Jólalög

Það er eiginlega skylda að hlusta alltaf öll jólalögin hjá þessum snillingum. Er eiginlega orðið ómissandi. Var hins vegar að hlusta á þetta lag áðan,

Bing Crosby sem sagt

Kelly Clarkson að sjálfsögðu, Blue Christmas

 

þó hún sé ekki beint Elvis, en það eru reyndar fáir á því level-i

 

Mariah Carey

 

Band Aid- Do they know it´s Christmas, er einhver brenglaðri lína til í jóla(popplagi) en þegar Bono gaular, "tonight thank god it´s them instead of you"

 

Leikjadagbók Liverpool-Manchester United 16.12.2007

Naustabryggja 29, viðstaddir Aron Freyr sérlegur aðstoðarbloggari og fyrrum landsliðsfyrirliði Jón Pétursson. Sigfríð er í þessu að negla einhvern nagla í vegginn, ég bíð bara eftir að hún dragi fram ryksuguna. Gaupi er með hárkolluna hans Pat Riley í viðtali og Steingrím égmanekkihversson.

13.15 Hárkollan hans Pat Riley heldur því fram að Van Der Saar sé besti markvörður Englands, skulum giska á að hann haldi með ManU.

13.18 Inspector Clouseau er á svæðinu, hann var að heilsa Gerra og Rudolf með rauða nefið, nefið á Ferguson gefur til kynna að hann hafi fengið sér eins og einn bjór um ævina.

13.21 Inspector Clouseau kom með ágætis punkt, ManU eru líklega besta enska liðið í að breika. Spái 3-0 fyrir Liver og þremur gulum spjöldum tengdum dýfum hjá Ronna. Aron Freyr spáir 2-1fyrir Liver og fyrrum landsliðsfyrirliði Jón Pétursson spáir 1-2 fyrir strákunum hans Rúdolf

13.26 Arnar og Logi í settinu, You´ll never walk alone hljómar, það er allt að gerast

13.28 Reina, Arbeloa, Carra, Sami, Riise, Yossi, Gerri, Mascherano, Harry, Kuyt og hinn gullfallegi Fernando Torres. Ronni, Shrek og Quasimodo eru í liðinu hjá ManU

13.31 ManU byrjar með boltann, það skiptir alltaf miklu máli í fótbolta

13.32 Gerri með smá sólatæklingu, gott að láta vita af sér

13.33 Vidic braut á Torres, það verður ekki í síðasta skipti, Gerri með ágætan auka, Kuyt með skot yfir

13.35 Halsey að prófa flautuna, hún virkar

13.36 Liver búnir að vera töluvert betri fyrstu 5, lítið flæði ennþá hjá ManU, það breytist væntanlega

13.38 Arnar búinn að fara fram á 2  gul spjöld, hvorugt brotið var gróft og klárlega ekki gult á fyrstu 5 mínútunum

13.40 Ronni með gott run og skot í belginn á Carra

13.41 Ómar vinur minn að kommenta, hann er markmaður, spáin hans eftir því

13.42 Búnar tíu, lítið verið að gerast svo sem, Carra með nýtt trix, reyna að vippa 50 metra, boltinn fór svona 3

13.43 Gleymdi að minnast á að Ómar vinur minn er ekki sérstaklega hávaxinn markmaður, hann nær samt uppí slá, allavega á litlu marki

13.44 Myndin farin í crap, það er ekkert spes í svona leik

13.45 Ágætis sókn hjá ManU, Carra reddaði með einhverju teygjasigpotaboltatrix, Evra með fyrsta gula, fyrir að brjóta á Yossi, auki hjá Liver á ágætis stað

13.47 Wes Brown, jebbs sá hinn sami og var að neita 4 ára samningi með 50k á viku, var að stíga á boltann þegar hann ætlaði að gera eitthvað annað

13.50 Fyrsti leikaraskapurinn hjá Ronna, yfir/undir á það í dag er 9, ég myndi veðja á yfir

13.52 Tuttugu búnar, það er komið meira jafnvægi í leikinn, engin færi ennþá en ekki alvitlaus leikur samt

13.53 Kuyt er ekki á Shrek, Quasimodo leveli í ófríðleika, en er ekki huggulegur samt, Carra er reyndar vinstri hafsent núna, leiðréttist hér með frá því sem ég sagði í byrjun

13.55 Gerri með eina Ninja tæklingu á Anderson, átti að fá gult en það var ekki einu sinni dæmt, reyndar vel gert hjá Anderson að vera ekkert að væla, stóð bara upp og hélt áfram, var samt gult

13.57 Riise að láta Hargreaves heyra það eftir að hann trampaði aðeins á hann. 25 búnar og kominn tími til að spila fótbolta, skyldutæklingarnar búnar, Liver með horn

13.59 Anderson reddaði á línu eftir smá ævintýri hjá Van Der Saar. Evra meiddi sig á auglýsingaskilti, ManU átti að fá horn en það telur lítið þegar dómarinn ákveður annað

14.02 gott run hjá Anderson en Gerri varðist vel. Anderson er góður, enda Brassi

14.03 Van Der Saar með rugl úthlaup, klafs og Evra reddaði vel á línu, Gerri og Anderson fá báðir spjald fyrir eitthvað langt frá boltanum

14.05 Riise með skot fyrir utan teig með hægri, það fór ekki á markið

14.06 Gerri að renna sér í Anderson, spurning að renna sér ekki allt of mikið þegar maður er kominn með gult

14.07 Wes Brown togaði í Harry, það er gult, Gerri með auka slatta fyrir utan teig

14.08 Gerri með skot í vegginn, Torres með framhjá eftir frákastið

14.09 Liver búnir að vera betri í smá tíma núna, það telur samt lítið ef menn skora ekki

14.11 Jón P að segja skemmtilega sögu af Brian Clough, eftir eitthvað ævintýri hjá einum varnarmanninum þá var Clough ekki par ánægður, sðurði varnarmanninn hvort hann hefði einhvern tímann verið sleginn í magann. Varnarmaðurinn var hálf hissa á þessu en sagðist ekki hafa lent í því, Clough kýldi hann þá í magann og saðgi, nú hefurðu verið sleginn í magann. Clough þessi fékk margar skemmtilegar hugmyndir í fótbolta, Þorvaldur Örlýgsson spilaði hjá honum hjá Nott For og var tekinn útaf í næstum hverjum leik, skyldi ekkert í því en áttaði sig svo á því að eftir að hann skipti um númer þá var hann aldrei tekinn útaf. Clough ákvað þá víst að taka alltaf þann sem var númer 7 útaf. Quasimodo að skora ágætt mark, 0-1 fyrir ManU, Liver refsað fyrir að nýta ekki færin, það gerist dáldið oft. Yossi ákvað að passa stöngina þegar boltinn var sendur út, það er verra þegar allir aðrir fara út, Tevez var líka skemmtilega einn og réttstæður þegar hann skoraði

14.21 Skemmtilegur fídus á þessu moggabloggi, maður getur útilokað fólk frá því að skrá komment , þægilegt þegar Liver er undir á móti ManU. Sanngjarnt eiginlega, ekki það að ManU hafi verið mikið betri en þeir nýta færin.

14.24 Hárkollan hans Pat Riley  er ekki ósátt við stöðuna, Steingrímur er víst Ólafsson

14.26 Gaupi, hinn mikli knattspyrnuspekúlant var að segja okkur að Manchester hafi byrjað betur, hann er sennilega sá eini sem tók þá ekki eftir því að Liver var með boltann fyrstu 5 mínúturnar. Er virkilega enginn handboltaleikur sem hann getur frekar verið að lýsa´

14.29 Caller ID er líka sniðugt stöff, þá getur maður sleppt því að svara þegar maður nennir ekki að tala um leikinn, er nefnilega upptekinn við að blogga og horfa á auglýsingar, svo getur maður líka eytt sms-um án þess að lesa þau ef hinir sömu reyna að senda sms með einhverjum kommentum 

14.33 Hárkollan hans Pat Riley telur líklegt að Gerri verði rekinn útaf um miðjan seinni, það er ekki útilokað, einhvern veginn grunar mig að það verði minnst tvö rauð, það mættu mín vegna alveg vera Evra og Brown í stað Gerra

14.40 Ég var örlítið upptekinn, leikurinn er byrjaður, búnar sjö af seinni, lítið gerst ennþá, það er hins vegar slatta pirringur 

14.43 Riise fékk korter til að gefa fyrir en tókst að gefa einhverjar plebbasendingu sem var allt of aftarlega, merkilegt hjá annars góðum spyrnumanni, Liver með gott moment í leiknum núna

14.45 Aron er ekki par ánægður með stöðuna þrátt fyrir að halda með Chelsea. Hann heldur nefnilega með hinum gullfallega Fernando Torres. Ætli það sé ekki kominn timi á Babel inn fyrir Yossi, Crouching Tiger kemur væntanlega inn einhvern fljótlega fyrir Kuyt

14.49 Liver með auka, Riise ætlar að skjóta, vonandi á markið

14.49 Hann ákvað að skjóta í hnén á manninum í miðjum veggnum, það er sjaldan hættulegt

14.51 Mér finnst að Sami eigi að vinna langa skalla á móti Shrek, hann er allavega búinn að tapa tveimur slíkum í dag, Kuyt hleypur og hleypur og hleypur. Masherano að biðja um gult og fékk það afhent, það má ekki skoppa boltanum 8 metra uppí loftið

14.54 Babel að koma inná fyrir Harry, skiptingin kemur á 65. mínútu sem er akkúrat 10 mínútum of seint, Rafa er dáldið fyrir að skipta 7-8 mínútum of seint þannig að þetta er aðeins nýtt hjá honum

14.56 Liver með ágætis tak á leiknum núna, horn hjá Liver

14.57 Ronni átti að fá auka en fékk ekki, það kemur nefnilega stundum niður á mönnum þegar þeir eru alltaf að henda sér niður, skulum kalla þetta úlfur úlfur syndrómið

14.59 Hendi á Tevez inní teig, reyndar bara önnur þannig að það var rétt að dæma ekki víti

15.01 Skot hjá Owen sem fór ekki alveg á markið, rétt samt að skjóta. Crouch að koma inná á 73. mínútu, það er passlega 9 mínútum of seint, Rafa er að færast nær parinu sínu

15.03 Anderson er maður leiksins til þessa, vörnin hjá ManU reyndar að mestu solid en Anderson búinn að vera klassa fyrir ofan aðra, korter eftir og full mikið af lélegum sendingum hjá Liver þessar mínuturnar, Babel með ágætt skot en rétt framhjá, Wes Brown með sérkennilegan skalla, almennt betra að skalla ekki beint útfyrir teiginn

15.07 Gott upphlaup hjá ManU og Shrek brenndi af í deadara

15.10 Aurelio inná fyrir Riise, John Arne skilaði sínu alveg ágætlega í dag, reyndar ekki góðar sendingar en var solid

15.12 Carrick inná fyrir Tevez, ManU eru að spila þetta alveg ágætlega, ekki mikil hætta og þeir stoppa fyrirgjafirnar að mestu, Babel er öskufljótur og tók skemmtilegt égnenniekkiaðsólaheldurhleypbaraframhjátrix, Gerri með skot yfir

15.14 Fimm eftir, það væri alveg ágætt að fá eins og eitt mark hjá Liver, tvö væru í lagi líka en ég myndi sætta mig við eitt eins og er

15.15 það er fínt að við erum með sérfræðinga að lýsa, Arnar var að koma með þetta komment "og enn líður á klukkuna" takk fyrir það Arnar, sér í lagi af því að klukkan stoppar svo oft

15.18 Van Der Saar tók fyrirgjöf, hann hefur ekki verið að taka þær allar í dag

15.19 Þremur bætt við, sjáum til hvort það nægi, það er ekki útilokað, Liver fær auka rétt fyrir utan teig, spái því að Gerri taki þennan, muna bara Gerri að skjóta framhjá veggnum eða yfir hann

15.21 O´Shea inná  fyrir Anderson, Gerri ákvað að skjóta yfir vegginn og markið, Liver endar þá 6 töpuðum stigum á eftir ManU, ekki gott því þeir eru búnir með alla heimaleikina við hin 3 stóru

15.23 Búið, endaði 1-0 fyrir ManU, sanngjarnt miðað við að þeir nýttu færið sem Liver gat ekki klárað

15.24 Hárkollan hans Pat Riley er væntanlega sátt við þetta, Arsenal-Chelsea framundan, spáin er eftirfarandi Aron: 1-0 Chelsea; Jón P spáir 2-1 fyrir Chelski, ég spái þá 3-1 fyrir Chelski 

4 tímar í Smáralind

er eiginlega alveg nóg. Náðum reyndar að kaupa jólagjafir fyrir Árnýju Eik, Ernu Sólveigu, Eyjólf Andra og Lilju Hugrúnu. Aron valdi allt saman og gerði það reyndar frekar vel. Erum í Naustabryggju og verðum framyfir stórleikina á morgun. Ekki alslæmt það.

Veður vont

Verður til þess að Aron kemur ekki í árlega jólanammisdreifingu í vinnunni í dag. Viðráðanlegra væntanlega að vinna það á þriðjudag. Var að velta því fyrir mér hvort vænlegt væri að vinna mikið með bókstafinn V, svona til heiðurs Vininum Joey, Vinaáhorfendur skilja væntanlega vísunina.

Best að hætta því samt. Engin æfing heldur hjá minime í kvöld en hann varð ekki allt of fúll, sagði mér frá því glaður í bragði að kl. 17.30 væri endursýning á leik Chelsea og Sunderland sem við þyrftum að horfa á.

Keila í fyrramálið, svo lengi sem veðrið er ekki jafn nuts og núna. Ætlum að reyna að fara í smáralind á morgun til að versla jólagjafir, Aron þarf að velja jólagjafir fyrir Árnýju Eik, Lilju Hugrúnu, Eyjólf Andra og Ernu Sólveigu, ég þarf að finna eitthvað fyrir Sverka the great swedish player, veit ekki almennilega hvað maður gefur rauðhærðum sauðkrækingum með risastórt nef. Þar sem Dagur les bloggið mitt reglulega þá get ég lítið tjáð mig um hans gjöf, nema hvað það er ekki Liverpool peysa, líklega nóg að ég var það ófrumlegur að ég gaf honum Livertreyju 9 ár í röð held ég.

Sunnudagurinn verður fótboltadagur, Liver-ManU kl 1 og Arsenal-Chelsea um hálf 4. Þetta er einhvern veginn helgi þar sem ég held að það sé best að halda sig sem mest inni.

Líkurnar á því að ég flytji til Hveragerðis eru heldur að minnka sýnist mér en þó ekki öll nótt úti enn, sjáum til hvað gerist. Marri vinur minn í Hveragerði verður væntanlega afar vonsvikinn en svo lengi sem ég get hringt í hann í hvert skipti sem ég heyri Spenntur með á móti sól þá jafnar hann sig líklega.

Leitaði heldur óhefðbundinna leiða um daginn við að auglýsa eftir fólki en það skilaði sér, réði þrjár afbragðs manneskjur. Var nett ánægður með sjálfan mig eftir það, ágætt að hugsa öðru hvoru aðeins út fyrir kassann.

Ef niðurhal væri löglegt þá myndi ég reglulega ná í sjónvarpsþætti af netinu fljótlega eftir að þeir væru sýndir í bandaríkjunum. Handritshöfundar í bandaríkjunum hafa hins vegar verið í verkfalli í dáldinn tíma núna þannig að gera má ráð fyrir að t.d. 24 tefjist eitthvað og hugsanlega fleiri þættir. Ef niðurhal væri löglegt þá gæti þetta haft töluvert truflandi áhrif á vorprógrammið hjá manni. Maja vinkona mín var hins vegar að gera mikið misserisverkefni um þessi torrent mál skilst mér, ég geri að sjálfsögðu ráð fyrir að fá að sjá stóradóm þeirra um torrent, það ætti að verða fróðlegt.

Þar sem að ég er nú búinn að eyða næstum því korteri í að skrifa þetta í vinnunni þá er best að fara í mat.

Hafið það gott og haldið ykkur inni í dag, þetta er svona klassískur uppísófaundirteppiyfirtvdagur

Kúl gaukur

Ég kann afar marga popptexta en er eiginlega aldrei beðinn um að syngja aftur.

Veit ekki hvort það er tengsl á milli þess og að ég sé með Losing a Friend með Nylon sem hringitón.

Veit heldur ekki hvort það er þess vegna sem sem ég pæli ekki sérstaklega mikið í tónlist.

Veit ekki hvort ég er síðasti Íslendingurinn til að uppgötva að Mugison er góður.

Veit ekki almennilega hvert af ofantöldu er réttast.

Veit þó að þetta er gott lag

 

Mugiboogie

ég kaupi eiginlega aldrei diska, allavega ekki fyrir sjálfan mig, keypti hins vegar þennan disk í dag

Er búinn að hlusta á hann einu sinni. Glettilega skemmtilegur, eiginlega snilld

Plebbismi

Þar sem ég er karlmaður þá verð ég sjaldan veikur en verð eðlilega mjög veikur þegar það gerist.

Ég er ekki veikur núna en hins vegar kvefaður, hálfslappur og sef eitthvað hálf illa. Þykir það heldur þreytandi en það lagast væntanlega fljótlega.

Dáldið spes þegar maður er slappur hvað heilinn á manni verður illa starfhæfur, dagarnir einhvern veginn líða án þess að maður pæli í nokkrum sköpuðum hlut, einhvers konar majonesdagar.

Jim Valvano var þjálfari í usa sem hélt ræðu á verðlaunahátíð 1993 þar sem hann talaði um að maður þyrfti að gera þrennt á hverjum degi, hlæja, hugsa og gráta. Á svona slappleikadögum gerir maður eiginlega ekkert af þessu. Sóun á annars afskaplega skemmtilegum mánuði.

Enda með ræðu Jimmy V

Létt hjá Liver

á móti Marseille, endaði 4-0 með mörkum frá Gerra, hinum gullfallega fernando torres, Kuyt(lesist:kát) og Babel. 2-0 eftir rúmar 10 þannig að þetta varð aldrei spennandi. Ómar gerði sitt besta til að byggja upp spennu en það var af veikum mætti. Hann var sem sagt í heimsókn hérna ásamt strongbow og arnóri.

Er annars frekar syfjaður og ef niðurhal væri löglegt þá væri ég að leggjast útaf og horfa á eitthvað stöff í TV, gn.

Stórleikur framundan

er kominn heim að einbeita mér, fjórir tímar í leik, leikjadagbók líklega á eftir, svona svo Jón Bjarni fatti hvað er að gerast í leiknum

Allt í lagi, ég skal spyrja

- er Eva María okkar tíma Bryndís Schram? sá þáttinn hennar í gær, afar aðlaðandi kona og með skemmtilegan viðtalsstíl

- hvaða týpa var þessi endir á Næturvaktinni eiginlega?

- meikuðu þær næstum sens femínistarnir í gær af því að þær sögðu eiginlega ekkert í Silfri Egils?

og

- er það ekki frekar sérstakt þegar konur sem maður ræðir við um femínistana frægu eru pirraðri útí þær en karlar sem maður ræðir við um þessa sömu femínista?

- hvað viljið þið í jólagjöf?

- af hverju er ekki besta jólalagið (þegar jólin koma) til á youtube?