Leikjadagbók Lyon-Manchester United 20.2.2008

Naustabryggja 29, sérlegur gestabloggari fyrrum landsliðsfyrirliði Jón Pétursson.

19.31 Liðið komið hjá ManU, Van Der Sar, Brown, Ferdinand, Vidic, Evra, Ronni, Scholes, Hargreaves, Anderson, Giggs, Shrek.

19.33 Toyotaauglýsing, Rav 4, vona að hnetuauglýsingin frá TM komi ekki í hálfleik, er að verða komið miklu meira en gott með hana

19.34 Spái 1-1, ManU fer létt með þetta Lyon lið í tveimur leikjum

19.34 Leifur Garðarsson og Rúnar Kristinsson í settinu með Arnari Björnssyni. Verið að sýna frá Emirates, Lehman er í voða fínum jogginggalla

19.36 Hvað ætli Flamini hafi gert langan samning við kölska, 1-2 ár? Hann er allt í einu orðinn góður, getur ekki enst

19.37 Best að skipta yfir á ManU leikinn, hárkollan á Gallas böggar mig

19.38 Verkfærasalan með skjáauglýsingu, njalunaut.is kjöt beint frá bónda, þarf maður þá ekki kjötbúðir? fer þessi leikur ekki að byrja?

19.40 ManU, Arsenik, Liver, Chelski, Real, Barca, Sevilla og Schalke fara þá áfram.

19.41 Gummi Ben og Bjarni Jó að lýsa, það er fínt, þeir vita báðir helling um fótbolta, gaman líka að hlusta á Bjarna segja "þanninað", segir sem sagt ekki þannig :)

19.43 Benzema og Shrek einir frammi, djurgårdengerpið källström og ronni"fallin spýta" eiga væntanlega að styðja við þá

19.45 Lyon byrjar með boltann

19.46 Gummi að segja "kollström", maður segir "sjellström"

19.47 Tvær ágætar fyrirgjafir hjá Grosso, Anderson var felldur og einn hefði átt að fá gult, Giggs með gefa á fyrsta varnarmann horn, virkaði ekki

19.49 Anderson er góður, enda brassi.

19.51 Clerc með vonlaust skot utan af vinstri kanti, Lyon með góða sókn og fá horn, hættulegt allavega

19.53 Langur á Shrek, útspark. Shrek er góður en ekki fríður, dáldið svipað og Yossi, nema hvað hann er ekki góður

19.54 Shrek var kominn aftur fyrir Hargreaves og co með boltann, kannskí óþarfi þegar þú ert einn frammi

19.56 Ekki mikið gerst fyrir utan ágæta sókn Lyon áðan, Källström með lélegt skot langt framhjá, fékk samt thumbs up frá þjálfaranum, meira sennilega um að hann eigi að halda áfram að skjóta en að þetta skot hafi verið gott, vona ég allavega

19.58 Benzema er dáldið eins og Hannes Þ.Sigurðsson í laginu, mínus ennisbandið nýja

19.59 Källström að væla, hann er líka djurgården gaukur

20.01 Korter búið, dáldið logn í leiknum

20.02 Horn frá Juninho, ManU hreinsa, Shrek næstum einn innfyrir, samt ekki

20.03 Hargreaves með sendingu 20 metra upp kantinn, reyndar 5 metra útaf, en samt

20.04 Vidic að brjóta á Benzema, ekki mikið, Juninho þá með auka af 45 metrum, sennilega skot þá

20.05 Gouvou í góðu skotfæri fyrir utan teig en ákvað að láta boltann fara, óviljandi en lét hann fara samt, var sem sagt skelfilega misheppnað skot

20.07 Rio að reyna að skora sjálfsmark, hitt ekki og horn

20.08 Annað horn, nú frá kim, í gegnum allt og ManU fékk innkastið

20.10 Shrek einn innfyrir en vel varið, snilldarsending frá giggs

20.11 Benzema í góðu færi, skaut yfir, fékk að vera einn í kringum vítateigslínu

20.12 Ronni lítið sést en með smá run, boltinn stuttu seinna á scholes í góðu færi, blokkað og horn. Gott scholes run í eyðu og síðan annað horn, og aftur heim til sín, 3 horn í röð, lyon hreinsar

20.15 Ronni með 3 skæri og skot í bringu, lifnað töluvert yfir leiknum, Ferguson með tyggjó, það kemur á óvart

20.17 Giggs með hlaup og bros, eitthvað innkasttrix þar sem wes henti í bakið á giggs, átti svo að fá boltann aftur en boltinn fór af hælnum á giggs og afturfyrir, Revelliere braut á Ronna og fékk gult

20.19 Ronni með skot í vegginn af 35 metrum, fékk boltann aftur og skaut 35 metra framhjá, var ég búinn að segja að Shrek er ekki fríður

20.20 Källström með gult fyrir að hlaupa á Ronna, rétt gult

20.22 Tæpar tíu eftir, Hargreaves slapp vel við gult, nei annars, fékk gult, Boumsong fékk líka gut fyrir að heimta gult, auki hjá Lyon rétt fyrir utan teig, reyndar aðeins til hliðar

20.25 Lélegur auki, slatta yfir, spái rauðu á Boumsong á eftir, hann er allt of vitlaust til að geta passað sig

20.26 Gouvou fékk að snúa of létt á wes, var síðan of lengi og wes náði honum aftur, 4 eftir og staðan ennþá 0-0

20.28 Ronni með skæratrix, lyon reddaði í horn

20.29 Ronni með skotsendingu úr auka til hliðar við teiginn, ágætt alveg, horn ManU

20.30 Ronni með skalla yfir eftir hornið, komst ekki alveg yfir boltann, hann er glettilega góður skallamaður miðið við allt soul-glowið í hausnum á honum 

20.31 Hálfleikur, eðlileg staða þó ég hefði frekar viljað hafa þetta 1-1 eða 4-4

20.33 Ok, skrifstofubleytuauglýsing frá TM, það er betra

20.47 Seinni byrjaður, engar breytingar nema þá helst ða liðið skipta um mark, það er yfirleitt gert

20.48 Hendi á Grosso, reyndar bara önnur en þetta var fyrir utan teig þannig að það er auki

20.49 Celtic eru 2-1 yfir á móti Barca, eftir eitt og hálft færi, hægri kantarinn hjá lyon heitir clerc, hann gæti verið svona fljótari týpa af Finnan, áhugavert

20.51 Gummi er eitthvað aðeins ringlaður í framburðum, nú heitir búmsong orðið bomsúng, Ronni með klobba og trix

20.53 Scholes með skot í mann, ekki horn, af því að markmaðurinn náði boltanum, nærmynd af upphitun hjá lyon, það er nú fínt

20.55 Benzema að skora 1-0, var svona að þvælast með boltann og negldi svo stöngin inn með vinstri, þröngt en vel gert, ManU kallarnir áttu samt að gera betur, 54 búnar

20.56 Hann er sterkur þessi Benzema og fljótur, gæti orðið dýr fyrir Real/Barca/AC/Inter eða hverjum þeim sem vill borga 30 mills, Benzema komst í smá break en Vidic hægði vel á honum, Rio er að safna hári sýnist mér

20.59 Hargreaves með snúnig og wes fyrirgjöf, skallað frá

21.01 Ronni með trix, Boumsong fattaði það ekki og tók boltann

21.02 Break hjá Ronna, léleg fyrirgjöf en horn

21.04 Anderson virkar ekki almennilega rétt fyrir aftan senter, er betri þegar hann fær að vera aðeins aftar, Källström að klúðra einhverju en það reddaðist, Shrek rangstæður

21.06 Nani og Quasimodo inná fyrir Scholes og Giggs, Rafa eru venjulega svona hálftíma að fatta skiptingar, sennilega tyggjóið hjá Alex sem heldur blóðinu á hreyfingu

21.07 Þetta er enn eitt dæmið um klassamuninn á Rafa og Ferguson, ekkert að bíða með skiptingar sem þurfa að koma hvort eð er, Benzema að fá ódýran auka

21.09 Juninho með furðulegan auka, rétt framhjá og vd sar alveg útá túni, verulega tæpt

21.11 Quasimodo með skalla sem Shrek skorar eftir en hann var slatta rangstæður, telur ekki, ennþá 1-0

21.12 tuttugu plús eftir, ManU líklegir eftir að Quasimodo og Nani komu inná

21.13 Bodmer á leið inná, fyrir Juninho, Benzema með skæratrix áðan, skemmtilegt

21.16 Benzema er eiginlega jafn góður og Shrek er ljótur, sýnist þetta enda 1-1

21.17 Einhver á leið inná hjá lyon sem er í appelsínugulum skóm, það virkaði ekki vel hjá zlatan í gær

21.19 Ben arfa inná fyrir Clerc, sýnist það vera carrick fyrir hargreaves líka, Ronni að fá smá pláss, lyon með klókt brot nálægt miðju

21.21 Rúmar tíu eftir og það er hellings tempó, ManU miklu beri samt , Ben arfa með skot slatta yfir, ljótt nafn

21.23 Hann er samt ágætur, heitir víst hatem ben arfa

21.24 Benzema útaf fyrir Fred, hann er góður reyndar, enda Brassi

21.25 Carrick er með dáldið beinan topp, ManU eru að gera sér þetta erfitt akkúrat núna, dáldið þröngt, hörmuleg sending hjá Ronna, Boumsong hreinsaði nokkurn veginn í rétta átt, innkast ManU

21.26 Auki hjá ManU rétt til hliðar við teiginn, Ronni að stilla miðið

21.27 Quasimodo að jafna, 1-1, sanngjarnt enda getur Lyon ekki hreinsað, skorað eftir klafs stöngina, Fred gaf á hann

21.29 Klafsaðist sem sagt af Fred, veit ekki hvað senterinn er að gera inní markteig þarna, Carrick átti reyndar dauðafæri rétt áður, sem klafsaðist frá

21.32 Barca komnir yfir 3-2 þeir eru aðeins betri en Celtic, manU eru að sama skapi aðeins betri en Lyon, rétt eins og liver eru aðeins betri en inter :)

21.34 þessi Fred er ekki að gera gott mót, búið að flauta af, endaði 1-1 rétt eins og ég spáði klukkan 19.34, þurfti kannski ekki mesta sérfræðing heimsins til að spá því. Ef einhver hefði hvíslað þessu að Gaupa þá hefði meira að segja hann geta giskað á þetta

21.35 Allavega búið og eðlileg úrslit, ManU labbar síðan yfir þá á Trafford eftir 2 vikur, Adebayor var annars að skalla í slána af 30 sentimetra færi, ótrúlegt færi, hættur í bili, Arsenik endaði 0-0 annars

Tévez bjargaði Man.Utd í Frakklandi

Leikjadagbók Liverpool-Inter Milan 19.2.2008

Naustabryggja 29, sérlegur gestabloggari fyrrum landsliðsfyrirliði Jón Pétursson.

Ég veit að ég er snemma á ferðinni, bara tímabilið undir þannig að ég er meira að segja farinn að lesa eitthvað af stöffinu á NewsNow. Liðið ekki komið ennþá en ég fer mögulega út í 6 tíma göngutúr ef listamaðurinn sem áður var þekktur sem Jermaine Pennant verður í liðinu.

Liðið á að vera svona: Reina, Arbeloa, Carra, Skrtel, Riise, Gerri, Mascherano, Alonso, Babel, Crouch og hinn gullfallegi Fernando Torres. Reikna samt frekar með Kuyt í staðinn fyrir Crouching tiger.

Best að hringja í minime, sjá hvað sá snillingur segir, brb.. 

19.00 Jæja, minime var góður, var að koma úr heimsókn frá vini sínum

19.01 Sigfríð að elda grísalundir, verða klárar fyrir hálf, Tómas Ingi og Heimir með Hödda Magga í settinu, Tómas Ingi er snyrtilegur að vanda, skyrtan hans er einhvern veginn bleikbrún, veit ekki almennilega hvað sá litur heitir

19.03 Verið að tala um Arsenal-Milan, mér er alveg sama hvernig sá leikur fer

19.05 Liðið komið, Reina, Finnan, Carra, Sami, Aurelio, Gerri, Mascherano, Lucas, Babel, Kuyt og hinn gullfallegi Fernando Torres. Ekki alveg leikmennirnir sem ég reiknaði með en taktíkin er sú sem ég vonaðist eftir, 4-3-3 með Babel og Kuyt sitthvorum megin við Torres

19.08 Bekkurinn er Itandje, Riise, Arbeloa, Alonso, Benayoun, Pennant, Crouch, ekkert óvænt nema þá helst að það er ekki ennþá búið að selja Pennant

19.10 Bekkurinn hjá Chelsea er Terry, Lampard, Anelka, Wright Phillips, Kalou, Mikel og einhver, þokkalegasti bekkur hjá Chelski verð ég að segja

19.12 Gaupi er að fjalla um Chelski leikinn, það er fínt, hann verður þá ekki viðloðandi Liver leikinn, Gaupi að segja núna hvað hann sé ósammála T'omasi Inga, það er fínt fyrir hann, Tómas Ingi getur þá verið viss um að hann sé á réttri leið.

19.13 Höddi Magg á afmæli í dag, það er nú fínt

19.16 Gummi Ben verður ekki með liver leikinn heldur, það er verra

19.26 Þá fer þetta að byrja, mé rlíður betur með þetta eftir að ég sá liðið sem byrjar

19.37 Gleymdi að þetta byrjar víst ekki fyrr en korter í, það er kannski óþarfi að byrja leikjadagbækur klukkutíma fyrir leik, ekki að þær séu þarfar yfir höfuð

19.39 Logi og Arnar að lýsa, you´ll never walk alone hljómar, koma svo..

19.46 Liver byrjaði með boltann, það er afar mikilvægt í fótbolta

19.46 Liver fékk fyrsta innkastið, það er líka mikilvægt

19.47 Torres með bringuframhjátrix, Materazzi hljóp á hann, það veðrur ekki í fyrsta skipti, hendi á Cordova, ekki víti, sennilega af því að það var bara önnur, Chivu með gult eftir 3 og hálfa.

19.49 Aurelio með auka

19.50 Yfir hjá Aurelio, gaman að segja frá því að hann hefur ekki skorað fyrir Liver, eða reyndar ekkert gaman að segja frá því

19.51 Babel reyndi að hlaupa gegnum Maicon, það virkaði ekki, virkar sjaldnast, Sami hljóp í gegnum Zlatan, auki

19.53 Mikið tempó hjá Liver í byrjun, miklu sprækari og fínt að keyra aðeins á dútlarana frá ítalíu

19.54 Góð sókn hjá Liver, fyrirgjöf kuyt, horn

19.54 Skalli Sami, annað horn, Carra vill fá annað víti, fór ekki enu sinni í aðra hendina

19.55 Gerpið Stankovic trampaði á Gerra, það á að vera gult

19.56 Tíu búnar, Liver betri til að byrja með, reyndar engin sókn hjá Inter, Torres er fljótari en Materazzi, gult á Marco, ekki alveg verðskuldað

19.58 Tek þetta til baka, það er alltaf verðskuldað á Marco, hann á pottþétt eftir að gera eitthvað af sér á eftir sem dómarinn missir af

20.00 Torres næstum í gegn, Mascherano að biðja um gult, fékk ekki

20.02 Zlatan er í appelsínugulum skóm, það er gæfulegra en þegar Keown var í skræpóttu

20.03 Babel er búinn að vera góður, hann er svipaður og Pennant, nema bara góður, fljótur og teknískur

20.05 Finnan á Reina, allt að gerast

20.06 Kuyt að reyna að gefa á Gerra, átti hins vegar að gefa á Finnan, dáldið þröngt þarna 

20.07 Macherano að reyna eitthvað sem hann ræður ekki við, sóla mann, tókst reyndar en honum brá svo að hann missti boltann

20.08 Babel reynir allavega að taka menn á, kannksi aðeins of mikið að reyna að sóla þrjá en virðingarvert að reyna allavega

20.10 Gerri með vont skot

20.11 Auki til hliðar við teiginn, brotið á Torres, Gerri að prófa hvort það sé gott að taka aukann á fyrsta varnarmann, neibbs

20.13 Gott að Materazzi sé kominn með gult, það minnkar líkurnar á því að hann slasi einhvern

20.14 Ég held að það sé leiðinlegt að spila á móti Mascherano, Materazzi fékk annað gult fyrir að toga í Torres, hálftími búinn

20.16 Annar auki á fyrsta varnarmann, prófum að gefa yfir hann næst

20.17 Pressa hjá Liver

20.18 Mancini ekki ánægður

20.19 Línuvörðurinn datt og braut flaggið

20.19 Rúmur hálftími búinn, 0-0, allt of langt útspark hjá Reina, bæði spjöldin á Materazzi komu af því að Torres er fljótur

20.20 Babel með skiptingu útaf, betra að gefa á einhvern

20.21 Ítölsk lið eru góð að verjast, kannski ágætt að eini ítalinn var reikinn útaf

20.22 Zanetti og Torres að heilsast eftir einhverjar deilur

20.24 Babel með skot yfir, það var allavega fast

20.25 Kiddi frændi mættur sem sérlegur gestabloggari, kom með gott komment af hverju það er pointless að setja Crouch inná, ekkert gagn að honum þegar boltinn fer aldrei yfir fyrsta varnarmann

20.27 Gerri með fyrirgjöf, laust í bringuhæð á markmanninn, enginn Liver maður nálægt, Finnan að reyna að gefa í bringuhæð á fyrsta varnarmann, virkaði merkilegt nokk ekki

20.28 Já ég gleymdi að kynna Kidda, heitir sem sagt Kristinn Pétur og er tvíburabróðir pabba, skipstjóri með meiru

20.30 Gerri með gott run en Kuyt var að tala við einhverja stelpu við hina hliðarlínuna held ég, var allt of lengi að aulast inní, þoli ekki þegar menn koma sér ekki inní þegar boltinn kemur flatur fyrir markteiginn

20.31 Búið að flauta til hálfleiks, Liver miklu betri en ekki mikið af færum, reyndar væru þeir 12-0 yfir ef þetta væri keppni í að hitta fyrsta varnarmann, tempó hjá þeim samt og þetta lítur vel út, meira þegar seinni byrjar

20.42 Hnetuauglýsingin frá TM aftur, væri ekki nær að hún væri þegar einhverjar konur eru að horfa? Er merkilegt nokk alltaf í hálfleik á fótboltaleikjum, ætli þetta sé til að konur fái eitthvað spennó, held reyndar að konum finnst þetta ekkert spennandi

20.44 Ok, fyrri var allavega þannig að Liver voru miklu betri en fengu lítið af færum, næstsíðasta sendingin klikkar of oft, stundum að reyna of flókna hluti, of margar fyrirgjafir á fyrsta varnarmann og síðan Kuyt sofani úti á kanti þegar Gerri komst í gegn hægra megin.

20.45 Það sem ætti að gerast í hálfleik er að Crouch ætti að koma inná fyrir kuyt, Finnan er í raun kominn á hægri kantinn og Kuyt að þvælast inní, skárra að stilla Crouch inní, errrrr meinti fyrir framan fyrsta varnarmann, til að taka fyrirgjafirnar

20.47 Það voru svo margar auglýsingar að við misstum af fyrstu 30 sekúndunum á seinni, Lucas með smá run, innkast Liver, engin skipting í hálfleik

20.48 Þið vitið hvað brasilískur bílastæðafótbolti er, við fáum held ég dáldið af ítölskum sleðabolta í seinni

20.50 Inter búnir a fá 3 aukaspyrnur á fyrstu 3 mínútum, nú var Arnar að segja að fyrra brotið hjá Marco hafi verið gult en ekki seinna, það er akkúrat öfugt Arnar

20.51 Lucas er fínn leikmaður, Finnan með gott run, horn

20.52 Liver vildi fá víti, þarf allavega að fara í aðra hendina til þess finnst mér, svona ef ég væri hlutlaus

20.53 Sami með skot af 35 metrum, svona 9 metra framhjá, ekki góð hugmynd og enn lélegri framkvæmd

20.54 Logi vildi núna fá skiptinguna mína, Kuyt-Crouch, horn sem fór yfir fyrsta varnarmann, það er skárra

20.55 Viera á leið inná fyrir Cruz, kemur ekki á óvart, gott hjá Cruz að labba og kveðja dómarann, 54 búnar og þá 13 mínútur í að Rafa skipti, hann veit ekki að það má alltaf skipta, allavega þegar boltinn er farinn útaf

21.00 Dauðafæri hjá Sami, frír skalli á markteig en yfir

20.58 Mascherano rétt missti af því að fá að renna sér, hann var súr, ágæt fyrirgjöf áðan hjá Kuyt

20.59 Dauðafæri hjá Torres, einn innfyrir en vel varið

21.01 Dauðafæri hjá Sami, frír skalli á markteig en yfir

21.01 Þetta var fáránlegt, hendi á Viera en ekki víti, held þetta hafi verið báðar og þess vegna klárt víti

21.03 Hálftími eftir, Crouch á leið inná, verið að endursýna slatta hendina á Viera, þetta var sem sagt víti, getum við nú haldið áfram með leikinn

21.05 Lucas útaf fyrir Crouch, Torres með gott skot framhjá

21.06 Það eru 25 eftir, nóg eftir sem sagt, lítur vel út hjá Liver, kannski fyrir utan það að þeir skora ekki, gengur fótbolti nokkuð útá það

21.08 Erfitt hjá Kuyt, innkast, Aurelio með ferlega erfiðan bolta, Zlatan kominn inní teig, fyrsta horn Inter

21.10 Liver lengi að hreinsa, Sami reddar vel eftir að Zlatan sendi inná Cambiasso, rangstaða reyndar

21.11 Dæmt á Crouch eftir fyrirgjöf frá Finnan, Pennant á leið inná, jibbí

21.12 Carra að reyna 40 metra gegnumbrotssendingu, akkúrat það sem hann er góður í

21.13 Pennant inná fyrir Babel, Rafa er ekki í lagi

21.13 Viera með skot framhjá, Kuyt er kominn á vinstri kantinn, stelpan sem hann var að tala við í fyrri er sennilega kominn þarna megin

21.14 Croch í eðal skotfæri af vítateig, ákvað þá að skjóta framhjá, lélegt skot í góðu færi, Inter verst annars vel, liggja reyndar vel líka núna til að vinna smá tíma

21.15 Sýnist það vera Cordoba sem er á leiðinni útaf á börunum, Burdisso kemur inná fyrir hann

21.16 Markmaðurinn er örvfættur, sparkar langt og vel eins og Kjartan vinur minn sem er líka örvfættur, Kjartan er samt myndarlegri

21.17 Gerri með skot en horn sem ekkert varð úr eftir hörmulegan seinni skalla hjá Carra, Zlatan með Ninjaspark í Carra, það er auki

21.19 Crouch í færi en Maxwell komst fyrir, Finnan með fyrirgjafaskot yfir

21.20 Það jákvæða við Liver núna er að þeir vinna boltann fljótt aftur, Inter nær lítið að halda honum, það er gott, það sem er ekki jafn gott að Liver eru ekki búnir að skora

21.22 Gerri var felldur en hékk á boltanum, Kuyt á ekki að vera í 40 metra skiptingum, Torres hefði getað snúið en áttaði sig ekki á því

21.23 Carra með þéttingsfasta sendingu í magahæð, ekki létt að taka það niður, horn hjá Liver sem ekkert varð úr

21.24 Torres að skalla á markið frá vítateig, það virkar yfirleitt ekki

21.25 Fyrirgjöf frá Pennant og Kuyt skorar á fjær, ætlaði einitt að fara að tala um hvað Kuyt hefði ekki sést, fór aðeins í varnarmann, telur, 1-0 Liver og 5+ eftir

21.27 Þetta var nú fínt, líður betur núna, pressa svo áfram núna, dómarinn dæmir nú dáldið mikið núna, einhver liggur hjá Inter, kemur á óvart

21.30 Gerri með gríðarlegt skot, 2-0 Liver, erfiður vinkill, stöngin inn, nammi namm

21.32 Auki á Liver á miðjunni, síðan dæmt á Viera. Ok, kannski eitt varðandi Pennant, einum fleiri þegar hann þarf ekkert að verjast og getur staðið útá kanti að gefa fyrir þá er hann nothæfur, verð víst að brjóa odd af oflæti mínu og vera afskaplega sáttur við hann í þessum leik, ég er ekkert of góður til þess.

21.35 Búið að flauta af, endaði 2-0 fyrir Liver, sanngjarn sigur hjá Liver þó þetta hafi verið erfið fæðing. Kuyt skoraði gott mark og það var það eina sem hann gerði leiknum, reyndar alveg nóg líka

21.36 Liver fer þá áfram, þeir skora á útivelli og eru góðir í að verjast í evrópukeppni. Skemmtilegt hvað maður er brosmildari þegar svona gengur, ég veit ekki hvað ég hef lítinn áhuga á bandinu hans Bubba. Veit þó að þetta voru fínustu úrslit, kveð að sinni, ciao

Inter

hljóta að vera skjálfandi í beinunum fyrir heimsóknina á Anfield í kvöld.

Ég er ennþá netlaus, eðlilega ekki Voda að kenna, var tengt á föstudag, eitthvað innanhússpickles á Bollagötu, alveg morkið

Er þreyttur eftir helgina, aldurinn

Fæ minime um helgina, hlakka til að heyra hvað hann gerði skemmtilegt í útlöndum síðustu helgi, á síðustu 12 mánuðum hefur hann farið tvisvar út, ég aldrei

Stórleikjadagbók í kvöld, síðasti séns Rafa til að redda djobbinu, vona að Liver vinni meistaradeildina og hann hætti síðan, hann getur ekki þjálfað í ensku deildinni

 

alls(net,tv,bremsu)laus

Ég er fluttur á Bollagötu 16. Það er annars ekkert sérlega skemmtilegt að flytja, ágætt að það er búið.

Er búinn að vera netlaus í nokkra daga, alveg morkið

Var í afar skemmtilegu brúðkaupi í Kef á laugardag, Ingunn frænka mín að gifta mig. Skemmtilegur dagur.

Er sjónvarpslaus, eitthvað pickles á loftnetstenginu heima, alveg morkið

Escortinn stórskemmtilegi varð bremsulaus á fimmtudag, fór með hann á verkstæðið Bremsuna á föstudag, það er svona tannlæknaverðskrá þar, kostaði 16.627 að skipta um bremsuslöngu vinstra megin að framan. Það þýðir að þessi slanga er verðmætari en restin af bílnum held ég.

Josiah Leming datt úr úr Idol, góða spáin hjá mér, Michael Johns er þá gisk nr. 2, aðallega af því að ég man ekki hvað rokkarastelpan heitir.

Skemmtilegt að Liver skyldi segja sig úr bikarkeppninni á laugardag, svona rétt á meðan ég var í brúðkaupinu, Inter hljóta að skjálfa í beinunum eftir að Barnsley kom á Anfield og vann

Idol

Hollywood dagur 1

Hollywood dagur 2

Josiah Leming- sá sem vinnur þetta, hann mætti reyndar grenja minna

Bíða bíða bíða

er eitthvað sem ég er ekkert sérstaklega góður í. Er sem sagt að bíða eftir íbúðinni á Bollagötu sem við SGÓ fáum vonandi í lok vikunnar. Væri ekki leiðinlegt að vera fluttur þangað um helgina.

eftir golfsumrinu. Komst inn í GR og vill ólmur fara að spila. Nenni hins vegar engan veginn að spila í snjó.

Leikjadagbók Chelsea-Liverpool 10.2.2008

Naustabryggja 29, sérlegir aðstoðarbloggarar Aron Freyr og fyrrum landsliðsfyrirliði Jón Pétursson.

15.53 Liðið hjá Liver er Reina, Finnan, Carra, Skrtel, Riise, Gerri, Mascherano, Lucas, Babel, Kuyt, Crouch. Held að þetta sé frekar 4 3 3 en 4 4 2. Ætli Kuyt fari ekki að mjaka sér hægra megin út, þangað sem hann fer á endanum.

15.55 Liðið hjá Chelski er Cech, Belletti, Hinn ofurgrófi Carvalho, Alex, Cole, Makelele, Lampard, Ballack, SWP, Joe Cole og Anelka.

15.57 Spáin er eftirfarandi:

Pétur Björn 1-3

Aron Freyr 1-1

Jón P 2-1

15.57 Ánægður með að Lucas sé að spila

15.58 Gummi Ben er einn að lýsa, hann er á Stamford Bridge

15.59 Varamenn hjá Liver eru Itandje, San Jose, Harry, Yossi og listamaðurinn sem var áður þekktur sem Jermaine Pennant

16.00 Carra/Skrtel í fyrsta sinn, Sami er víst meiddur, getur þá sest við hliðina á Agger hjá sjúkraþjálfaranum

16.02 Ennþá fúll útí Inspector Clouseau að sleppa Anelka og fá í staðinn örþunnu hárkolluna hans El Hadji Diouf

16.03 Kuyt hleypur allavega. Merkilegt hvað maður hefur strax meiri áhuga á leikjum liðsins sem maður heldur með

16.04 eða kannski er það ekkert merkilegt

16.05 Hendi og gult á Belletti, réttilega en það kom samt á óvart að dómarinn þyrði að gera þetta

16.06 Anelka í break en Skrtel reddaði á edanum, tempó í leiknum, það er venjulega nóg aksjóna í leikjum hjá chelski-liver

16.07 Skrtel er dáldið grannur í framan, ekki alveg Yossi en samt

16.09 Crouch er dáldið grannur alls staðar, næstum eins og Yossi

16.10 Það er Lasagna í matinn á eftir, ég verð síðan að flýja héðan úr Naustabryggju áður en ég þau þurfa að flytja mig héðan með vörulyftu, það er ósköp þægilegt letilíf að vera með minime heima hjá gamla settinu heila helgi, mikið borðað en ekki mikil hreyfing

16.11 Bras á Liver en Skrtel hreinsaði þessu

16.13 Shaun Wright Phillips er tæpur meter, með haus

16.15 Skrtel hefur komið vel út fyrstu mínúturnar, virkar sterkur og fljótur

16.16 Carvalho er ekki búinn að brjóta á neinum ennþá, kannski enginn komist nálægt honum, Finnan með 40 metra fyrirgjöf

16.17 Cech með útspark, Anelka með slæman skalla, innkast chelski

16.18 Slæm sending hjá Ballack, Liver með innkast, Liver reynir dáldið að einangra Babel á móti Belletti, skalli hjá crouch til babel, aftur á crouch sem skaut rétt framhjá út góðu færi, liver með fyrsta færið en ekkert kom úr því

16.20 Skrtel er svona laumufallegur, þ.e. ef hann er fallegur þá er það vel falið

16.22 Gott moment í leiknum hjá liver, Gerri með fyrirgjöf sem crouch skallaði, crouching tiger var hins vegar að bakka þannig að það var enginn kraftur í skallanum, vel gert hjá gerra samt

16.23 Ballack á ekki séns í að hlaupa með boltann framhjá Mascherano, hann er hrifnari að vera nálægt sóknarmönnum, sennilega finnst flestum það þægilegra en samt

16.25 Babel er fljótur, ekki síst við hliðina á Belletti og Ballack

16.26 Chelski að ná meiri tökum á þessu aftur, langir boltar á Crouch eru betri ef þeir eru á hausinn á honum, verra þegar hann á að hlaupa 30 metra innfyrir einhvern

16.27 Joe Cole vildi fá víti, það varið farið í hann en hann datt sérkennilega, mátti dæma en mátti alveg sleppa, mér fannst ágætt að því var sleppt

16.29 Tæpur hálftími búinn og liver búnir að fá eina færið, staðan 0-0, Liver átti ágætis upphlaup sem varð einhvern veginn  ekkert, sendingin frá Mascherano aðeins of framarlega fyrir crouch og síðan fyrirgjöfin frá honum aðeins of léleg, Liver fékk horn eftir beina rist hjá Kuyt stuttu seinna

16.33 Chelski að fá horn, Skrtel renndi sér í Ballack og klafsaðist einhvern veginn afturfyrir

16.34 Anelka felldi Reina í horninu, það má ekki, auki, korter eftir af fyrri, vitlaust innkast eða réttara sagt tekið á vitlausum stað

16.35 Lucas með skot sem Carvalho skallar í horn, Gerri tekur, fékk svo boltann aftur en dæmt á Babel fyrir að Carvalho hrinti honum

16.37 Makelele með hæltrix, kúl

16.38 Babel er fljótari en Belletti, var ég búinn að segja það

16.39 Fín fyrirgjöf hjá hinum ágæta hægri vængmanni Dirk Diggler Kuyt en Crouch varð hræddur í fríum skalla og skallaði yfir, var hræddur við Alex sem var 3 metrum frá honum, Anelka með break og chelski fékk horn

16.41 Anelka með ágætis run, skot sem fór í Gerra og framhjá, horn Chelski, Alex kom fljúgandi á hópinn inní

16.44 Babel reyndi sama trix og Belletti í byrjun, sama niðurstaða, hendi og gult

16.45 Anelka er alveg ágætur, reyndar frekar sprækur, ætli við getum fengið hann frá Chelski af því að við héfðum átt að kaupa hann í staðinn fyrir Diouf á sínum tíma?

16.47 Ekki mikið eftir en break hjá Chelski, þeir fá uka svona 20 metrum fyrir utan teig þegar 45 eru búnar, Liver hreinsaði í horn

16.48 Skallað frá og hálfleikur, leikurinn í jafnvægi en Liver með betri færi, merkilega gott verð ég að segja

17.07 Seinni byrjaður, SKrtel er eitthvað meiddur og er ekki inná, Chelski fær auka en Liver hreinsar, babel með break sem ekkert vaðr úr, liver fær auka rétt fyrir utan teig, Gerri tekur væntanlega

17.09 Ég veit ekki hvað þeir ætluðu að gera Gerri og Riise en það virkaði ekki. Hvers vegna er verið að renna til hliðar þegar það er borðleggjandi að skjóta beint, ekki mikill ávinningur í því að hleypa veggnum nær, fór allavega í einhverja þvælu

17.12 Gerri að reyna að hlaupa gegnum Makelele, hann er lítill en samt, allavega auki á Gerra. 53 búnar og staðan 0-0, þessi leikur fer 0-1 held ég

17.13 Skali og skalli og skalli og skalli og auki, skemmtilegur bolti þarna í 1 mínútu

17.15 Auki Liver, slatta frá teignum en beint á Carvalho, smá pressa frá Liver núna, ágætis moment

17.16 Best að hætta að tala svona mikið um móment, í þeim töluðu orðum endaði þessi ágæta törn hjá Liver, Gerri með boltann, sending allt of löng á Kuyt

17.19 Var verið að dæma eina af þessum dularfullu hornaukaspyrnum, þið vitið þegar allir toga í alla og svo er auka á sóknarmennina, hafið þið einhvern tímann séð dæmt víti? Kannski að sóknarmennirnir séu svona mikið grófari

17.21 Riise gult, Carra skallar frá, Reina tók svo seinni fyrirgjöfina. Skrtel er búinn að vera solid. Skipting hjá Chelsea á 64. mínútu, Malouda inná fyrir Shaun Wright Phillips

17.23 Gummi með klassískt ÚBBS moment. Sá Capello í stúkunni og sagði svo" sé ekki betur en að Saddam Hussein sé þarna við hliðina á honum, allavega nauðalíkur honm", hmmm...  Gummi, svona segir maður ekki í sjónvarpi!

17.25 Vonum að Gaupi og Co séu ekki að eyðileggja Gumma. Hann smitast kannski af bullinu í þeim

17.26 Babel að sjá hvort það virki að gefa beint á fyrsta varnarmann í fyrirgjöf, ég hefði getað sagt honum að það virkar ekki, hann veit það næst vonandi

17.28 Hólí krappóla, Pennant af koma inná, reyndar fyrst Jan Obi Mikel fyrir Lampard, Pennant svo inná fyrir Babel, æji þetta er ekkert spes

17.30 tuttugu eftir og staðan 0-0, má slá aftan í hausinn á Crouch með olnboganum? Nei greinilega ekki, Carvalho að fá gult fyrir það, gott á hann, einn af þeim sem á alltaf að fá gult fyrir leik, svona eins og Martin Keown, hann á pottþétt eftir að gera eitthvað af sér

17.33 Gabbhreyfing hjá Belletti sem bara Pennant getur fallið fyrir, gott þá að það var Pennant sem var í honum. Dæmt á Ballack fyrir að slá boltann frá Reina, það má ekki, nú er dæmt á allt, auki á einhvern Liver kall. Ágætt að hann dæmir að mestu til skiptis

17.36 Dæmt á Mascherano, ekki í fyrsta skipti. Gleymdi að kalla Mikel hinn geðstirða Jan Obi Mikel, það leiðréttist hér með

17.38 Horn hjá Chelski

17.39 Ég er ekki sérstaklega hrifinn af Pennant, hann var að klúðra hraðupphlaupi núna, mjög gott færi hjá Ballack en hann setti það sem betur fer framhjá

17.42 Sjö mínútur eftir plús vextir, það er jafnvægi í þessu þó Chalski séu búnir að vera apeins sterkari síðustu 2-3. Ef maður er með Harry, Yossi og Pennant á bekknum, af hverju kemur þá Pennant inná þegar þú ætla rað setja einhvern á vinstri kantinn? Þetta heitir að yfirhugsa hlutina

17.44 liver að fá gefins innkast upp við eigin hornfána

17.46 Riise með skutluskalla til baka á Reina af markteig, tómt rugl en slapp fyrir horn

17.47 Skrtel að hreinsa útaf, það liggur aðeins á Liver núna, break hjá Liver en lélegt touch hjá Kuyt

17.50 Gott brot hjá Mascherano á miðju við hliðarlínu, tvær mínútur komnar framyfir, eiga að vera þrjár aukamínútur

17.52 Búið að flauta af, endaði 0-0, sanngjarnt. Liver sennilega betri til að byrja með og Chelski að hluta til seinni. Liver spilaði allavega ágætlega, tökum þetta stig allavega. Er á leið með minime heim til sín, þakka þeim tveimur sem lásu, auf wienerschnitzel

Leikjadagbók Manchester Untited-Manchester City 10.2.2008

Naustabryggja 29, sérlegir gestabloggarar Aron Freyr og fyrrum landsliðsfyrirliði Jón Pétursson.

Spá dagsins

Pétur Björn 3-0

Aron Freyr 3-0

Jón P 2-1

13.22 Atli Eðvaldsson, Guðni Bergsson, Ólafur Þórðarson og Heimir Karlsson í salnum fyrir leik. Menn sammála um að Ronni hefur verið að brillera, kórrétt.

13.23 Liðin: Van der Sar, Brown, Ferdinand, Vidic, O´Shea, Nani, Scholes, Anderson, Giggs, Ronni, Shrek.  City: Joe Hart, Onuoha, Dunne, Richards, Ball, Hamann, Gelson, Ireland, Petrov, Vassell, Benjani

13.29 Þögnin búin, það kom aldrei til að það yrði eitthvað vesen með þá mínútu. Töff búningar sem ManU eru í, retro ´58 búningar. Meira að segja Quasimodo lítur þokkalega vel út í þessu

13.34 Brown að sparka aðeins í Petrov, held að það verði smá aksjón í þessu

13.37 Annars dáldið merkilegt að 35 milljón punda miðjuparið Carrick og Hargreaves eru báðir á bekknum, sá gamli notar Anderson og Scholes frekar

13.39 Gott upphlaup hjá ManU en Hart varði vel frá Giggs úr þröngu færi. Benjani er einn frammi, Vassell og Petrov eru að hjálpa honum eitthvað en restin er í vörn.

13.41 Ireland með skemmtilegt miðjutrix, ekki með jafn skemmtilegt hár, svona hálfan kamb, einhvers konar millibilsástand frá kambi í égvaraðvaknagreiðslu

13.44 Dietmar Hamann er alveg nothæfur leikmaður ennþá, gætum alveg notað hann í staðinn fyrir að kaupa 17 milljón punda varnarmiðjumenn á hverju ári.

13.45 Petrov með ágætis skot yfir

13.47 Micah Richards er buff, vissi samt ekki að hann mætti taka með hendi, hann var hins vegar að því beint fyrir utan teig en ekkert dæmt

13.48 Aroni Frey finnst Rommi vera slakur eins og er, Ronni vildi fá víti en réttilega var ekkert dæmt, hann er þá bara búinn að reyna að fiska eitt víti í dag, sautján búnar, hann endar þá  sennilega í því að reyna að fiska 6 víti.

13.51 Veit ekki alveg hvernig City á að fá stig útúr þessum leik, gæti þurft að reka einhvern útaf hjá ManU til þess.

13.53 ManU er með númer 1-11, það er alltaf dáldið sniðugt

13.54 Staðan er 0-0 eftir 23 mínútur. Engin færi svo sem en ManU klárlega skárri. Break hjá City og færi, Van Der Sar varði frá Ireland, varði svo frá Vassell en Vassell tók frákastið og skoraði, 1-0 fyrir City og ekki getur það talist sérstaklega sanngjarnt. Sanngirni skiptir hins vegar afar litlu í fótbolta. ManU fær horn

13.58 Micah stökk yfir Ronna sem var ekki sérlega hrifinn af því, Quasimodo með gott skot sem hart varði. ManU að auka tempóið, spái því að þeir jafni kl 14.07

14.00 Einn langur frá O´Shea, hann hefði kannski átt að sparka útaf þar sem Vassell lá meiddur eftir hann en so be it. Þessi sparka alltaf útaf regla er leiðinleg

14.02 Benjani er allavega fljótur og sterkur, það hjálpar

14.03 Shrek er í banni, þeir gætu notað hann. Neville systirin er meidd, veit ekki hvort þeir væru að nota hana. Brown og karamelluhárið hans er allavega að spila ágætlega

14.04 Auki hjá ManU fyrir utan teig, Ronni að laga sokkana

14.05 Ronni skaut yfir úr aukanum, ekkert allt of mikið samt. Richard Dunne er merkilega góður miðað við það að hann er ekki góður

14.07 Ronni í færi en fékk horn, O´Shea í færi strax á eftir en Tevez/Vidic settu framhjá, útspark

14.09 Anderson með vitlaust innkast, það var meira að segja kolvitlaust. 37 búnar og City 1-0 yfir. Sonur minn er annars með svona Jordan takt, rekur út tunguna þegar hann einbeitir sér.

14.12 Rio að reyna eitthvað trix þegar hann fylgdi boltanum afturfyrir, Benjani tók boltann en Rio rétt reddaði því í horn

14.13 Nani hefur ekki veirð með í fyrri, Scholes er ekki myndarlegur maður

14.15 Annað ágætt breik hjá City, þeir fengu tvö horn

14.16 ég meinti þrjú

14.17 Benjani skoraði eftir fyrirgjöf frá Petrov. Hornið var skallað frá en Petrov fékk boltann aftur og gaf fyrir, 2-0 fyrir City og þá er kominn tími til að taka Nani útaf, þeir eru orðnir pirraðir

14.19 United fékk einn gefins auka sem ekkert varð úr, kominn hálfleikur, 0-2 er staðan og ég væri til í að fá einhvern í staðinn fyrir Arnar í lýsinguna á seinni. Veit ekki hvort ástæðan fyrir stöðunni sé sú að Ágúst vinur minn er í Skipholtinu að horfa á þetta, grunar það og ef hann styddi sína menn í alvöru þá myndi hann bjóðast til þess að labba hringinn í kringum blokkina þangað til að United væru búnir að jafna.

14.23 Svo ég minnist á það einu sinni enn þá finnst mér allt í lagi að sleppa TM auglýsingunni þar sem hnetunar eru til sýnis. Þessi auglýsing er hvort eð er ekki skemmtileg.

14.37 Seinni byrjaður, engar mannabreytingar. Hamann strax með þokkalegt skot en létt fyrir VD Sar.

14.39 Sóknarleikur City er eiginlega að láta United hafa boltann og sækja svo snöggt þegar þeir ná að vinna hann aftur. Ekki fallegt en virkar vel enn sem komið er

14.42 Dunne og Micah er nokkuð massívt hafsentapar, aftur vitlaust innkast á ManU, nú á Nani, það var hins vegar ekki vitlaust

14.44 Kúl, Joe hart er kominn með svona markmannaderhúfu, það er svona týpa eins og Jennifer aniston myndi nota til að fela sig fyrir ljósmyndurum, alveg yfir augun

14.46 Ronni komst alveg innfyrir uppvið endalínu hægra megin, átti hins vegar hörmulega sendingu fyrir, veit ekki alveg hvað hann ætlaði að gera en boltinn endaði allavega lengst úti á kanti hinum megin

14.49 Ronni að gefa fyrir en einhver City maður náði að henda sér fyrir fyrirgjöfina, Carrick á leiðinni inná, væntanlega fyrir Nani

14.52 Nani með break en gaf lélegan bolta á Tevez, Jón P benti réttilega á að ManU er að gefa dáldið á vitlausan fót á mönnum

14.54 Hálftími eftir og staðan ennþá 0-2, ManU klárlega betri en hafa ekki fengið mikið af færum, breakin hafa verið hættuleg hjá City, Central Park að koma inná fyrir Nani, Nani var hörmulegur í þessum leik

14.56 Horn hjá United sem lítið var úr. City hefur aldrei unnið Ferguson á Trafford, Vidic reddaði þarna smá klúðri hjá Ferdinand, Þrjú horn í röð hjá City 

14.58 Ronni gat breakað en missti boltann til Benjani sem komst næstum í gott færi, hættulegur leikur hjá United eins og er. Næsta mark held ég að vinni leikinn, City spila svona reddavarnarleik, það er stundum dáldið tæpt en reddast oftast. Ef City hins vegar skorar aftur þá er jafn gott að pakka saman myndavélunum og hætta

15.01 Vidic að reyna sniðugan skalla í staðinn fyrir að hamra frá, var ekki sniðugri en svo að Ireland tók boltann rétt fyrir utan teig. Það leystist en ekki gott samt

15.03 Ronni að reyna trix sem var étið upp, trix eru almennt betri þegar þau takast

15.05 Carrick og Hargreaves inná fyrir Anderson og o´Shea

15.10 Giggs með skot rétt framhjá, taktískt eru City búnir að spila töluvert betur, United samt búnir ða vera miklu meira með boltann og hafa verið betri en það er ekki nóg

15.11 Tíu eftir og kominn tími fyrir United að setja í fimmta gír, ekki hægt að bíða með þetta lengur

15.12 Ágúst er of slappur til að labba hringinn, það hjálpar United ekki mikið

15.14 United reyna mikið af háum boltum á senterinn, eru sennilega búnir að gleyma að Tevez er ekki nema meter með haus og Dunne/Richards eru svona helmingi stærri

15.15 Sun Jihat að koma inná fyrir Hamann, Arnar bendir réttilega á að bæði lið séu með Asíumann í liðinu, kínverjann jihai og kóreumanninn park, það er nú aldeilis það sem maður þarf að vita í derbyleik þegar það eru fimm eftir plús viðbætur

15.18 Vidic er orðinn stóri senterinn núna, allavega er frammi og á að vinna þessa löngu skallabolta sem þeir eru búnir að vera að gefa allan leikinn, þeir hafa samt eiginlega ekki komið síðan Vidic fór fram

15.20 nú tók Vidic einn langan vel en restin var of sein að fylgja, Vidic átti síðan hörmulega fyrirgjöf, Tevez með þokkalegt skotfæri en yfir, 90 búnar og þetta fer að verða langsótt hjá united

15.22 Held að vinir mínir Ágúst Örn og Sigurður Grétar séu ekki sérlega sáttir með þetta eins og er, Carrick reyndar að skora gott mark, 1-2, allt að gerast síðustu 3 þá

15.24 United tvisvar að missa boltann klaufalega eftir að þeir minnkuðu muninn, reyndar var annað rangstaða, 3 komnar framyfir og flautað af, City vann 2-1 og það var eiginlega bæði sanngjarnt og ekki. United voru meira með boltann og áttu fleiri færi en City spilaði taktískt vel, ég held ekki með United þannig að ég segi þá bara að þetta sé sanngjarnt

Minnispunktar 10.2.2008

* 4 4 2 er snilldarþáttur

* það er til ferlega mikið af leiðinlegri tónlist, er búinn að vera með eitthvað af henni í gangi í tv á meðan ég er að gera ekkert á netinu.

* hvað ætli maður þurfi að fara í marga ljósatíma til að verða ryðbrúnn eins og gaukurinn í hey hey ho ho laginu í laugardagslögunum í gær.

* Jón P, Sigfríð og minime fóru í Bása áðan, ég hef áhuga á golfi en þegar það er þriggja metra snjór úti þá held ég að ég sleppi golfi.

* Ég hef ekkert sérstaka tilfinningu fyrir Liver leiknum á eftir, þætti betra ef Torres væri með

* Held að ManU labbi yfir City á eftir

* Hlakka til að sjá báða leikina og ætla að reyna að skrifa eitthvað um þá báða

* Held að flestum, þ.m.t. mér sé sama hvort skrifað verði um leikina á eftir.

* Er afar ánægður með að uppáhalds bloggarinn minn, Maja, sé komin úr bloggdvala. Hefur verið eitthvað bloggdeprímeruð undanfarna mánuði. Velkomin aftur

* Sýnist ég vera kominn með rétt um 400 færslur á rétt um 8 mánuðum með þetta blogg, misjafnlega gæfulegar en líklega engar sem hafa verið jafn pointless og managerdagbækurnar, hafði samt glettilega gaman af því að skrifa þær þó ég hafi verið með nettan kjánahroll

* Sýnist svona 30 manns kíkja á bloggið á dag, tel eðlilega ekki þessar sérkennilegu tölur sem koma þegar maður tengir við moggafrétt.

* Fékk einu sinni rúmlega 1000 heimsóknir á síðuna á einum degi og það var alveg án tengingar við mbl, það var færslan þar sem ég auglýsti eftir einhverjum til að þrífa íbúðina mína fyrir 5000 kall. Einhvern veginn endaði það inn á barnalandi þar sem linkað var á þetta. Fékk nokkrar umsóknir um starfið en lét ekki verða af því þá, ég er það mikill snyrtipinni þannig að þess gerðist ekki þörf.

* Við Siggi verðum með einhvern til að þrífa íbúðina okkar vikulega, 5000 kall á viku fyrir 2 tíma, eigum eftir að ráða þannig að ykkur er velkomið að hafa samband, ákveðum okkur í vikunni. 

Ef niðurhal væri löglegt

þá væri ég svo löngu búinn með allar bíómyndir sem ég hef áhuga á að sjá og þyrfti að fara að fá þættina 12 eða 13, sem ég horfi reglulega á, aftur í gang.

Þetta verkfall hefur annars verið eitt allsherjar flopp fyrir þessa ágætu handritshöfunda. Stöðvarnar hafa farið létt með að sýna raunveruleikaþætti og endursýningar á meðan það var í gangi og þeir einu sem hafa tapað einhverju eru höfundarnir sjálfir.

Handritshöfundar skoða samning