Plebbalegt

ef rétt er að Óli Örn, vinur minn, hafi verið að væla í blaðamönnum um landsliðsþjálfarann. Hef litla trú á því að það sé rétt. Árangurinn er hörmulegur, það fer ekkert á milli mála og erfitt að sjá að Eyjólfur geti verið áfram með liðið. Vandamálið ristir hins vegar dýpra. Við höfum eiginlega ekki náð neinum árangri af viti síðan Atli var með liðið og flestir átta sig á því að hann erfði liðið hans Guðjóns.

Mér segir svo hugur að vandamálið sé ekki síður hjá leikmönnum. Agaleysið fer að verða vandræðalegt, ég á ekki við sögusagnir um næturlífið heldur agaleysið inná vellinum. Það er í raun afrek að fá jafn mörg mörk úr föstum leikatriðum og við höfum fengið á okkur undanfarin ár. Sér í lagi af því að við erum yfirleitt með frekar hávaxna og hrausta menn í liðinu.

Sko, ég er með lausn á þessu. Ráðum við Willum og látum hann hafa svona 5 ára samning þannig að hann geti byggt upp lið sem hann vill nota. Þegar hann er með svona langan samning þá geta misvitrir blaðamenn heldur ekki byrjað að grenja eftir 6 mánuði eða ár um að þessu eða hinu eigi að breyta. Það ætti að verða samstaða um Willum alls staðar, nema kannski helst hjá Val. Fáum svo fasta 5-6 æfingaleiki á ári á landsleikjadögunum yfir veturinn þannig að landsliðið geti spilað eitthvað saman, Willum verður ekki lengi að henda þeim köllum úr liðinu sem nenna ekki í æfingaleikina(lesist: "kóngarnir")

Eru landsliðsmennirnir óánægðir með Eyjólf?

Athugasemdir

[Stefán (IP-tala skráð) 24.10.2007 kl. 13:48]

Ég er sammála því að Willum Þór sé besti kosturinn sem næsti þjálfari, nú þegar Eyjólfur hverfur á braut sem lélegasti þjálfari landsliðsins frá upphafi.

[Pétur Björn Jónsson, 24.10.2007 kl. 14:02]

Sagan mun hugsanlega dæma hann þannig en ég er langt frá því að vera sammála að hann hafi verið lélegasti þjálfarinn sem við höfum haft. Það er hins vegar rétt að árangurinn er dapur