldið satt að segja annars hugar

er sennilega bara þreytumerki.

 

Er varla hollt að sofa svona lítið

ég sjálfsagt ætti að vinna aðeins minna

en afborgunum ætlar seint að linna

og oftast ég því sofna í morgunbýtið.

 

Nú þarna úti þykknar næturhúmið

og því ég ætla að koma mér í rúmið