Leikjadagbók Middlesbrough-Liverpool 12.1.2008

Naustabryggja 29, sérlegur gestabloggari Aron Freyr, sem er að borða flatköku með hindberjamarmelaði.

14.49 best að tékka á liðinu, leikurinn er á sýn extra 1 þannig að það er lítið um stúdíóspjall

14.50 Liðið er Reina, Finnan, Carra, Hyypia, Arbeloa, Yossi, Gerri, Mascherano, Rise, hinn óviðjafnanlegi Andryi Voronin og hinn gullfallegi Fernando Torres. Ekki alveg uppáhalds uppstillingin mín, 6 varnarmenn, 2 varaliðsmenn og svo Gerri/Torres. Bekkurinn er Itandje, Agger, Alonso, Babel, Kuyt

14.54 Þorsteinn Gunnarsson er einn að lýsa, ætli það megi ekki segja fólki upp á þessum stöðvum, af hverju er ekki löngu búið að skipta Gaupa og Þorsteini út? Arnar mætti líka gera eitthvað annað en hann er svona level-i fyrir ofan Gaupa/Þorstein en það segir svo sem ekki mikið

14.56 Liðið hjá Boro er einhvern veginn, þekki engan sem heldur með Boro þannig að ykkur er sennilega jafn sama og mér hver er í liðinu hjá Boro.

14.57 Skrtel er ekki í hópnum, ekki heldur hlkajdhg, alerhkajg eða kjsrgkgf. Meira ónafnið þessi nýi gaukur, þarf að finna eitthvað nikk á hann, reyndar sá ég eina mynd þar sem hann minnti mig á private pyle úr full metal jacket, ekki hrós en allavega eitthvað, reynum Martin samt til að byrja með

14.59 Leikurinn er byrjaður og Voronin er með tagl, verst að það er ekki alveg nógu sítt til að fela það að hann er nr 10

15.01 Byrjar Þorsteinn að tala um framtíð Mascherano, bæði veit hann ekkert um það og eins skiptir það engu um þennan leik. anywho, boro fékk fyrsta hornið en ekkert varð úr því Riise reyndi sendingu á engan sem tókst ekki, hann hitti einn Boro kall

15.04 Hreinsunardellan sem kostaði okkur á endanum wigan leikinn er byrjuð aftur, gerri og arbeloa báðir búnir að hálf klúðra hreinsunum

15.06 Þorsteinn núna að mala um að það eigi eftir að líða þónokkur ár áður en að Liver getur unnið deildina, það getur svo sem vel verið að Liver vinni ekki næstu ár en á tíma þar sem t.d Chelski gat farið úr meðalmennsku í topplið á 2-3 árum með því að henda peningum í liðið þá er þetta dáldið spes komment, eiginlega bara bull, kemur svo sem ekki á óvart miðað við þulinn

15.08 Klafs og Liver fær horn sem gerri og riise tóku stutt, Gerri fékk ágætt skotfæri uppúr því en varið í annað horn

15.10 downing street með skot framhjá, hann er markahæstur í boro, með 4 mörk í deild

15.11 Arbeloa að klúðra annarri hreinsun, síðan dæmt á Hyypia fyrir að aliadiere henti sér niður, skulum kalla það ronaldotrix

15.14 Ekkert vaðr úr aukanum, annað en reyndar að mascherano fékk boltann í hausinn og vankaðist, voronin var núna að reyna 15 metra hliðarbringusendingu sem klikkaði merkilegt nokk

15.15 Riise er örvfættur

15.16 Mashcerano er eiginlega örfættur, allavega ekki sérlega stór

15.18 tuttugu búnar og lítið að gerast, ætli það tengist því að við erum með 6 varnarmenn og tvo varaliðsmenn inná

15.20 Voronin með hælspyrnu á einhvern boro kall, ekkert spes hjá honum en þó hæll

15.23 eina böggið við að slökkva á hljóðinu er að þá missir maður vallarhljóðin, af hverju er ekki hægt að slökkva á þulinum, gott upphlaup hjá boro og þeir komir yfir, fengu reyndar að skalla á milli inní markteig en ágætt engu að síður hjá þeim

15.26 Voronin fékk dæmdan á sig auka og meiddi sig við það, það er alltaf hálf aulalegt

15.27 Það er ósköp þægilegt að slökkva á hljóðinu

15.29 Finnan með svona la la skot eftir að aukinn var tekinn stutt, Huth sparkaði aftan í torres áðan en nendo sakaði ekki, mér leiðist annars þegar varnarmenn fá að renna sér aftan í menn án þess að fá spjöld, leiðist reyndar yfir höfuð þegar þegar þeir renna sér aftan í menn en einhvern veginn ákveðið réttlæti í því þegar þeir fá spjöld fyrir það

15.36 Smá tafir, þurfti að bregða mér frá örstutt

15.37 Línuvörðurinn dottinn á hausinn, hann virðist þó hafa sloppið að mestu ómeiddur

15.39 Liver hefur getað akkúrat ekki neitt í fyrri, líkurnar á skiptingu á hálfleik eru samt engar, nema reyndar ef boro skorar aftur fljótlega, litla rlíkur á því samt, þeir geta ekki mikið, Riise með skot rétt framhjá teignum, það er þá bara rúma 17 metra framhjá markinu

15.41 Nenni eiginlega ekki að horfa á þennan leik, það er afar sjaldgæft með liver leiki en þessi er hrein hörmung, voronin að reyna trix sem hann réði ekki við, veit að það þrengir trixahringinn ekki mikið enda sér maður sjaldan trix sem hann ræður við en þetta trix var sem sagt innanfótarmóttaka sem skoppaði einhvern veginn aftur fyrir hann

15.45 Þá er búið að flauta til hálfleiks, það eina jákvæða sem hægt er að segja um þennan hálfleik er að ég þurfti bara að hlusta á þorstein í sirka korter, síðan þá hefur verið þægileg þögn hér.

15.48 Veit ekki alveg hvað ég nenni að horfa á þetta mikið lengur þannig að ég hendi kannski einhverju inn ef eitthvað merkilegt gerist en annars læt ég þetta gott heita í dag

**uppfært kl 22.43

endaði sem sagt 1-1 eftir að Torres skoraði með skoti fyrir utan teig, held að honum hafi leiðst svo meðspilararnir að hann gat alveg eins farið að skjóta fyrir utan. Í fyrsta skipti þá kom einhver inná í hálfleik, babel fyrir arbeloa, skánaði eitthvað við það en liver voru arfaslakir í þessum leik. það er þá bara uppávið hér eftir

Leikjadagbók Luton-Liverpool 6.1.2008

Jórsalir 4, engir gestabloggarar enda þriðja umferð í bikarnum, bíðum með gesti þar til síðar í keppninni, sér í lagi ef Liver fær Everton, nei annars, þeir duttu víst út fyrir Oldham

15.54 best að tékka á liðinu sem boðið verður uppá í dag, spái Itendje, Arbeloa, Hobbs, Riise, Pennant, Leiva, Momo, Harry, Crouch, Kuyt

15.56 Liðið er víst Itandje, Finnan, Carra, Hyypia, Riise, Yossi, Alonso, Leiva, Babel, Kuyt, Crouch

15.57 Gummi Ben er einn í settinu, hann er að segja okkur raunasögu Luton, ekkert spes að vera atvinnumaður í þriðju efstu deild í Englandi og fá ekki greidd laun

15.59 Liver spilaði við Luton fyrir 2 árum í bikarnum, Liver vann 5-3 eftir að Luton komst í 3-1.

16.00 Þetta var að byrja og Babel komst í gott færi eftir 23 sekúndur en markmaðurinn varði

16.01 Veit einhver af hverju Carra er að spila þennan leik, þetta ætti að vera ágætis tækifæri til að gefa honum frí, Finnan ákvað að gefa Luton frí. Luton er annars kölluð hattaborgin, ég hef ekki hugmynd um hvað það þýðir eiginlega, framleiða þeir pípuhatta? sixpensara? er það virkilega nógu stór bransi til að halda uppi heilli borg?

16.04 Luton gaukur einn innfyrir en Itandje varði vel, opinn leikur og skemmtilegur fyrstu 5, oft þannig í bikarnum

16.05 Hvað er annars málið með þessi meiðsli hjá Agger, hann er búinn að vera frá einhverja 3 mánuði, gerðum ekki alveg ráð fyrir því þegar ákveðið var að kaupa ekki annan hafsent í haust

16.08 Ágætt spil hjá Kuyt og Crouch, Kuyt í gott færi en ákvað að fara frekar í yfir

16.09 Markmaðurinn hjá Luton er í dáldið stuttum stuttbuxum, hann hefur sennilega verið að spara og fundið stuttbuxur frá áttatíuogeitthvað sem voru reyndar 4 númerum of litlar líka. Þetta væri eðlilegra ef hann væri stelpa í suðurríkjum USA sem hefði verið að klippa gallabuxurnar sínar og klippt aðeins of mikið

16.12 Crouch að vinna langan skalla, hann hoppar samt ekki nema svona 8 sentimetra.

16.14 Luton með horn en Babel fékk boltann uppúr því og stakk eiginlega alla af, hann er ekki mjög seinn

16.15 Varamennirnir eru Martin, Hobbs, Mascherano, Nabil El Zhar og hinn óviðjafnanalegi Andryi Voronin

16.17 Horn hjá Liver sem ekkert varð úr, Reyndar eru Sami og crouching tiger komnir í liðið þannig að það er ok að gefa þessi horn inní

16.19 Talbot sólaði Hyypia allt of auðveldlega upp við hornfána, Sami kallinn leit ekki allt of vel út þarna, Itandje reddaði þessu ágætlega

16.22 Hmm, athyglisvert, það eru 6 úrvaldsdeildarlið dottin út, Everton, Birmingham, Aston Villa, Blackburn, Sunderland og eitthvað eitt lið í viðbót, tveir aðrir innbyrðisleikir eftir þannig að næstum helmingur úrvalsdeildarliðanna er þá dottinn út. Kannski ekkert sérstaklega athyglisvert í ljósi þess að ekkert þessara liða getur blautan k... en samt.

16.27 Luton búnir að vera alveg ágætis þó það sjáist að þeir geta ekki mikið, Kuyt kæmist í liðið hjá þeim en ég veit ekki hvort hann væri yfirburðamaður, ætti eiginlega að vera það miðað við að hann kostaði 10 mills

16.29 Ef maður hoppar á öðrum færi, í þessu tilviki vinstri, og snýr sér í heilan hring til hægri, svona hálfpartinn afturábak, Babel var að reyna þannig hreinsun, fór ekki langt og ég man ekki eftir því að hafa séð þetta reynt áður á fótboltavelli

16.31 Luton að fá helling af hornum, þeir eru eiginlega betri þessar mínúturnar

16.33 Yossi er ekki hrifinn af því að skjóta, kannski ágætt því hann er ekkert spes skytta, Crouch með 2 skotfæri núna á 1 mínútu, annað skotið ágætt en markmaðurinn varði, hitt framhjá, örlítið lifnað yfir spilinu hjá Liver síðustu 2-3 mínúturnar

16.35 Æ þetta er annars svona leikur sem líður hratt, venjulega er þá ekki mikið að gerast en þetta er búið að vera ok, 35 búnar og staðan 0-0, bæði lið búin að fá færi

16.39 Var að lesa aðeins um NFL úrslitakeppnina, einn leikmaður missir af leiknum þessa helgi af því að hann er með rifna lifur eftir síðasta leik, ég get sagt með góðri samvisku að ég hef aldrei heyrt um þau íþróttameiðsl áður

16.42 Jæja , þetta er búið að vera dapurt síðustu mínútur, 3 eftir af fyrri og sem sagt ennþá 0-0, klukkuna vantar eina mínútu í næstu mínútu og hér er næsta lag

16.45 Flautað til hálfleiks, þessi leikur byrjaði ágætlega en hefur heldur dalað, Liver frekar bitlausir, kannski við fáum að sjá Nabil El Zhar í seinni, ekki það að mér finnist hann æðislegur en þó ágætt að einhver sé með lífsmarki úr þessum unglinga- og varaliðum. Sykurskert kókómjólk fæst nú líka í flöskum, gott að vita

17.00 Hey, kúl, Don Hutchinson er í hópnum hjá Luton, hann var í Liver en var eiginlega rekinn þaðan fyrir djamm, fór síðan í West Ham þar sem hann var eiginlega rekinn fyrir djamm, var í Sheffield United þegar ég ætlaði að meika það(en gerði ekki), skemmtilegur náungi fyrir utan það þegar honum tókst að fá mig til að bíta í sápu. Styttri útgáfa af þeirri sögu er sú að hann mætti einhvern daginn með bakkelsi í klefann eftir æfingu og gekk á milli manna til að bjóða einhvers konar rjómabollur, ég tók eðlilega þá efstu og spáði ekkert í hvað þeir störðu á mig þegar ég var að fá mér bita, beit svo vel í sápustykkið og tuggði meira að segja einu sinni eða tvisva ráður en ég áttaði mig á þessu

17.04 Seinni byrjaður, engar skiptingar, ég held að Rafa viti ekki að það megi skipta í hálfleik

17.08 Skotfyrirgjöf hjá Kuyt, Yossi komst næstum í boltann en það telur lítið, ég verð nú eiginlega að viðurkenna að ég átta mig ekki alveg á því hvernig Kuyt gat skorað svona mikið í Hollandi, hann tekur bara beina rist í færum

17.10 Riise með gott skot sem breytti um stefnu en markmaðurinn varði það virkilega vle, Leiva komst í frákastið en einhver náði að henda sér fyrir skotið hans

17.12 Leiva með klaufalegt brot, hefði átt að fá gult held ég en slapp

17.13 Dauðafæri hjá Luton, frír skalli af markteig en hann ákvað að skalla yfir, Talbot held ég að það hafi verið

17.15 Markmaðurinn hjá Luton í smá ævintýri, missti boltann til Babel en það reddaðist einhvern veginn hjá honum.

17.16 Nú er veirð að tala um að Maurinho eigi að taka við Liver, fínasti þjálfari sem mætti alveg taka Liver að sér en ég veit ekki hvernig svoleiðis þjálfari hentar bandarískum peningamönnum, hef það á tilfinningunni að hann myndi líka vilja kaupa menn, samt klárlega klassa ofar en Rafa

17.19 Hálftími eftir og þá væntanlega 7 mínútur í skiptingu, svo að það komi frá þá heldur Rafa að það megi bara skipta á 4 tímapunktum í leiknum, 67. 74. 78. og 83 mínútu. Á þessu eru eingöngu veittar undantekningar ef einhvern meiðist eða lið fær á sig mark mjög seint

17.22 Lítið að gerast akkúrat eins og er, nema þá helst að tölvan er helst til heit á vinstra lærinu þessa stundina, best að færa hana aðeins

17.25 Rafa brosandi eins og venjulega

17.26 Fabio Capello á vellinum, er ekki alveg viss en mig grunar að þetta sé fyrsta skiptið sem Capello fer á völlinn í Luton, Voronin að gera sig kláran, hann þarf að drífa sig aðeins til að komast inná á 67. mínútu

17.28 Nú heldur Gummi að Kuyt sé Riise, mér finnst þeir ekkert líkir. Luton átti hins vegar hörmulega aukaspyrnu rétt áðan. Ágætt skotfæri rétt fyrir utan teig en þeir voru svo margir að þvælast í boltanum að þeim tókst ekki að búa til skotfæri, Babel útaf fyrir Voronin og Mashcerano að gera sig kláran

17.31 Mér finnst Mascherano mjög góður en þá vantar hann eiginlega ekki fyrir 17 mills, eigum Gerra og Alonso og Leiva til vara fyrir þá, höfum töluvert meira við einhvern sóknarmann að gera, hörmuleg hreinsun hjá fyrrum leikmanni Tottenham, Chris Perry, Voronin í dauðafæri sem markmaðurinn varði en Crouch tók frákastið og skoraði, þetta var alveg ok en ég er ekki alveg viss um að þetta sé í samræmi við gang leiksins, það skiptir reyndar jafn litlu máli og hvaða litur er á ruslapokanum manns, en samt

17.44 Smá tafir vegna vesens á moggablogginu, allavega, Luton er búið að jafna, ágæt fyrirgjöf og Riise henti sér fram, sparkaði boltanum í hendina á sér og í markið. Riise átti síðan ágætt skot rétt framhjá hinum markinu. El Zhar var að koma inná fyrir Yossi, Mascherano er kominn inná, fyrir Alonso held ég

17.47 Það er annars búið að vera smá vesen á moggablogginu síðustu daga, kvarta hér með. El Zhar er lítill, snöggur og getur skotið, það er svipað og Yossi, hann er lítill

17.50 Það væri alveg ágætt fyrir fjárhaginn hjá Luton ef þeir fá annan leik á Anfield, slatti af cash money fyrir það, þeim veitir víst ekki af

17.52 Búið að flauta af, virkilega góð úrslit fyrir Luton, bæði jafntefli og meira cash money. Frá sjónarhóli Liver var þetta ekki alveg í sama klassa, reyndar gott að Yossi og Voronin fái að spila á móti leikönnum á svipuðu level-i, það er allavega eitthvað.

Leikjadagbók Liverpool-Wigan 2.1.2008

Jórsalir 4, engir gestir eða gestabloggarar, enginn bjór en reyndar hálfdrukkin kók frá því í gærkvöldi

19.51 Gummi Ben er í settinu, einn að ég held. Eitthvað af fleiri leikjum í kvöld, pælum kannski í þeim seinna.

19.53 Liðið er Reina, Finnan, Carra, Arbeloa, Aurelio, Pennant, Alonso, Mascherano, Harry, Gerri og hinn gullfallegi Fernando Torres. Þetta er einhvers konar 4-5-1/4-3-3/4-2-4 týpa. Gerri fyrir aftan Torres, líst ágætega á það, reyndar finnst mér ekkert spes að Pennant og markaleysið hans sé aftur komið í liðið en hann gefur þó boltann fyrir

19.56 Gleymdi að minnast á liðið hjá Wigan en fattaði þá að mér er alveg sama um það, þið getið bara fundið það sjálf, get þó sagt að Emile Heskey er í liðinu

19.57 Varamenn eru Itandje, Riise, Benayoun, Kuyt og crouching tiger er kominn aftur eftir ninjastökksbannið

20.00 Koma svo

20.01 Hápressa hjá Liver, taktíkin hentar ágætlega í það

20.02 Pennant með skemmtilega sendingatilraun á Gerra, gekk ekki alveg en þó ágætis hugsun, stundum getur maður ekki farið fram á meira frá Pennant

20.04 Alonso er með afbragðs sendingar, Harry hins vegar eitthvað utan við sig og var rangstæður þegar hann hafði alla línuna fyrir framan sig, klafs og Wigan næstum komnir í færi, reina reddaði því

20.05 Nikkið hans Jóns Bjarna á msn er "happier than a tornando at a trailer park" ég hló upphátt að því, er víst úr stórmyndinni Cars

20.07 Kannski er það bara ég en mér sýnist Liver koma til með að vera meira með boltann, það er svona stöff sem maður lærir af því að spila lengi fótbolta skiljiði

20.09 Torres með ágæta sendingu innfyrir bakvörðinn á pennant, kannski aðeins of fast, held samt að pennant hafi bara ekki veirð nógu fljótur

20.11 Torres er fljótur, var að stinga einhvern af á kantinum núna, Pennant reyndi að stinga einn af á miðjunni án þess að bæta í hraðann, það virkar sjaldnast

20.13 Torres innfyrir en rangstæður, afar tæpt en rétt.

20.14 Mascherano með 5 metra sendingu sem gekk næstum því, hann er ekki alveg á Sissoko level en samt

20.15 Dæmt á Torres, það hefði ekki verið dæmt á þetta er hinn hefði farið svona í Torres, Wigan að fá horn eftir afar dapra hreinsun hjá Aurelio, Liver fékk 8 sénsa tli a hreinsa eftir þetta horn en Brown átti síðan skot svona 3 sentimetra framhjá, það er smá bögg með þessi horn þegar Hyypia og Agger eru ekki með, skulum ekki gefa þeim of mörg horn, nú eða bara hreinsa þegar tækifæri fást til

20.18 Nennir einhver , sem er á Anfield, að segja Pennant í hálfleik að maður eigi ekki að gefa fljótandi fyrirgjafir þegar það eru 20 manns inní teignum og maður hefur nægan tíma

20.20 Harry og Aurelio með skemmtilegt trix á vinstri kantinum, Harry komst í skotfæri en einhver var að þvælast fyrir, Torres og Mashcerano að koma sér í færi en Mashcerano með svona þokkalegt skot sem Kirkland varði

20.23 Brotið á Pennant en ekkert dæmt, hann var alveg steinhissa, Wigan fær sókn uppúr því, auki sem ekkert varð úr

20.24 Gummi að vitna í Steve Bruce, "Taylor er nýr Beckham, án útlitsins". Torres þá með fína sendingu á Gerra sem kom ekki almennilega skoti úr góðu færi

20.26 Gerri á að vera þarna inní teig, þegar hann er í svona frjálsri stöðu þá þarf hann ekki að fara mikið til baka að sækja boltann, þó honum finnist gaman að gefa langar ristarspyrnur

20.27 Kirkland að tefja, það er alltaf gott á 27. mínútu

20.28 Pennant ekki búinn að fatta að hann hefur ekki sama hraða og hann hafði fyrir meðislin, var að reyna að taka annan á án þess að bæta í hraðann, það virkaði ekki

20.29 Það hefur gengið hörmulega hjá Liver að hreinsa, hálftími búinn og ennþá 0-0

20.31 Aurelio með ágæta spyrnu úr auka utan af velli, verst að þetta var beint á Kirkland og enginn Liver maður nálægt, að öðru leyti vel útlítandi spyrna, hmm..

20.33 Er að pæla í með Pennant, er ekki betra að nota æfingar eða æfingaleiki til að koma mönnum í form, svona frekar en deildarleiki. Brown þá fljótlega að fá spjald fyrir endurtekin brot, fær eina svona klassíska róaðu þig ræðu frá dómaranum, spái að hann fari ekki eftir því

20.35 Fyrirgjöf en Gerri búinn að gleyma því að hann á að vera kominn inní teig, ekki mikil hætta þá

20.39 Það mætti setja crouching tiger inná í hálfleik fyrir Pennant, bara ekki Benayoun, okkur vantar ekki fleiri sem gefa ekki fyrir. Getum alveg eins sett Crouch inní og Finnan aðeins framar

20.41 Væri til í að sjá aukaspyrnutölfræði um þennan leik, búið að dæma slatta, ágætur auki hjá Xabi en Torres með skalla yfir.

20.44 Pennant gaf á Finnan, ágætt að hann náði þá að gefa einhvern tímann á samherja áður en honum er skipt útaf

20.47 Gummi vill fá Yossi inná fyrir Harry, væri nú ekki nær að koma Pennant útaf sem fyrst, mér er reyndar sama þó Harry fari útaf en Crouch má allavega koma inná

20.49 Best að horfa á City næsta korterið, það er sem sagt kominn hálfleikur hjá Liver, staðan 0-0 og ekki mikið um færi, hef engar áhyggjur samt, nægur tími eftir til að skora nokkur mörk

21.05 Seinni byrjaður, engin skipting en ógulegt trix hjá Rafa, Pennant og Harry að skipta um kant, er þá betra að Pennant missi boltann þeim megin, anywho.. horn hjá Liver

21.06 Finnan með dapran bolta inní, eiginlega fór ekki inní heldur útfyrir hliðarlínu

21.08 Gullfallegt mark hjá gullfallegum manni, var einhvern veginn svona, Finnan, Torres, Gerri, Finnan, Torres mark, gott spil og þægileg afgreiðsla

21.10 Góður punktur hjá Gumma, Wigan komst í færi en reyndar dæmd rangstaða, Gummi benti hins vegar á hveru algengt það er að fá á sig mark eða allavega færi fyrstu mínúturnar eftir að maður skorar, Gaupi heldur því væntanlega fram að það sama gildi um handbolta, jamms svo sem rétt en dáldið öðruvísi íþrótt

21.13 Harry með run, ekki sérlega árangursríkt eða gott run en run samt

21.15 Jæja, 56. búnar og ekki skipting ennþá, getum gefið okkur að hún komi á 64. mínútu, ég held að Pennant þurfi súrefni ef hann veðrur lengur inná en það. Talandi um hann og hárkolluna hans, þeir bræður eru búnir að skipta aftur um kant

21.17 Afar dapur aukavaríant hjá Liver, taka stutt á einhvern, gefa aftur á Aurelio og hann beint á Kirkland, Gerri nú með gott skot úr auka sem Kirkland varði ágætlega 

21.20 Gummi búinn að skipta um framburð, einn hjá Wigan sem heitir Valencia og var borið þannig fram í fyrri, er nú orðið ValenÞía, voða fínt

21.22 Nú er eiginlega komin 63. mínúta, engin skipting ennþá, getur verið að við þurfum að bíða til 74.?

21.23 Pennant ætlaði að ná sér í aulaspjald með því að fella einn, ágætt kannski að hann var allt of seinn og langt frá

21.24 Þetta er einn af þessum leikjum sem líða hratt, venjulega merki um að ekki sé mikið að gerast, Torres með trix og komst næstum í færi.

21.26 Harry með skot frá endalínu, fór ekki alveg á markið, það var svo sem enginn inní en þetta var samt ekkert spes, Beckham án útlitsins með skot yfir úr frekar þröngu færi, útspark

21.29 Tuttugu eftir og enn eitt hreinsunarklúðrið, smá klafs hjá Heskey, hann er svona Carragher sóknarmannanna, þ.e. hann helsti styrkur er að þvælast fyrir, ekki það að hann sé góður

21.32 Ágætt skot frá Harry eftir sendingu frá Torres, Harry þá útaf fyrir Yossi, merkilegt nokk á 74. mínútu, Rafa furðulegur með þessar skiptingamínútur sínar

21.34 Korter eftir og Pennant einhverra hluta vegna ennþá inná, það er næstum eins skrýtið og að Brown sé ekki kominn með spjald, hmm... hvað ætli Rafa geti dottið í hug á 82. mínútu, ok ég ætla að spá Riise inná fyrir Pennant þá og svo Kuyt fyrir Torres á 88. ég er mikill spámaður bara svo að þið vitið það

21.37 Hvað er með þessar plebbahreinsanir hjá Liver, nún voru þeir að klúðra einni enn og Bramble skoraði 1-1, meira crappið en það er ekkert spes að geta ekki hreinsað boltanum, Gerri fær þá stoðsendingu á þetta, 10 eftir og ætli Rafa fáist þá til að taka Pennant útaf núna?

21.43 Gerri með skot sem Kirkland varði vel og síðan fékk Gerri frákast sme Kirkland varði enn betur, Crouch nú inná fyrir Mashcerano, Kuyt á leiðinni inná líka, það er frekar dýrt að nota ekki færin, Pennant loksins útaf á 87. mínútu það er alveg svona 87. mínútum of seint, allavega 43.

21.46 Nokkrar eftir og Rafa pirraður, hann ætti kannski að prófa að vera einhvern tímann með lífsmóti á meðan leiknum stendur, ekki bara ef það kemur eitthvað bögg upp á síðustu mínútunum, þýðir lítið að vera að vera í fýlu yfir þessu ef þú hefur ekki unnið fyrir því að klára leikinn, Liver eru búnir að vera 10 eiginlega frá 20. mínútu, allavega hefur Pennant ekki gert neitt og það meira að segja sást fljótlega að hann var ekki tilbúinn í leikinn 

21.49 Fínasta fyrirgjöf frá Kuyt en þá var enginn inní, Crouch að kvarta eitthvað, nú fékk Torres spjald fyrir að fara með olnbogann í Bramble, ef það er eitthvða þá ætti það að vera rautt en þetta var samt eiginlega hvorugt, kannski auki en í takt við annað í þessum leik, LIver á ekki einu sinni almennilega sókn þó þetta sé að verða búið, það er yfirleitt merki um að lið sé í ruglinu.

21.52 Búið að flauta af, endaði 1-1 sem verður að teljast afar dapurt, eiginlega hörmung. Það sem var næstum jafn slæmt var hvernig liðið spilaði, Pennant ekki með en samt inná í 87 mínútur, Harry ekki að gera mikið, liðið klúðraði afar mörgum hreinsunum eiginlega allan leikinn og það endaði á því að Gerri sendi í magann á Mascherano og til Bramble sem þrumaði boltanum inn. Dáldið spes leikur og úrslit. Ætli Van Basten geti fengið sig lausan og tekið við Liver, þetta er að verða komið gott hjá Rafa

Man City lagði Newcastle, 2:0 - Liverpool gerði 1:1 jafntefli við Wigan

Leikjadagbók Man City-Liverpool 30.12.2007

Naustabryggja 29, sérlegur aðstoðarbloggari er Aron Freyr.

16.10 ég er heldur seinn að byrja þetta, var að koma úr bolta, það eru búnar 9 mín.

16.11 Liðið er Reina, Finnan, Arbeloa, Carra, Aurelio, Yossi, Gerri, Mascherano, Harry, Kuyt og hinn gullfallegi Fernando Torres

16.12 Er ekki heldur slappt að vera farinn að stirðna upp 10 mínútum eftir að ég klára boltann, venjulega verður maður ekki stirður fyrr en eftir svona 3-4 tíma þegar maður hefur setið aðeins kyrr.

16.14 Yossi að reyna smá laumustungu á Torres sem klikkaði, það er annars óttalegt bras á Arbeloa og Carra þarna saman í hafsentinum, ég var að vonast eftir Hobbs en so be it 

16.16 Joe Hart er í markinu hjá City, ég veit ekki almennilega á hvað hárið á honum minnir mig, einhvers konar lambagæra á kollinum á honum, dáldið spes

16.17 Rafa er brosmildur eins og vanalega

16.18 Petrov klobbaði Gerra hressilega, reyndar missti síðan af boltanum þannig að það telur ekki

16.19 Harry með smá run, gott að hann fái dáldið boltann, það er erfitt að gera mikið sem kantari ef þú færð ekki boltann, svona þegar ég hugsa um það þá á það við um flestar stöður

16.20 Gummi er einn að lýsa, einnhver þarf að rölta til hans og segja honum að Mascherano og Kuyt eru ekki líkir, Kuyt er þessi ljóshærði 

16.22 Tuttugu búnar, eggið ennþá, leikurinn er þokkalegu jafnvægi, Harry með afar skemmtilega týpu af ýtaöðrummeginhlaupahinummegintrixi, fyrirgjöfin hins vegar svona la la

16.24 Arbeloa með aðra lélega hreinsun, getum alveg eins verið með Hobbs ef þetta á að vera svona, hann er þó allavega stór

16.27 Harry með skot sem Hart varði á endanum, Kuyt var rétt áður í skotséns sem Micah komst fyrir

16.29 Ágætis moment núna hjá City, Carra komst fyrir skot, ekki alveg fyrsta skipti sem sá ágæti maður þvælist fyrir, það er eiginlega sérsviðið hans, dáldið spes að þykja góður fótboltamaður og það sem þú gerir best er að þvælast fyrir

16.31 Kuyt örlítið seinn að afgreiða færi, Liver fékk horn, hefði heldur viljað mark

16.33 Aurelio með ágætis skot af svona 35 metrum eftir hornið, rétt framhjá, Hart ryendi einhvers konar magaskutlu á eftir þeim bolta, Liver aftur horn núna

16.33 Boltinn barst út eftir hornið, Aurelio með ágætis skot og Liver fékk horn, þetta er að verða eitthvað þema, nei annars, boltinn til Reina eftir þetta horn, það þýðir yfirleitt að hornið var ekkert spes, Torres reyndi hjólhest eftir síðasta klafs, skulum bara segja að hún hafi ekki tekist almennilega

16.37 Auki af 35 metrum hjá City, fór af Richards afturfyrir, útspark. Micah væri velkominn í Liver

16.40 Smá bögg á Liver núna, allar sendingar í magahæð, veit yfirleitt ekki á gott

16.41 Yossi að reyna að sóla fjóra í staðinn fyrir að renna á Kuyt, þoli ekki svoleiðis gáfupinnaspilamennsku, Torres fékk annars skoppandi bolta á sig og reyndi látannfaraoghlaupatrix, boltinn var hins vegar aðeins og laus þannig að Dunne náði að stoppa það með vinstri mjöðm, hann er dáldið þannig varnarmaður

16.45 þrjár eða fjórar eftir, lítið að gerast síðustu mínútur, í þeim töluðu orðum fékk Yossi eðalskotfæri beint fyrir utan teig, ákvað hins vegar að reyna renniskot framhjá, dáldið spes eða eiginlega ekkert spes

16.48 Harry sólaði Ireland en ákvað að gefa ekki fyrir, sólaði hann þá aftur og gaf ekki fyrir, Ireland akvað þá að taka bara af honum boltann, dapurt hjá Harry.

16.49 Kominn hálfleikur, 0-0 og ekki mikið af færum, Spái því að þetta endi 3-1 fyrir Liver, þeir eru búnir að vera betri en ekki mikið

17.05 Seinni byrjaður, óbreytt lið, Torres fékk tvö færi á fyrstu mínútunni, ekkert mark. Komst einhvern veginn ekki alveg clean í færin en lofar góðu

17.09 Micah með stökktæklingu á Torres, auki rétt fyrir utan teig en slakasti dómari Englands, Uriah Rennie spjaldaði ekki. Gerri skaut framhjá út aukanum, svona ok auki en samt ekki

17.10 Yossi með annað fullkomlega óásættanlegt rugl, var á run-i með boltann og Kuyt var alveg frír fyrir framan hann, Yossi hélt hins vegar áfram með boltann og missti hann svona sekúndu seinna, algjört crap hjá Yossi og hann þarf eiginlega að fara útaf eftir þetta, hann er greinilega að hugsa um eitthvað annað en fótbolta

17.16 þokkalegt break hjá Liver, Harry kom með boltann fyrir í fyrsta, sem er yfirleitt betra, Dunne hreinsaði í horn, Liver getur eiginlega hætt að taka þessi horn, Crouch og Hyyia ekki með, veit ekki alveg hver á að skalla þetta

17.18 Gott run hjá Gerra, Yossimeð skot sem Hart varði yfir, hmm ég hélt að Yossi væri farinn útaf, nei annars, ég vonaði það

17.20 Stephen Ireland farinn útaf, það eru búnar sextíu þannig að þá eru um 7 í skiptingu hjá Rafa

17.22 Itandje,Voronin, Riise, Babel, Alonso á bekknum, gleymdi að tékka á því áðan, væri fínt að fá Babel inná fyrir Yossi

17.24 Ætli það séu engir kjúklingar sem geta verið á bekknum í staðinn fyrir Voronin, hann er ekkert spes og er sennilega búinn að missa sjálfstraustið líka, hefur sennilega séð vídjó af sjálfum sér í leik

17.26 hmm, setíuogsjö búnar og ekkert ber á skiptingu hjá Liver, jæja, það verður þá bara að vera á 74. mínútu í staðinn

17.28 Enn eitt hornið í rugl hjá Liver, Elano útaf fyrir Bianchi, Rafa er sennilega svona ánægður með alla hjá sér, reyndar hefur Liver verið að spila vel en ekki svona vel

17.30 Yossi með sendingu á Joe Hart, verst að hann er markmaður hjá City og þetta átti að vera skot, Yossi drífur sem sagt varla frá vítateig, tuttugu eftir

17.33 Babel á leiðinni inná, merkilegt nokk á 74. mínútu, það er ekki alveg nýtt, ætli þetta verði ekki fyrir Harry, vona samt að það verði fyrir Yossi, jebbs, það er Hary sem fer útaf, nú höfum við eiginlega engan til að setja inná fyrir Yossi, og þó, kannski Alonso, hann er svona klassískur kantari  

17.36 Aurelio með afbragðs 15 metra hæl, er nefnilega Brassi skiljiði, Gerri með skot framhjá

17.38 Torres innfyrir, Dunne braut á honum  en lélegasti dómari Englands Uriah Rennie dæmdi ekki einu sinni á það, dæmdi síðan á Arbeloa fyrir minna. Þurfti svo að tala við Arbeloa og Bianchi þrátt fyrir að það væri ekkert í gangi á milli þeirra, hann hefur sennilega vantað athygli, afleitur dómari enda sá eini sem hefur veirð felldur niður um deild, féll síðan á þrekprófi líka, ef hann væri sjónvarpsmaður þá væri hann Gaupi, ef hann væri tónlistarmaður þá væri hann William Hung

17.44 og þá spjaldaði hann Torres fyrir lítið.

17.45 Babel með gott run, gaf boltann einu skrefi of seint, Liver fékk horn sem lítið varð úr, City reddaði síðan á línu mínútu seinna eftir eitthvað skallaklafs. Gerri síðan með góðan bolta fyrir en City komst fyrir skotið og Liver fékk horn sem merkilegt nokk varð lítið úr

17.48 City með auka en síðan dæmt á þá inní Liverteignum, var verið að endursýna þegar Dunne henti sér fyrir skotið áðan, vel gert hjá honum

17.50 þremur bætt við en þetta endar víst 0-0, þarf að nýta færin sem maður fær til að vinna

17.51 Yossi tókst að vera einu sinni enn of lengi með boltann, gat skotið eða gefið á Babel, ákvað hins vegar að hlaupa á varnarmann, kannski er það bara ég en ég man ekki eftir því að það hafi tekist að hlaupa í gegnum varnarmann, ever

17.54 Gerpið búið að flauta af, endaði 0-0, líklega sanngjarnt þó Liver hafi verið betri

Leikjadagbók Liverpool-Portsmouth 22.12.2007

Naustabryggja 29, sérlegur gestur fyrrum landsliðsfyrirliði Jón Pétursson ásamt Sigfríði Þormar en hún er reyndar inní herbergi, sjáum til hvort hún kemur og ryksugar eða neglir eitthvað á eftir.

Liðið er eins og á móti ManU, af hverju ætli Babel fái ekki að byrja.

15.00 Arnar Björnsson er einn að lýsa, æ það er hálf dapurt, hann malar stöðugt um einhverja gamla tölfræði, verst að hann fer fljótlega að tala um fótbolta, sem hann veit lítið um

15.01 Hemmi fór í skallabolta við Yossi og vann. Arnar er byrjaður að bulla, nú var hann að segja hvað það væri slæmt að Riise hefði strax fengið spjald en hann fékk bara tiltal, getur einhver farið til Arnars og slökkt á míkrafóninum.

15.03 Þá datt myndin út, það er akkúrat þar sem vantar, engin mynd en Arnar að blaðra um ekki neitt

15.05 Best að tékka á því hvað er að gerast annars staðar, Jón P á fjarstýringunni, það eru svona 11 sekúndur á hverjum leik. Arnar er svona textavarp núna, hann er að tala um stöðuna í öllum leikjum, það er hins vegar ekkert að gerast

15.06 Þá er skárra að fylgjast með á soccernet.com, allavega enginn Arnar þar að mala

15.07 Fulham-Wigan er orðinn aðalleikurinn á sýn2, það er dáldið eins og að kaupa bens en fá afhenta gamla inniskó í staðinn

15.10 Lítið annað að gera en taka hlé, ég nenni klárlega ekki að tala um fulham-wigan, sé til hvað gerist á soccernet.com

15.17 Yossi búinn að skora eftir sendingu frá Harry, það er þá annar hvor þeirra sem hefði ekki átt að vera inná til að koma Babel fyrir

15.18 Komið 2-0 fyrir Liver, sjálfsmark hjá Distin, fáránlega klaufalega gert hjá honum, eða réttara sagt ég ætla að halda því fram að það hafi veirð, myndin er nefnilega ekki komin en ég sá þetta á soccernet

15.22 Get hins vegar glatt ykkur með því að ég var rekinn frá Liver eftir þetta 7-0 tap g er tekinn við Eastleigh í Blue Square South, neðrideildarmanager verður það þá þessa helgina

15.26 Myndin komin aftur þá, Liver er í rauðum búningum en portsmouth bláum, var að testa hvernig það væri að vera arnar, gaupi eða þorsteinn, sem sagt henda bara fram pointless upplýsingum sem flestir eiga að vita, í þeim töluðu orðum hélt arnar áfram að kasta fram pointless tölfræði

15.28 mér þætti ágætt ef stjórnendur útsendingar á anfield myndu sýna mörkin svona víst ða það hefur verið vesen með útsendinguna eiginlega frá byrjun

15.29 Nennir einhver að segja þeim á anfield að það er meira að segja hægt að sýna þetta með svona mynd í mynd

15.30 Hermann hreiðarsson veit ekki af manni fyrir aftan sig, það sagði arnar allavega, þetta var samt nico crancjar, þeir eru bara ekkert líkir

15.32 Gerri að reyna að klobba einn án þess að snerta boltann, það gekk ekki, var eiginlega dáldið spes trix

15.35 Torres að reyna ýtaframhjáoghlaupatrixið á tvo, gekk ekki en Hemmi fékk gult án þess að það væri auki, veit ekkert fyrir hvað hann fékk gult

15.36 Yossi fékk fínan séns til að gefa fyrir en ákvað að hlaupa eitthvað og skjóta, slappt hjá honum

15.38 Gerri með fáránlega hæltilraun, hefði meira að segja verið lélegt þó það hefði tekist, sem segir slatta

15.39 Fyrrum landsliðsfyrirliði Jón´Pétursson með´ágætis komment, Rafa hefur eiginlega bara keypt einn góðan leikmann frá því hann kom, hinir eru flestir svona ágætir eða þokkalegir. Kuyt með furðulegt skot, fékk boltann til hliðar við teiginn en í staðinn fyrir að gefa fyrir ákvað hann að taka beina rist og negla framhjá, honum leiðist reyndar ekki að taka beina rist en þetta var algjör þvæla, þarf einfaldlega að gefa fyrir.

15.42 Riise greinilega of latur að lesa bloggið mitt, tók auka núna sem hann ákvað að sjá hvort færi í gegnum fremsta varnarmann, sko, John Arne, þetta virkar ekki, ég lofa, bara að koma þessu yfir fyrsta varnarmann

15.44 Kuyt með afar ljótt látannfaragegnumklofiðtrix sem virkaði reyndar, þetta var svona eins og eineygður maður í verpaeggi boltaleik við vegg, lyfta öðrum fæti sérkennilega hátt, eiginlega bara ljótt trix

15.46 Hálfleikur, 2-0 verður fínt að sjá mörkin öðruvísi en á soccernet textalýsingunni

15.57 ágæt mörk bæði, lítið sem Distin gat gert í þessu sjálfsmarki, Torres að þ´vælast í kringum bæði mörkin, samt engin stig í draumaliðsleiknum

16.16 Seinni löngu byrjaður, erfitt að vera með reglulegar uppfærslur þegar netið er í veseni, portsmouth var að skora, 1-2 sem sagt, Benjani var það, fyrstu 10 gerðist það helst að Mascherano reyndi að gefa á torres og gerra í sömu sendingunni, það fór á milli þeirra og á einhvern í bláum búning, 58 búnar og þá um 9 mínútur í að Babel komi inná fyrir Harry

16.19 Lítð að gerast hjá Liver en auki á Hemma útvið endalínu, Gerri að fara í að gefa fyrir, yfir fyrsta varnarmann Gerri

16.20 Sami með skalla eftir aukann, James varði með því að slá boltann með báðum höndum í magann á sér og svo í hnén, ekki margir sem kunna það

16.24 Nei, hver þremillinn, Babel inná fyrir Yossi á 64 mínútu, það er eiginlega rétt skipting á eðlilegum tíma, gott mál

16.25 Ágætt skot hjá Harry en aðeins yfir, hann hefði samt þurft að reyna þetta skot svona 50 sinnum til að skora þaðan

16.26 Hinn gullfallegi Fernando Torres með fína afgreiðslu, 3-1, Babel að skapa hættu og Torres fékk færið uppúr því. Babel var að fá stungusendingu sem bjó þetta til, að segja að Babel sé fljótari en Yossi er svipað og að segja að hann sé dekkri, það sést 

16.31 Babel fékk boltann upp hægri kantinn en gat náttúrulega ekki gefið fyrir í fyrsta, hann þarf aðeins að klappa boltanum, góður samt, fljótur og sterkur, það er eiginlega eins og Yossi, hann er lítill og ljótur

16.34 Arnar veit það mikið um fótbolta að það gæfulegasta sem hann gat sagt síðustu 5 mínúturnar var að nú væri Portsmouth að tína afríkumennina af velli, hmm, hann getur þá fengið vinnu í just4kids geri ég ráð fyrir

16.37 Allt í lagi, ég skal spyrja. Ef Wigan og Birmingham falla, fær þá Bruce kredit fyrir að fella bæði lið?

16.40 Það er erfitt að nota bara ristina í fótbolta en Kuyt er að reyna, var núna að reyna 10 metra þversendingu og ákvað að nota beina rist, það fór til Hermanns

16.42 Svona tíu eftir, Liver með stjórn á leiknum, væri í lagi ef Gerri skoraði eitt eða legði upp, hann er nefnilega fyrirliði í draumaliðinu þessa vikuna

16.43 Aurelio er ekki ómyndarlegur, ágætis spyrnumaður líka. Torres er frekar fljótur, hann var að stinga svartan mann af. Í þeim töluðu orðum skallaði Gerri til Torres sem skoraði með vinstri, það er haugur af stigum í draumaliðsleiknum, fínt þegar það tekur þá ekki nema mínútu að lesa bloggið mitt og fara eftir því

16.47 Það eru nokkrar mínútur eftir og þetta er safe, ég ætla að einbeita mér að leiknum hjá Eastleigh, eigum leik við Yate núna í Blue Square South deildinni, aftur eftir smá

16.52 hjúkk, var við það að detta út fyrir yate í 2. undanumferð fa. bikarkeppninnar, þeir eru ekki í neinni deild, á allt öðrum nótum þá vann Liver fínan sigur á Portsmouth, 4-1, Torres með 2, Yossi 1 og Distin með sjálfsmark, komnir á beinu brautina aftur. Varaliðsleikur við Derby á miðvikudag, það fer væntanlega svona 6-0. Ágætur dagur og nú þarf ég að einbeita mér að Eastleigh

Leikjadagbók Liverpool-Manchester United 16.12.2007

Naustabryggja 29, viðstaddir Aron Freyr sérlegur aðstoðarbloggari og fyrrum landsliðsfyrirliði Jón Pétursson. Sigfríð er í þessu að negla einhvern nagla í vegginn, ég bíð bara eftir að hún dragi fram ryksuguna. Gaupi er með hárkolluna hans Pat Riley í viðtali og Steingrím égmanekkihversson.

13.15 Hárkollan hans Pat Riley heldur því fram að Van Der Saar sé besti markvörður Englands, skulum giska á að hann haldi með ManU.

13.18 Inspector Clouseau er á svæðinu, hann var að heilsa Gerra og Rudolf með rauða nefið, nefið á Ferguson gefur til kynna að hann hafi fengið sér eins og einn bjór um ævina.

13.21 Inspector Clouseau kom með ágætis punkt, ManU eru líklega besta enska liðið í að breika. Spái 3-0 fyrir Liver og þremur gulum spjöldum tengdum dýfum hjá Ronna. Aron Freyr spáir 2-1fyrir Liver og fyrrum landsliðsfyrirliði Jón Pétursson spáir 1-2 fyrir strákunum hans Rúdolf

13.26 Arnar og Logi í settinu, You´ll never walk alone hljómar, það er allt að gerast

13.28 Reina, Arbeloa, Carra, Sami, Riise, Yossi, Gerri, Mascherano, Harry, Kuyt og hinn gullfallegi Fernando Torres. Ronni, Shrek og Quasimodo eru í liðinu hjá ManU

13.31 ManU byrjar með boltann, það skiptir alltaf miklu máli í fótbolta

13.32 Gerri með smá sólatæklingu, gott að láta vita af sér

13.33 Vidic braut á Torres, það verður ekki í síðasta skipti, Gerri með ágætan auka, Kuyt með skot yfir

13.35 Halsey að prófa flautuna, hún virkar

13.36 Liver búnir að vera töluvert betri fyrstu 5, lítið flæði ennþá hjá ManU, það breytist væntanlega

13.38 Arnar búinn að fara fram á 2  gul spjöld, hvorugt brotið var gróft og klárlega ekki gult á fyrstu 5 mínútunum

13.40 Ronni með gott run og skot í belginn á Carra

13.41 Ómar vinur minn að kommenta, hann er markmaður, spáin hans eftir því

13.42 Búnar tíu, lítið verið að gerast svo sem, Carra með nýtt trix, reyna að vippa 50 metra, boltinn fór svona 3

13.43 Gleymdi að minnast á að Ómar vinur minn er ekki sérstaklega hávaxinn markmaður, hann nær samt uppí slá, allavega á litlu marki

13.44 Myndin farin í crap, það er ekkert spes í svona leik

13.45 Ágætis sókn hjá ManU, Carra reddaði með einhverju teygjasigpotaboltatrix, Evra með fyrsta gula, fyrir að brjóta á Yossi, auki hjá Liver á ágætis stað

13.47 Wes Brown, jebbs sá hinn sami og var að neita 4 ára samningi með 50k á viku, var að stíga á boltann þegar hann ætlaði að gera eitthvað annað

13.50 Fyrsti leikaraskapurinn hjá Ronna, yfir/undir á það í dag er 9, ég myndi veðja á yfir

13.52 Tuttugu búnar, það er komið meira jafnvægi í leikinn, engin færi ennþá en ekki alvitlaus leikur samt

13.53 Kuyt er ekki á Shrek, Quasimodo leveli í ófríðleika, en er ekki huggulegur samt, Carra er reyndar vinstri hafsent núna, leiðréttist hér með frá því sem ég sagði í byrjun

13.55 Gerri með eina Ninja tæklingu á Anderson, átti að fá gult en það var ekki einu sinni dæmt, reyndar vel gert hjá Anderson að vera ekkert að væla, stóð bara upp og hélt áfram, var samt gult

13.57 Riise að láta Hargreaves heyra það eftir að hann trampaði aðeins á hann. 25 búnar og kominn tími til að spila fótbolta, skyldutæklingarnar búnar, Liver með horn

13.59 Anderson reddaði á línu eftir smá ævintýri hjá Van Der Saar. Evra meiddi sig á auglýsingaskilti, ManU átti að fá horn en það telur lítið þegar dómarinn ákveður annað

14.02 gott run hjá Anderson en Gerri varðist vel. Anderson er góður, enda Brassi

14.03 Van Der Saar með rugl úthlaup, klafs og Evra reddaði vel á línu, Gerri og Anderson fá báðir spjald fyrir eitthvað langt frá boltanum

14.05 Riise með skot fyrir utan teig með hægri, það fór ekki á markið

14.06 Gerri að renna sér í Anderson, spurning að renna sér ekki allt of mikið þegar maður er kominn með gult

14.07 Wes Brown togaði í Harry, það er gult, Gerri með auka slatta fyrir utan teig

14.08 Gerri með skot í vegginn, Torres með framhjá eftir frákastið

14.09 Liver búnir að vera betri í smá tíma núna, það telur samt lítið ef menn skora ekki

14.11 Jón P að segja skemmtilega sögu af Brian Clough, eftir eitthvað ævintýri hjá einum varnarmanninum þá var Clough ekki par ánægður, sðurði varnarmanninn hvort hann hefði einhvern tímann verið sleginn í magann. Varnarmaðurinn var hálf hissa á þessu en sagðist ekki hafa lent í því, Clough kýldi hann þá í magann og saðgi, nú hefurðu verið sleginn í magann. Clough þessi fékk margar skemmtilegar hugmyndir í fótbolta, Þorvaldur Örlýgsson spilaði hjá honum hjá Nott For og var tekinn útaf í næstum hverjum leik, skyldi ekkert í því en áttaði sig svo á því að eftir að hann skipti um númer þá var hann aldrei tekinn útaf. Clough ákvað þá víst að taka alltaf þann sem var númer 7 útaf. Quasimodo að skora ágætt mark, 0-1 fyrir ManU, Liver refsað fyrir að nýta ekki færin, það gerist dáldið oft. Yossi ákvað að passa stöngina þegar boltinn var sendur út, það er verra þegar allir aðrir fara út, Tevez var líka skemmtilega einn og réttstæður þegar hann skoraði

14.21 Skemmtilegur fídus á þessu moggabloggi, maður getur útilokað fólk frá því að skrá komment , þægilegt þegar Liver er undir á móti ManU. Sanngjarnt eiginlega, ekki það að ManU hafi verið mikið betri en þeir nýta færin.

14.24 Hárkollan hans Pat Riley  er ekki ósátt við stöðuna, Steingrímur er víst Ólafsson

14.26 Gaupi, hinn mikli knattspyrnuspekúlant var að segja okkur að Manchester hafi byrjað betur, hann er sennilega sá eini sem tók þá ekki eftir því að Liver var með boltann fyrstu 5 mínúturnar. Er virkilega enginn handboltaleikur sem hann getur frekar verið að lýsa´

14.29 Caller ID er líka sniðugt stöff, þá getur maður sleppt því að svara þegar maður nennir ekki að tala um leikinn, er nefnilega upptekinn við að blogga og horfa á auglýsingar, svo getur maður líka eytt sms-um án þess að lesa þau ef hinir sömu reyna að senda sms með einhverjum kommentum 

14.33 Hárkollan hans Pat Riley telur líklegt að Gerri verði rekinn útaf um miðjan seinni, það er ekki útilokað, einhvern veginn grunar mig að það verði minnst tvö rauð, það mættu mín vegna alveg vera Evra og Brown í stað Gerra

14.40 Ég var örlítið upptekinn, leikurinn er byrjaður, búnar sjö af seinni, lítið gerst ennþá, það er hins vegar slatta pirringur 

14.43 Riise fékk korter til að gefa fyrir en tókst að gefa einhverjar plebbasendingu sem var allt of aftarlega, merkilegt hjá annars góðum spyrnumanni, Liver með gott moment í leiknum núna

14.45 Aron er ekki par ánægður með stöðuna þrátt fyrir að halda með Chelsea. Hann heldur nefnilega með hinum gullfallega Fernando Torres. Ætli það sé ekki kominn timi á Babel inn fyrir Yossi, Crouching Tiger kemur væntanlega inn einhvern fljótlega fyrir Kuyt

14.49 Liver með auka, Riise ætlar að skjóta, vonandi á markið

14.49 Hann ákvað að skjóta í hnén á manninum í miðjum veggnum, það er sjaldan hættulegt

14.51 Mér finnst að Sami eigi að vinna langa skalla á móti Shrek, hann er allavega búinn að tapa tveimur slíkum í dag, Kuyt hleypur og hleypur og hleypur. Masherano að biðja um gult og fékk það afhent, það má ekki skoppa boltanum 8 metra uppí loftið

14.54 Babel að koma inná fyrir Harry, skiptingin kemur á 65. mínútu sem er akkúrat 10 mínútum of seint, Rafa er dáldið fyrir að skipta 7-8 mínútum of seint þannig að þetta er aðeins nýtt hjá honum

14.56 Liver með ágætis tak á leiknum núna, horn hjá Liver

14.57 Ronni átti að fá auka en fékk ekki, það kemur nefnilega stundum niður á mönnum þegar þeir eru alltaf að henda sér niður, skulum kalla þetta úlfur úlfur syndrómið

14.59 Hendi á Tevez inní teig, reyndar bara önnur þannig að það var rétt að dæma ekki víti

15.01 Skot hjá Owen sem fór ekki alveg á markið, rétt samt að skjóta. Crouch að koma inná á 73. mínútu, það er passlega 9 mínútum of seint, Rafa er að færast nær parinu sínu

15.03 Anderson er maður leiksins til þessa, vörnin hjá ManU reyndar að mestu solid en Anderson búinn að vera klassa fyrir ofan aðra, korter eftir og full mikið af lélegum sendingum hjá Liver þessar mínuturnar, Babel með ágætt skot en rétt framhjá, Wes Brown með sérkennilegan skalla, almennt betra að skalla ekki beint útfyrir teiginn

15.07 Gott upphlaup hjá ManU og Shrek brenndi af í deadara

15.10 Aurelio inná fyrir Riise, John Arne skilaði sínu alveg ágætlega í dag, reyndar ekki góðar sendingar en var solid

15.12 Carrick inná fyrir Tevez, ManU eru að spila þetta alveg ágætlega, ekki mikil hætta og þeir stoppa fyrirgjafirnar að mestu, Babel er öskufljótur og tók skemmtilegt égnenniekkiaðsólaheldurhleypbaraframhjátrix, Gerri með skot yfir

15.14 Fimm eftir, það væri alveg ágætt að fá eins og eitt mark hjá Liver, tvö væru í lagi líka en ég myndi sætta mig við eitt eins og er

15.15 það er fínt að við erum með sérfræðinga að lýsa, Arnar var að koma með þetta komment "og enn líður á klukkuna" takk fyrir það Arnar, sér í lagi af því að klukkan stoppar svo oft

15.18 Van Der Saar tók fyrirgjöf, hann hefur ekki verið að taka þær allar í dag

15.19 Þremur bætt við, sjáum til hvort það nægi, það er ekki útilokað, Liver fær auka rétt fyrir utan teig, spái því að Gerri taki þennan, muna bara Gerri að skjóta framhjá veggnum eða yfir hann

15.21 O´Shea inná  fyrir Anderson, Gerri ákvað að skjóta yfir vegginn og markið, Liver endar þá 6 töpuðum stigum á eftir ManU, ekki gott því þeir eru búnir með alla heimaleikina við hin 3 stóru

15.23 Búið, endaði 1-0 fyrir ManU, sanngjarnt miðað við að þeir nýttu færið sem Liver gat ekki klárað

15.24 Hárkollan hans Pat Riley er væntanlega sátt við þetta, Arsenal-Chelsea framundan, spáin er eftirfarandi Aron: 1-0 Chelsea; Jón P spáir 2-1 fyrir Chelski, ég spái þá 3-1 fyrir Chelski 

Managerdagbók 3.12.2007

Þar sem ég er hugsanlega ekki alveg í lagi þá er best að greina aðeins frá því sem er að gerast í manager, sem ég er að byrja aftur á. Til að gæta sanngirni þá er þetta leikur 2 frá því að ég keypti leikinn um daginn, Liver ákvað að endurnýja ekki samninginn við mig í síðasta leik, ég var sem sagt rekinn. Hef því hafið nýjan leik sem ég er nýbyrjaður á. Ætla ekki að æra óstöðugan með því að rekja frammistöðu í hverjum leik heldur koma reglulega með það helsta sem er að gerast.

Pétur Hafliði vinur minn fékk svipaðan skammt í Svíþjóð þar sem við sátum saman í leið í útileiki og hlið við hlið í búningsklefanum. Ég "leyfði" honum að fylgjast reglulega með því sem var að gerast í manager auk þess sem hann fékk yfirleitt að vita hvað var að gerast í þeim bókum sem ég var að lesa. Veit ekki til þess að Pétri hafi nokkurn tímann dottið í hug að spila manager og ég er ekki viss um að við séum með svipaðan bókasmekk, anyway...

19.53 fyrsti september 2007, búinn með 3 leiki, vinna 2 en tapa 1. Þeir leikmenn sme hafa veirð keyptir eru van der Vaart á 14,5; Landon Donovan á 5; Vagner Love á 9.25; Jérémy Ménez á 11.25 samtals 40 mills, helstu leikmenn seldir eru Riise, Momo, Voronin, Pennant, samtals 23m. Gerri meiddist í 2 mánuði og Crouch í 4(rétt þegar ég ætlaði að fara að selja hann). Best að taka til við leikinn, meira síðar.

20.04 Munaði litlu að ég gleymdi að segja frá því að ég spila svona varíant af 4-3-1-2 með (frá hægri) Reina; Finnan, Carra, Agger, Insúa; Lucas, Mascherano, Xabi; van der Vaart; Torres, Vagner Love

21.02 September búinn, ég tapaði útileiknum við Chelski en vann hina, stjórnin var þá ekki sérlega ánægð með mig, fannst ég eiga að standa mig örlítið betur, þeir vita ekkert. Gerri kominn aftur úr meiðslum en Torres meiddur í tvær vikur, tognaður á læri eftir sprett á æfingu. Er í fimmta sæti í deildinni með 5 unna leiki en tvo tapaða. van der Vaart, Vagner Love og Torres markahæstir með 2 mörk hver í deildinni. Rafael með 4 assist, spilar fremstur á miðjunni, kann ágætlega við sig þar, væri alveg til í að fá hann í hitt Liver, október framundan

22.13 Október búinn, bara tveir leikir í deildinni, vann heimaleikinn en gerði jafntefli við ManU úti, stjórnin er ennþá ekki alveg nógu sátt við mig en ég held að þeir skilji þetta ekki alveg, hmm... dáldið eins og Rafa líður sennilega. Er í fjórða sæti með nítján stig eftir níu leiki, ManU efstir með 29 eftir ellefu leiki. Lítið meira að segja um október enda fáir leikir, held áfram..

23.27 sjö unnir, þrjú jafntefli og tvö töp það sem af er, nóvember var að klárast, slatti af leikjum og svo var ég að lesa mbl.is aðeins. Hef átt í smá brasi með að skora en það ætti að reddast fljótlega, stjórn er sátt við mig núna en er að kvarta yfir einum leikmannakaupunum, kannski ekki skrýtið þar sem ég keypti Ménéz á 11.25 en kem honum eiginlega ekki fyrir í liðinu, ekki í fyrsta skipti sem það gerist, 24 stig í 12 leikjum, ManU efstir með 36 í 14, meira síðar...

00.46 tólf unnir, þrjú jafntefli og fjögur töp. Vann Arsenal 4-0 úti en tapaði fyrir einhverjum plebbum á Villa Park. Tókst annars að selja þennan Ménéz aftur á sama og ég keypti(11.25), seldi Kuyt líka, ef é ggæti nú bara losnað við Crouch og Yossi þá gæti ég keypt eitthvað af viti, veitir held ég ekki af, það er dáldið af meiðslum. Hætti þessu fljótlega en efast ekki um að þið hafið haft afar gaman af því að fylgjast með manager.

Leikjadagbók Liverpool-Bolton 2.12.2007

Jórsalir 4, engir gestir að þessu sinni. Rétt að vara lesendur við því að ég klára ekki seinni hér, þarf að fara í bolta um 16.35 þannig að ég missi af síðustu tíu.

14.50 Var að tékka á staðfestu liði. Reina, Arbeloa, Carra, Sami, Riise, Yossi, Gerri, Lucas, Harry, Crouching Tiger og Hinn Gullfallegi Fernando Torres. Er afar sáttur við þetta lið, sóknarbragur á því og Harry og Lucas í liðinu. I´m giddy

14.52 Varamennirnir eru Itandje, Mascherano, Babel, Hobbs og Kuyt, er smá spenntur fyrir þessum Hobbs, væri afskaplega gott að fá upp eins og einn kjúkling sem leggur eitthvað af mörkum. Höfum eiginlega ekki fengið upp almennilega júklinga síðan Gerri, Owen og Carra poppuðu upp. Miðað við þann fjölda kjúklinga sem búið er að kaupa þá hlýtur eitthvað að skila sér.

14.55 Sá annars unglingaliðsleik hjá Liver í gær. Það eru 3 þar sem gætu orðið góðir, Senterarnir Pourie(þjóðverji), Eccleston og bosníusvíinn Astrit Ajdarevic, Astrit þessi er svona teknísari útgáfa af Patrick Berger, sá reyndar ekki nærmynd af honum þannig að ég veit ekki hvort hann er jafn myndarlegur en hann var allavega með afar fínt hár.

15.00 Þá er þetta byrjað, Arnar er reyndar einn að lýsa en látum það ekki koma að sök

15.01 Liver byrjar á því að tjalda fyrir utan teig hjá Bolton, gæti orðið athyglisvert ef Bolton ætlar að vera þarna frá fyrstu mínútu

15.02 Smá vandræðagangur á Bolton fyrir utan teiginn hjá Liver sem endaði á skoti frá Campo af þrjátíu metrum, það er í góðu lagi, rétt í þessu reddaði einhver frá Crouch á línu eftir ágætt run hjá Yossi

15.04 Torres losaði einn Bolton gauk við gult með því að standa upp og halda áfram að hlaupa eftir að hann braut, nú var svo henid á Bolton inní teig en það er ekki víti á meðan það er bara önnur

15.06 Það er úað á Diouf, mér finnst það eiginlega óþarfi enda fullt af árum frá því að hann fór, Bolton fær þá fyrsta hornið

15.08 Hornið varð dáldið hættulegt, hef það á tilfinnunginni að horn verði eina hættan frá Bolton í þessum leik, reyndar ekki mikil vísindi það enda skorar Bolton helst eftir horn og auka, Diouf að væla eftir að fá gult, gat eiginlega þakkað fyrir að fá ekki rautt en sennilega ekki liðinn nógur tími af leiknum

15.10 Harry sprækur, Liver með fyrsta og annað hornið sitt, sem varð lítið úr

15.11 Riise með svona Kidda Tomm móttöku, tók furðulega háan bolta niður með löppunum

15.15 Fyrsta kortið búið og þetta lítur vel út hjá Liver, Harry er allavega heitur

15.16 Torres eitthvað að kveinka sér, Gerri með auka og hinn geðþekki Sami Hyypia skorar með skalla, heldur döpur dekkning hjá Bolton en ágætur skalli hjá Sami, 1-0 fyrir Liver þrátt fyrir að Arnar sé nú búinn að halda ræðu í 30 sekúndur um að þetta hafi hugsanlega, kannski, jafnvel verið rangstaða

15.18 Svona almennt þá veit það ekki á gott ef Diouf er kominn með gult snemma, hann er frekar pirraður leikmaður og lætur sig detta frekar oft, alltaf líklegur  til að fá annað gult, já víst við erum að tala um hann þá er rétt að þakka Houllier kærlega fyrir að borga tíu milljónir punda fyrir þann enda

15.20 Yossi er með dáldinn Einar Dan svip, það er eiginlega ekkert spes

15.22 Diouf eitthvað að kljást við Arbeloa og var pirraður yfir því að fá ekki auka, það gæti alveg verið að Rafa hafi sett Arbeloa í liðið bara til að pirra hann, Crouch að tala löngum skalla, er ekki hægt að ætlast til þess að tveggja metra senterinn þinn vinni allavega svona helming af löngum sköllum 

15.25 Reina í bölvuðu basli með auka, og Bolton fékk horn sem lítið varð úr

15.26 Torres fékk boltann útá kanti frekar framarlega, var kominn á ferð þegar Yossi ákvað að draga varnarmann beint í hlaupaleiðina hjá honum, hefði svona senilega verið betra að koma sér frekar í burtu eða jafnvel koma í overlap en labba eki beint í hlaupaleiðina með varnarmann í eftirdragi 

15.29 Harry með dapurt skot utan af kanti, það virkar í svona 0,1 % tilvika en allt í lagi að reyna, allavega þegar enginn er inní, æ ég veit það ekki annars, þetta virkar aldrei, betra eiginlega að tékka út og halda sókninni áfram

15.31 Crouch og Harry með tveggja hæla trix, klikkaði hins vegar þegar Crouch reyndi þriðja hælinn, örstuttu síðar reyndi Sami hæl líka, öööhhh skulum bara segja að Sami hafi dottið og hællinn ekki gengið

15.33 Carra gaf á Anelka, sennilega búinn að gleyma því að við vorum bara með hann á láni og erum löngu búnir að skila honum

15.34 Það er hellirigning í Liverpool, fer dáldið illa með hárið á Torres og Lucas

15.35 Harry með hægrisendingu á Riise, það er ágætt að hann er betri með vinstri

15.36 Ágætt upphlaup hjá Bolton, veit ekki alveg hvernig Arbeloa kom þessu í horn. Carra og Reina ákváðu að hlaupa á hvorn annan, hef ekki minnstu hugmynd um hvernig Anelka fór að því að hitta ekki opið mark, alveg stórfurðulegt 

15.39 Þetta var furðulega opið færi hjá Anelka, allavega... það eru rétt um fimm mínútur eftir af fyrri, mér þætti ágætt ef Rafa benti þeim á að ég næ ekki öllum leiknum og þeir mættu gjarnan vera búnir að skora svona tvö til þrjú í viðbót áður en ég þarf að fara

15.41 Þetta Bolton lið er dáldið furðulegt, ekki bara af því að leikurinn var smá stopp af því að Diouf þurfti að reima, lið sem spila á móti þeim enda á því að spila ekki almennilega sinn leik. Það er reyndar örugglega stór hluti af ástæðunni fyrir því þeim árangri sem þeir hafa þó náð, dáldið stórkarlalegur fótbolti. Í þeim töluðu orðum skorar hinn gullfallegi Fernando Torres gott mark eftir stungu frá Gerra, það er afar gott fyrir Liver og ekki síður hellingur af stigum fyrir draumaliðið mitt, 2-0 fyrir Liver og flautað til hálfleiks eftir nokkrar sekúndur

15,46 Hálfleikur í leik Liverpool og Bolton, staðan er 2-0 fyrir Liver. Sami og Torres skorað mörkin fyrir Liver en Anelka fékk svona þokkalegt færi í stöðunni 1-0

16.01 Seinni byrjaður, liðin eru óbreytt. Crouch vann langan skalla og það rignir ekki minna núna, Riise með klassa fyrirgjöf og Crouch með skalla rétt framhjá

16.03 Gerri með eðal sendingu á Yossi sem var kominn í fínt færi en honum tókst að klúðra því alveg merkilega, náði ekki einu sinni skoti.

16.04 Harry átti nokkur skot í fyrri sem fóru flest í náungann sem stóð beint fyrir framan hann, nenniði að skila til hans að boltinn fari ekki í gegnum mannslíkamann, Gerri með gott hlaup og komst í dauðafæri en Jussi varði vel með tánni, horn

16.06 Var ég búinn að minnst á að það er rigning, skipting hjá Liver, Carra útaf, hann er þá ,meiddur, Jack Hobbs inná fyrir hann, hann er allavega massaður

16.08 Ágætis dæmi þarna um af hverju mér leiðist Arnar í lýsingum, Riise átti alveg vonlausa sendingu á Lucas inná miðjuna, Lucas rétt náði að teygja tána í boltann og Bolton náði honum síðan. Arnar kommentaði þá á að þetta hefðu verið mistök hjá Lucas, ágætt dæmi fyrir þá sem vita ekki að Arnar skilur ekki fótbolta

16.10 Shit, Torres lagði boltann á Crouch sem missti hann frá sér á vítateigslínu. Gerri með fyrirgjöf og brotið á Crouch, víti á Bolton og Gerri að fara að taka það

16.11 Öruggt hjá Gerra, 3-0 fyrir Liver og það er rigning. Sýnist enginn þarna nenna þessu lengur, ætli það megi flauta af ef bæði lið samþykkja?

16.13 Ánægður með að Hobbs sé að fá að spila aðeins, vona bara að Carra sé ekki mikið meiddur. Gaukar eins og Hobbs þurfa að fá leiki og ef ekki er hægt að treysta þeim í leik sem liðið er að rúlla upp á heimavelli þá eiga þeir ekki að vera í hópnum.

16.15 Kæmi ekki mikið á óvart þó Gerri og Torres færu útaf fljótlega, ágætt að gefa þeim smá pásu, það er allavega skárra en að setja þá á bekkinn í næsta leik af því að skiptikerfið er svo æðisleg leið tli að spara leikmenn, væri ekki nær að gefa þeim frí síðasta hálftímann hérna, þá hefu þessi leikur verið meira eins og æfing fyrir þá

16.17 Campo gaf boltann á Torres, Liver með auka á vítateigslínu sem Riise ákvað að dúndra úr, veit ekki alveg af hverju þurfti að negla svona af þetta stuttu færi, sér í lagi ef hann ætlðai síðan bara að negla í vegginn

16.19 Torres með gott run og skot rétt yfir, þetta verður væntanlega eitthvað á þessa leið þennan síðasta hálftíma

16.20 Rafa að fara að skipta, hvað ætli það verði?

16.21 Diouf á leiðinni útaf fyrir giannikoupolus, ég hélt að Rafa hefði verið að fara að skipta?

16.22 ok, nú kom það, Babel inná fyrir Harry, það má samt alveg fara að taka Gerra eða Torres útaf. Ef Torres verður svo ekki í liðinu næst af því að það verður að fara eftir skiptimiðakerfinu þá verð ég frekar pirraður. Er svona að gæla við hugmyndina að Rafa ætli bara að nota það í byrjun móts og noti bestu kallana úr þessu, er ekkert allt of vongóður en við sjáum til, Gerri fær allavega næga hvíld næsta sumar, ekki komust þeir áfram á EM allavega

16.26 Eitthvað bras við þennan auka, Riise renndi á Gerra sem síðan renndi á Lucas, hann skaut svo í einhvern Bolton enda sem renndi sér fyrir hann, gott annars hjá ManU að tapa fyrir þessu Bolton liði um daginn, til hamingju með það Ómar

16.28 Korter rúmt korter eftir og fer að stinga af í boltann, þetta er klárt hjá Liver og meira spurning um hver lokastaðan verður en hver fær stigin í þessum leik, Babel með gott run en boltinn eitthvað að þvælast fyrir Torres, Kuyt á leiðinni inná, væntanlega þá smá pása fyrir hinn gullfallega Fernando Torres

16.31 Crouch að komast einn innfyrir en hann er ekkert sérstaklega fljótur, haukurinn náði honum á svona fimm metrum.

16.32 Torres útaf fyrir Kuyt, fínt að gefa honum smá pásu, rigning og svona þannig að honum gæti orðið kalt.

16.33 Allt í lagi, ég skal spyrja, er það gott þegar miðjan þín er Campo, McCann og Speed?

16.38 Ég er farinn í bolta, þetta var fínasti leikur hjá Liver og freka þægilegur eiginlega, gott annars hjá ManU að tapa fyrir Bolton fyrir nokkrum dögum, til hamingju með það Ómar

Leikjadagbók Newcastle-Liverpool 24.11.2007

Jórsalir 4, sérlegur aðstoðarbloggari Aron Freyr.

12.33 Er að melta þetta byrjunarlið, Reina, Finnan, Carra, Sami, Arbeloa, Gerri, Momo, Leiva, Kewell, Kuyt og hinn gullfallegi Fernando Torres. Sýnist Gerri þá vera á hægri kantinum, verður gaman að sjá hverju Momo tekur uppá í þessum leik, hann hefur allavega hinn hárprúða Lucas Leiva, fyrirliða brasilíska U-21 liðsins, sér við hlið. Ég ætla að spá því að betra spil komi frá brassanum. Ég spái 3-0 fyrir Liver, Aron Freyr spáir 3-0 fyrir Liverpool, merkilegt nokk vissi hann ekki hverju ég hafði spáð.

12.41 Þegar Minime er spurður um fullt nafn á Torres þá kemur með bros á vör og spænskum hreim, Hinn Gullfallegi Fernando Torres, klókur piltur sem ég á

12.43 Gummi Ben er einn að lýsa, það er ágætt, fókusinn verður á fótbolta næstu 2 tímana allavega. Lucas Leiva er með svona seventíes hágreiðslu, sítt hár og hárband, ég hef séð Jón Pétursson, fyrrum landsliðisfyrirliða, með svona svipaða hárgreiðslutýpu í leik

12.45 Itandje, Riise, Crouching Tiger, Babel og Mascherano á bekknum, koma svo

12.47 Liver byrjaði með boltann, er að spá í eitt, ég er ekki viss um að Torres sé mikið verri skallamaður en Crouch, hann er allavega gormur

12.49 Martins í liðinu hjá Newcie Brown Ale, hef ekki almennilega skilið af hverju hann fær ekki að spila meira, góður leikmaður, crap, nú meiddi Gerri sig eitthvað

12.51 Það má ekki stökkva á bakið á Torres, samt ekkert dæmt. Newcastle maðurinn meiddi sig eitthvða við það, gott á hann, Gerri er eiginlega ekki á hægri, er að melta hvernig þeir eru eiinlega að spila, kem að því á eftir betur

12.55 Mér sýnist Momo vera svona hægra megin á miðjunni, getum samt seint kallað hann flanker, Gerri með auka rétt fyrir utan teig eftir að brotið var á Torres, Momo tókst að fá dæmda á sig aukaspyrnu þegar hann stóð í veggnum, það er nýtt trix

12.57 Ok, ef ég væri þjálfari Newcie Brown þá myndi ég benda þeim á að það er enginn á hægri kantinum á Liverpool, skiptir reyndar meira máli þegar þeir ná aksjúallí boltanum en allavega, Torres að reyna laumast til vinstri trixið sitt og fékk horn, kom ekkert útúr horninu

13.00 Munaði engu að Momo hitti á samherja, ég spái því að það gerist í leiknum. Ég er afar sáttur við að Harry er kominn í liðið, hann er góður, hlýtur samt að vera skrýtið fyrir fólkið í kringum liðið að sjá hann án þess að vera með sjúkraþjálfarann í eftirdragi

13.02 Jamms, það er staðfest, Momo er á hægri kantinum, skulum gera ráð fyrir því að Finnan eigi að koma dáldið upp kantinn þó það væri fróðlegt að sjá hvað gerist ef Momo reynir svona beyglufyrirgjöf

13.05 Lucas búinn að fá tiltal vegna brotafjölda, það er svona hálft gult ef þú ert varnarmiðjumaður, hann má allavega ekki brjóta neitt næsta korterið

13.07 Liver eru með boltann eiginlega allan tímann, Newcie Brown reynir síðan að laumast upp hægri kantinn þegar þeir fá boltann, sjá ekki að það er hinn kanturinn sem er auður, Momo reyndi alveg nýtt trix núna rétt fyrir utan teiginn hjá Newcie Brown, hann skaut með hægri í vinstri og boltinn skoppaði einhvern veginn svona tíu metra áfram, veit ekki alveg hvað átti að gerast þarna en þetta virkaði allavega ekki

13.09 Ágætt skot hjá Gerra en Given varði, Carra með verra skot og enginn þurfti að verja, útspark

13.12 Heldur þröngt spil hjá báðum liðum, engin færi ennþá en Liver klárlega betri það sem af er. tuttuguogfimm búnar, 0-0

13.15 Gerri með fáránlegt mark úr auka, Given átti varla séns, rétt hjá Gumma, þetta var frábært mark, 1-0

13.16 Momo og Kewell að skipta aðeins um kanta, það losnar kannski um Harry og breytir ekki alveg llu hvort Momo sleppir því að gefa fyrir á hægri eða vinstri. Vissuð þið að í USA selur Dominos hamborgarapizzu, það er þá fyrir feitt fólk sem er of latt til að velja

13.19 Liver er með góða stjórn á þessum leik, reyndar ekki mikið af færum en Newcastle eru að spila það illa að áhorfendurnir eru að úa á þá

13.22 Ætli það sé vænlegt í toppbaráttu ef Nicky Butt og Alan Smith eru lykilmenn á miðjunni hjá þér, hefði Sir Alex ekki fattað það og haldið þeim hjá ManU, kannski hluti af ástæðunni fyrir því að Newcie Brown er sjladnast í toppbaráttu

13.24 Momo er dáldið spes leikmaður, hann er góður í að vinna bolta fyrir bæði lið, Smith átti ágætt skot rétt framhjá, Newcastle eru þá búnir að eiga allavega eitt skot nálægt marki. Finna átt furðulega fyrirgjöf rétt í þessu, Torres kom á ferðinni á nær en Finnan ákvað að gefa á engan á fjær í staðinn, dáldið spes

13.28 Alan Smith með stökktæklingu, það má held ég frekar ef dómarinn veit að þú ert nöts. Gummi með spes tölfræði, Smith á 20 landsleiki fyrir England, það er hreinlega stórfurðulegt, aðallega í ljósi þess að hann er ekki góður

13.30 Ekki mikið sést til Kewell ennþá, fékk þó horn núna sem lítið varð úr, eitthvað vesen á Gerra og Leiva

13.32 Furðuleg atburðarás, Given varði með öxl langt fyrir utan teig en ekkert dæmt, Torres  fékk síðan boltann fyrir utan en skaut í stöngina, ekkert spes hjá honum en örlítil pressa, hann átti samt að skora, ekki síst vegna þess að hann er fyrirliði í draumaliðinu mínu, 0-0 í hálfleik og Liver búnir að vera miklu betri

13.50 Seinni að byrja, ég tafðist örstutt þar sme að ég var að raka mig, Liver fékk ódýrt horn sem Kuyt skoraði uppúr, ekki slæmt það, 2-0 fyrir Liver, Kewell núna með gott run og fékk auka rétt fyrir utan teig sem hann ákvað að skjóta síðan í vegginn

13.53 Gummi ruglaðist aðeins, það var slatti af fólki sem kom seint í stúkuna eftir hléið en hann hélt að slatti þeirra væri að fara

13.55 Emre á leiðinni útaf en hinn geðprúði Joey Barton kemur inná í staðinn, það ætti að verða meira aksjón þá, það er dáldið spes þegar miðjan hjá liðinu er Barton, Butt og Smith, ef þetta væri keppni í hóptæklingum þá væri þetta allavega óvinnandi vígi

13.57 Harry næstum búinn að koma Torres innfyrir, þokkaleg tilraun allavega

13.59 Liver virka þéttir, eru á undan í flesta bolta og lítil hætta, Finnan meiddi sig eitthvað, ekkert spes

14.01 Babel á leiðinni inná, líklegast fyrir Kewell þó ég voni reyndar að það sé fyrir Momo

14.02 Kewell á leiðinni útaf fyrir Babel, Harry karlinn var alveg ágætur í þessum leik, gott að fá hann til baka

14.05 Dómarinn reyndi að stoppa Gerra en náði honum ekki, Nicky Buttocks náði honum hins vegar og fékk gult, það mátti næstum spjalda dómarann líka fyrir þetta

14.06 Torres sólaði Rosenal uppúr skónum inní teig en Given kom út og lokaði vel, Liver fékk síðan fljótlega aðra skyndisókn og horn uppúr því sem lítið varð úr

14.08 Babel er sprækur leikmaður, fljótur og skotfastur þó hann sé stundum dáldill fækjufótur, ekki á Momo level en samt

14.11 Gerri og Babel með góðan þríhyrning og Babel skoraði, klassamark hjá þeim, 3-0, nú er dáldið af áhorfendum að fara, Torres aftur innfyrir en skaut framhjá, einn af þessum dögum hjá honum en hann kemur sér þó í færi, það er allavega frumskilyrðið fyrir því að skora

14.13 Gerri kom Torres í enn eitt færið en nú reyndi hann að sóla markmanninn, klikkaði og ég held að það sé sama hvað hann fær mörg færi í dag kallinn, hann skorar ekki

14.15 Þetta er þokkaleg einstefna og hefur verið eiginlega allan tímann, mér sýnist Torres vera farið að leiðast þetta, hann veit að þetta er ekki hans dagur, sást ágætlega á því að Torres reyndi ekki einu sinni að taka einn á núna þegar hann gat komið á ferðinni, ætli ég fái stig í draumaliðsleiknum fyrir færi sem Torres kemur sé í?

14.18 Myndavélin reglulega að taka myndir úr stúkunni af fólki sem er að fara, Gummi með snilldarkomment eftir að Babel sólaði Rosenal, sagði að það væru allir búnir að sóla Rosenal í þessum leik. Kuyt fékk dauðafæri en ákvað að best væri að gefa á markmanninn

14.21 Crouching Tiger á leiðinni inná, ætli Gerri fái ekki að hvíla sig, reyndar held ég að Torres væri alveg til í að fá sér sæti

14.22 Allardyce að hrista upp í leik Mewcastle, setti Stephen Carr inná, Momo með ferlegt brot, klaufalegt hjá honum og hann fékk réttilega gult, Gummi bætti því við að Barton ætti þetta inni, sem er hárrétt hjá honum

14.24 Crouch inná fyrir Gerra, það er ágætt að gefa honum smá pásu þessar síðustu tíu. Klassískt Momo moment þarna, hann vann boltann mjög vel og síðan þegar hann gat losað boltann þá ákvað hann að snúa frekar aftur inní manninn aftur, spes leikmaður

14.27 Reina að verja vel frá Viduka, var síðan reyndar rannstæður, smá líf í Newcastle, kannski kominn tími til, held reyndar að þetta sé aðallega af því að Liver eru farnir að chilla

14.29 Lucas er með gott auga, hefur ekki reynt mikið á varnarvinnuna hjá honum en hann hefur skilað sínu ágætlega, þetta er kosturinn við að kaupa Brassa, þeir eru að jafnaði með alveg ágætis tilfinningu fyrir fótbolta

14.31 Þetta er svona að fjara út rúmar fimm eftir, verið að stökkva á bakið á Torres, það er gult, dómarinn var sammála

14.33 Var að velta fyrir mér þessari tölfræði með landsleikina hans Alan Smith, hvernig getur hann verið búinn að spila 20 landsleiki, það er eiginlega stórfurðulegt

14.34 You´ll never walk alone hljómar, stuðningsmenn Newcastle ættu kannski að prófa þetta, dáldið sérstakt að vera farnir að úa eftir korter, Smith fékk heimskulegt gult núna, ekki í fyrsta skipti

14.35 Gummi sagði að Smith væri ekki alltaf sá skynsamasti í hausnum, miðað við að ég veit ekki hvar annars staðar maður væri skynsamur þá er þetta samt rétt Gumma

14.40 Búið, 3-0 fyrir Liver eins og við Aron spáðum báðir. Lokamat á leiknum frá Aroni Frey er að Gerrard hafi skorað frábært mark. Honum fannst Torres vera mjög góður, Kuyt góður og Liverpool liðið mjög gott. Honum fannst Newcastle liðið vera ágætt, ég er sammála þessu mati, nema kannski að mér fannst Newcastle ekki vera gott, fínasti leikur hjá stórliði Liverpool og góð úrslit

Leikjadagbók Danmörk-Ísland 21.11.2007

Síðbúin byrjun en fer svona 3-1 fyrir Ísland

Nýi þjálfarinn hlýtur að koma með eitthvað nýtt og skemmtilegt inní þetta, allavega lá nógu mikið á að ráða hann. Leikurinn er annars að byrja eftir svona 2 mínútur.

Allt í lagi, ég skal spyrja

-Ætli ég sé sá eini sem er eiginlega spenntastur að sjá hvort Pétur Pétursson er með fatla eftir viðbeinsbrotið á æfingu?

-Hvort á Kristján eða Ragnar að miðla boltanum?

-Hvort á Stefán eða Brynjar að dreifa spilinu

-Er Veigar Páll miðjumaður?

-Erum við að spila 6-0-4 eða er gert ráð fyrir því að Emil, Theódór og Veigar verjist, allavega smá?

-af hverju er ég samt bjartsýnn fyrir þennan leik?

19.20 Kristján farinn útaf, Sverrir inná, nei ekki taktískt eftir kommentið frá mér heldur af því að hann skallaði Emil, staðan er ennþá 0-0, nennir einhver á vellinum að kalla á Emil og segja honum að horn þurfa að fara yfir fyrsta varnarmann

19.23 Pétur var í settinu áðan, hann var samt með símann á silent, best að testa að senda sms á eftir, skot frá Daniel Jensen en Árni ver í horn. Er að pæla í einu, miðað við hvað er skorað mikið í handbolta, af hverju koma þá fleiri mörk uppúr horni í fótbolta?

19.25 mynd af Morten Olsen, af hverju er vi er röde, vi er vide ekki á youtube, eða torrent.is, æ já , sú ágæta síða er ekki til lengur, nennir einhver að linka á lagið ef þeir vita hva það er geymt á netinu, öhh, ég meinti löglega á netinu

19.27 Hemmi var brjálaður, vildi fá dæmda ólöglega blokkeringu þegar danirnir áttu horn

19.29 Merkilegt nokk gengur okkur illa að halda boltanum á miðjunni, af hverju ætli það sé, af hverju er ekki besti varnarmiðjumaður Íslands, Kári Árnason, með í þessum leik? já kannski af því að hann hefur ekki hitt samherja í síðustu 3 leikjum

19.32 Allt í lagi, ég skal spyrja. Hvenær breyttist Kári Árnason úr hægri kantaranum sem var að taka Spánverja á í æfingaleiknum fyrir svona ári eða tveimur, í gaukinn sem hittir ekki á samherja og kemst ekki í hópinn(réttilega)

19.36 Hinn íslenskættaði Jon Dahl Tomasson í dauðafæri eftir að Stefán gaf auka, það er ágætt að þetta er ekki karfa, Stefán væri löngu farinn útaf með 6 villur þó það sé bara búinn rúmur hálftími

19.38 af hverju ætli Arnar segi æ æ æ þegar Ísland fékk á sig mark núna, þetta er dáldið eins og að krakkarnir hans séu að spila, væri eiginlega betra ef hann öskaði dammit eða eitthvað, sem sagt 1-0 fyrir Dani, Bendtner skoraði. Loga finnst vont að við séum undir því við erum búnir að versla svo mikið í Danmörku, hmm ok

19.41 Hvernig ætli þessi leikur þyrfti að fara til að Óli fengi eitthvað blame fyrir þennan leik, 6-0? 7-0? Hefur einhver þjálfari verið með minni pressu á sér fyrir landsleik? Ef vel gengur þá er það Óla að þakka en ef eitthvað klikkar þá er það Eyjólfi/Bjarna að kenna, þægileg staða allavega.

19.43 Okkur gengur frekar illa að halda boltanum á miðjunni, merkilegt nokk. Grétar Rafn að fá fyrsta gula spjaldið, það er svon 0,93 í stuðul að Stefán fái spjald í þessum leik. Það er reyndar merkilegt nokk sami stuðull og er í öllum leikjum á að Byrnjar fái spjald. Er einhver munur á þeim annar en hárliturinn?

19.46 Rommedahl reyndi horntrixið hans Emils, það tókst reyndar og Ísland fékk útspark, þetta er reyndar ekkert sérstakt trix, horn á nefnilega að fara yfir fyrsta varnarmann, það er svona næstum það eina sem horn þarf að gera, allavega það fyrsta

19.48 Arnar að hvetja Íslendingana til að færa sig fram með Veigari þegar hann hleypur upp með boltann, í þeim töluðu orðum kemst Rommedahl innfyrir hægra megin, gefur á Jon og hann skorar annað markið, 6 eða 7 æ frá Arnari og síðan komment um að við höfum verið komnir útúr stöðunum

19.55 Rúnar Birgir sendi okkur þennan link, snilld! re-sepp-ten, takk kærlega fyrir það

Hmm, merkilegt, var að skrifa eitthvað hérna sem virðist hafa gufað upp, reynum aftur. Fyrsta alvöru fótboltaminningin mín er frá HM´86 og þessu snilldarliði Dana. Man reyndar aðeins eftir Bjarna Fel frá ´82 þegar allir leikir voru sýndir eftirá og Bjarni var alltaf að kjafta frá því sem var að fara að gerast" Eder er þekktur fyrir að fara inní teiginn vinstra megin og vippa yfir markmanninn í fjærhornið" vill einhver giska hvað gerðist 5 mínútum seinna?

20.07 ok, seinni var að byrja, sem sagt 2-0 fyrir Dani í hálfleik, mörkin samtals af 11 metra færi(2*5,5; sem er markteigurinn"

20.09 Markskot hjá Dönum, sennilega síðasta skotið þeirra í leiknum, Ísland hlýtur þá að vinna 4-2, ég get varla annað en haft rétt fyrir mér með markamuninn

20.14 Emil með horn sem dreif ekki yfir fyrsta varnarmann, hann hefur sennilega gleymt að lesa bloggið í hálfleik, Hemmi þekkir hann hins vegar og var kominn framfyrir varnarmanninn

20.15 Þegar maður skoðar youtube þá koma svona tengd vídeó eftir að fyrsta er búið, eftir re-sepp-ten koma vídeó sem heitir Extreme Catepillar Breakdance, kannski bara ég sem sé ekki tenginguna

20.19 Fyrir þá sem ekki vita þá var Michael Laudrup betri en Brian Laudrup. Michael var sennilega einn af topp 5 leikmönnum í heiminum þegar hann var uppá sitt besta. Hann var hins vegar í fýlu þegar Danir unnu EM´92, ætli hann sjái eftir því? Æ Æ æ frá Arnari, þið vitið hvað það þýðir, 3-0.

Brian Laudrup var einu sinni í Fiorentina með idjótinum Stefan Effenberg, þeir voru litlir vinir og allavega einu sinni þegar Laudrup var í burtu þá hirti Effenberg Bensinn hans og notaði á meðan, bara til að bögga Brian. Hvernig veit ég þetta? jú hausinn á mér er uppfullur af gagnslausum upplýsingum og gömlum popptextum

20.29 smá tafir þar sem að ég þurfti að svara kommenti. Theódór vildi fá auka en fékk ekki, fékk gult ekki mörgum sekúndum seinna fyrir að fara utaní einn danann, fínt hjá honum, ágætt að láta finna aðeins fyrir sér, Theódór er annars búinn að vera sprækur, skotið hjá Brynjari rétt í þessu var hins vegar verra

20.32 staðan er allavega 3-0, sýnist við varla vinna leikinn úr þessu. Ef einhver horfir á vídeó af leiknum kíkið þá þegar klukkan er nákvæmlega 70 mínútur, þar er gott dæmi um hvernig kantmenn eiga að pressa, Theódór lokaði sendingaleiðinni upp kantinn og pressaði svo, reglan er að vísa manninum þangað sem hjálpin þín er, nei Ómar, það sama gildir ekki um markmenn, það er venjulega engin hjálp fyrir aftan þá

20.36 korter eftir og ennþá 3-0, væri ágætt að fá svona eitt mark allavega, 3-1 er strax betra en þetta hefur ekki verið gott. Jákvætt þó að Eggert Gunnþór er kominn inná, þekki hann ekkert en ungur leikmaður sem er í liðinu í efstu deild í Skotlandi á klárlega að fá séns hjá okkur

20.39 Stefán braut af sér, skulum bara segja að það hafi ekki veirð í fyrsta skipti, um leið og ég ætlaði að kommenta á að hann væri ekki ennþá kominn með gult braut hann aftur af sér og fékk gult. Fyrir þá sem veðjuðu á það beint á Lengjunni áðan þá unnu þeir allavega, eða töpuðu minna. Já annars, ég er að vinna, einhverjir sem ekki vita að ég er að skrifa þetta því það hafa komið nokkur símtöl, eruð þið til í að hringja eftir svona 10 mínútur

20.43 ágæt sókn frá baunum en það reddaðist, sem er gott. Hvað eru eiginlega margir í þessu danska liði sem heita eitthvað Jensen?

20.44 þá er vinnan að verða búin, þið sem biðuð í 10 með að hringja verðið bara að hringja á morgun, ég er allavega á útleið, kannski meira á eftir þegar ég er kominn heim, allavega frekar slappur leikur af okkar hálfu, fínt að geta þá allavega kennt einhverjum um það(lesist: Eyjólfur og Bjarni) Menn leiksins af okkar hálfu sennilega Theódór og kannski Gunnar Heiðar, þeir tóku vel á því og þar að auki má ekki velja mark-eða varnarmenn þegar þið fær á sig 3 mörk, það er regla sem er ákveðin hér með. Ætti reyndar ekki að velja sóknar-eða miðjumenn þegar lið fær varla færi en svona er þetta, auf wienerschnitzel

Íslendingar sáu aldrei til sólar í 3:0-tapleik gegn Dönum