Ef niðurhal væri löglegt

~þá væri ég að horfa á Louis Theroux sem að þessu sinni væri að skoða lýtalækna á Rodeo Drive. Ég hef annars einu sinni verið þar, ekki hjá lýtalæknunum heldur götunni. Við Dagur fórum þangað og ef ég man rétt þá fórum við í Armani búðina og keyptum samtals eitt par af sokkum.

~þá hefði ég verið að horfa á nýja mynd með Denzel, American Gangster. Afar skemmtilegur leikari.

~þá hefði ég verið að horfa á fyrstu tvo þættina af women´s murder club og fundist þeir alveg ágætir, ákvað að tékka á þeim víst Maja var að missa það af hamingju yfir bókunum

~þá væri ég búinn með fyrstu 4 þættina í seríu 2 af 30 rock, snilldarþættir og hafa komið mér gríðarlega á óvart

Já og ef niðurhal væri löglegt þá hefði ég horft á þetta og eitthvað meira stöff í kvöld ásamt því að dunda mér á netinu og borða misjafnlega hollan mat, alveg ágætur afmælisdagur en kannski ekki sérstaklega pródúktívur

Arnar er skyggn

eða gæti verið að hljóðsendingin sé á undan myndinni. Ég held að Arnar Björnsson sé í Englandi að lýsa þessu, lógískt því mér skilst að hann hafi verið ða Arsenik leiknum í gær. Þá var smá vesen með það að lýsingin hans Arnars var á undan myndinni okkar, munaði ekki miklu en nóg til þess að það böggaði mann.

Núna er hann hins vegar örugglega svona sekúndu á undan þannig að ef eitthvað gerist í leiknum þá veit maður það áður en maður sér það, skyggn? Man öðru hvoru eftir þessu úr útsendingum af handboltastórmótum, það er þetta reyndar miklu meira pirrandi því þá veit maður hvenær þeir skora og ekki, aðeins meira um mörk í handbolta. Er þess vegna búinn að vera með slökkt á hljóðinu núna í dáldinn tíma, það er ekki alvitlaust. Er samt með tillögu fyrir sjónvarpsstjórnendur, á meðan ekki er hægt að samræma mynd og lýsingu þegar lýsandinn er í útlöndum þá er best að láta lýsa þessu frá Íslandi. Getur vel verið að þetta sé svona umbunarkerfi þannig að spekúlantarnir fái að fara á X-marga leiki á ári, það er þá fínt, leyfið þeim bara að horfa á leikinn og hafið einhvern hérna heima til að lýsa leiknum. Víst ég minnist á það, það væri fínt að hafa Gaupa, Arnar og Þorstein dáldið mikið í útlöndum, þeir geta þá tekið viðtöl og svona, sýnt myndir frá ferðum Íslendinga til Englands og jafnvel verið með svona sína sýn á enska knattspyrnu, sem við getum þá sleppt því að horfa á og um leið losnað við þá úr lýsingunum.

Munurinn á Sýnarlýsendum sást ágætlega í gær, Arnar var að lýsa beint og það var einhvern tækling á miðjunni sem gaukurinn fékk McCann fékk spjald fyrir, Arnar var að missa legvatnið yfir því hvað hann væri heppinn að fá ekki rautt. Málið var hins vegar að þetta var ekkert sérstaklega gróft og Gummi Ben benti réttilega á í umfjöllun um leikinn að það hefði kannski verið fullmikið að spjalda á brotið.

Sko, Sýn er afbragðs stöð og sýnir alls konar íþróttir. Væri ekki ráð að láta þá, sem vita eitthvað um fótbolta, lýsa leikjunum en hinir(lesist, Arnar, Þorsteinn og Gaupi) sjá um aðra viðburði. Gaupi séi t.d. alveg um handbolta og póker(væri merkilegt nokk framför að hlusta á Gaupa miðað við dúddann sem lýsir því nú), Arnar og Þorsteinn gætu skipt á milli sín boxi, fitness og öðru slíku. Ég veit að það hljómar spes að þeir sjái um fitness en það snýst meira um áhorfendafjölda sem fylgist með en sérfræðiþekkingu þeirra.

Það er töluvert um hræringar á fjölmiðlamarkaði, sýnist manni allavega. Þetta á samt ekki alveg við um sýn, þeir þremenningar eru búnir að vera þarna síðan Köben brann. Eflaust búa þeir yfir reynslu sem gott er að nýta, er ekki hægt að láta þá vera einhvers konar verkstjóra, þeir svona ráðleggja sérfræðingunum og kannsk kóvera ef leysa þarf einhver mönnunarvandræði í stað þess að þeir séu stöðugt í sviðsljósinu.

Ég einhvern veginn held að við myndum ekki sætta okkur við þá félaga sem bókmenntaskýrendur um jólin. Ég er samt pottþéttur á því að þeir hafa lesið fullt af bókum. Sama á eiginlega við um fótbolta, þeir verða ekki sérfræðingar á að hafa horft á fullt af leikjum, (já og ég veit að Þorsteinn var einu sinni markmaður). Þetta voru allavega mín 2 cent um þessa ágætu menn.

West Ham sigraði Sunderland 3:1

Foreldrar gifta sig skömmu eftir fæðingu barns

Er samt ekki algengara að þau giftist hvort öðru?

Hann var samt kóngur einu sinni, fyrst í Delirious

og síðan í RAW

en eins og hjá mörgum öðrum byrjaði þetta í Saturday Night Live

Murphy á leið í hnapphelduna

Útlendingahersveit Blika

með 19 stig sagði Höddi Magg í Landsbankadeildarþættinum rétt í þessu, heppilegt orðalag hjá kallinum.

Samkvæmt KSÍ eru þeir með 5 erlenda leikmenn á sínum snærum. Þar af fengu þeir markmanninn eftir að Hjörvar meiddist. FH er með 3, Valur 3, ÍA 2, Fylkir 4(+1 með 1 leik), Keflavík 5, HK 3, Fram 5, Víkingur 2 og KR engan. Er það ekki heldur mikið að kalla þetta útlendingahersveit?

FH, Fylkir og ÍA höfðu sigur

Seinfeld 1-5 The Stock Tip

1-5

http://www.tv.com/seinfeld/the-stock-tip/episode/2245/summary.html

Jerry, George og Elaine á kaffihúsinu. Elaine að deita einhvern sem á ketti, hún er með ofnæmi. Þekki engan karlmann sem á ketti, ætli það sé einhver karlmaður sem býr einn og á ketti? Jerry keypti hlutabréf eftir ábendingu, virkaði ekki sýnist mér. Hann er í skyrtu sem myndi sóma sér vel á hvaða bleikfataþemadegi sem er. Kramer er með frábæra viðskiptahugmynd, bindisendurnýtanleikistól, hvað sem það er.

George fékk viðskiptatip, hlutabréf, virkaði ekki, kemur á óvart. Reyndar fyrr en Jerry seldi, þá hækkaði það upp úr öllu valdi. George græddi slatta og kemur með nýtt tips, þetta fer ekki vel held ég. Þátturinn og serían búin, verst að fá ekki að vita neitt um hlutabréfið, það er erfiðara að skrifa um sjónvarpsþtti þegar maður er að spjalla eitthvað á msn, ég get ekki almennilega gert tvennt í einu, varla reyndar eitt í einu.

Ágætri fyrstu seríu lokið, svona ágætis byrjun, þetta gætu orðið langlífir þættir

Annars er gjarnan talað um í USA að Seinfeld og Cheers séu bestu gamanþættir sem hafa verið búnir til þar. Er meiri Friends kall en Seinfeld eru skemmtilegir "það er ekki nokkur spurning"

Seinfeld 1-4 Male Unbonding

1-4

http://www.tv.com/seinfeld/male-unbonding/episode/2244/summary.html

Jerry og George í lyftu. Ræða um samskipti kynjanna, þetta virðist ætla að verða þema eins og ég spáði. Kramer í símanum heimá hjá Jerry þegar hann kemur heim. Er að ræða við einhvern sem Jerry vill ekki tala við, Kramer rétti honum þá eðlilega símann. Kramer fer þá að tala í sinn þráðlausa síma, þetta er frá júní ´90, síminn er frekar stór. Jerry að ræða um hvað það er auðvelt fyrir stráka að verða vinir, tölum hvort eð er ekki um neitt annað en íþróttir og stelpur, þetta er fyrir tíma tölvuleikjanna, gætum annars bætt þeim við og þá ætti þetta við núna. Jerry að segja vini sínum upp, það er heldur mikið, hann á að hætta að hringja, það er viðurkennda leiðin til að hætta með einhverjum.

Lenti á msn-spjalli, mulligan á þennan þátt, ekki víst að þetta verði síðasti mullinn

Seinfeld 1-3 The Robbery

1-3

http://www.tv.com/seinfeld/the-robbery/episode/2243/summary.html

Jerry og Elaine stödd í íbúðinni hans, hann er fljótur og góður að pakka. Lætur Elaine fá lyklana, fer svo yfir reglurnar í íbúðinni, bannar henni að hafa sofa hjá í íbúðinni en ef hún verður þá eigi hún að nota baðkarið, ætli hún verði að hafa vatn í því? hvernig ætli það sé án vatns, held að það sé betra í vatni. George mættur að bjóða Jerry nýja íbúð, Elaine segist vilja fá íbúðina, það sé skref upp á við, svipað og að flytja frá Íslandi til Finnlands. Þegar Jerry kemur til baka er búið að stela sjónvarpinu og vídjóinu, Kramer hafði komið við í íbúðinni og gleymt að loka hurðinni eftir að hann náði í stöff.

Löggan kemur og tekur skýrslu, segist aldrei finna neitt. George mætir á svæðið með þungan svip, tilbúinn með lykla að nýju íbúðinni sem Jerry á að skoða. Ef niðurhal væri löglegt þá væri ég að ná í myndir fyrir mömmu og ömmu um helgina, þær verða í bústað.

Jerry, Elaine og George eru að skoða íbúð, fín íbúð, ég held að hann flytji ekki. Hmm... vitlaust hjá mér, Jerry ætlar að flytja. George mættur með leigusamninginn og segir Jerry að leigja hana ekki ef hann er ekki viss, myndi kannski sjálfur leigja nýju íbúðina ef Jerry tekur hana ekki, varð abbó þegar þeir voru að skoða. Þeir eru að rífast um hvað sé löglegt peningauppkast, telur það ef peningurinn fer í borðið? Jerry vann íbúðina en George farinn í fýlu, hmm kannski ekki pottþétt að hann flytji, ætli Kramer myndi flytja með honum?

George og Jerry á kaffiveitingadelihúsinu, stelpa af veitingahúsinu fékk íbúðina, þremenningarnir eru ekki ánægðir fyrir hennar hönd. Íbúðin var víst nálægt central park, ég´fór eitthvða að hugsa um það og mundi þá eftir plöntunni í horninu hjá mér, eitthvað svona hálftrédót, hún er dauð greyið, ég hef sennilega ekki vökvað hana síðan í mars, það gæti verið ástæðan, já og að ég er með gluggatjöldin dregin fyrir í horninu þar sem hún er, ég fer sjaldan þangað reyndar, er í annari álmu í íbúðinni, ég bý í tæplega 50 fm.

Seinfeld 1-2 The Stakeout

1-2

http://www.tv.com/seinfeld/the-stakeout/episode/2242/summary.html

Elaine og Jerry að leita að vídjómynd, Elaine segist vera búin að sjá allt en Jerry dregur þá fram klámmynd sem hann segir Elaine ekki vera búna að sjá. Þau eru fyrrum kærustupar, semja um að hann komi með henni í afmæli ef hún komi með honum í brúðkaup helgina á eftir, svona til þess að þurfa ekki að fara ein. Erfitt að pikka eitthvað upp þegar þú kemur með date, þó það sé ekki date. Jerry að lýsa því sem hann er að hugsa, svona sögumaður, þetta verður held ég ekki langlíft. Elaine er frekar myndarleg, spái því að hún verði lengi í þáttunum

Ég held að Jerry sé í rúskinnsjakka, svona hangandi týpu, skipt yfir á Jerry á sviði, hann er með dáldið annan stíl en Larry the cable guy. Jerry kemur heim og foreldrar hans eru sofandi á sófa í stofunni, heimsókn frá Flórida.

Þór frændi að hringja, hann er í Fjöltækniskólanum, er að byrja í skóla eftir 17 ára hlé, förum yfir stöðuna í næstu viku, missti af einhverju í þættinum á meðan, aðallega vandræðalegum aðstæðum þegar fólk hættir saman og ætlar að vera vinir, eru að ræða samskipti kynjanna og samskipti almennt, held að þetta gæti orðið ákveðið þema...., Jerry á sviði í jakka sem er úr svona doppóttu fjölbýlishúsaþvottahúsgólfefni held ég, allavega sá stíll

Seinfeld 1-1 The Seinfeld Chronicles

Best að byrja, er staddur í hægindastól í Jórsölum, verður líklega samastaðurinn ófáa tíma næstu vikuna.

1-1

http://www.tv.com/seinfeld/the-seinfeld-chronicles/episode/2241/summary.html

Jerry og George eru að ræða við konu sem þjónar á kaffihúsinu sínu, ætti þetta að kallast veitingahús eða kaffihús? deli? Allavega eru þeir að pæla í því hvort kona sem Jerry þekkir ætlar að hitta hann þegar hún kemur í heimsókn til N.Y. Ræða þetta á meðan þeir fara í þvottahús, svona laundromat, einhverra hluta vegna sest Jett uppá borð og krossleggur fætur, vissi ekki að nokkur karlmaður sæti svona, spái því að maður sjái þetta ekki oft. Þættirnir byrja alltaf á Seinfeld á sviði, ræða eitthvað sem tengist efni þáttarins, sniðug hugmynd, ætli þetta verði svona í öllum þáttum?

Shit hvað Jerry er í rauðum íþróttabuxum, þetta er frá júlí ´89, man samt ekki eftir að þetta hafi verið ásættanlegt þá, Kramer mættur yfir kl 1 um nótt með brauðsneið í hvorri hendi, spyr Jerry hvort hann eigi kjöt, spái því að Maja eigi eftir að fá nokkur svona bönk frá Jóni Bjarna, nýja nágrannanum sínum. Hann er síðan í íþróttaskónum sínum inni, það er dáldið bandarískt reyndar, fattaði það aldrei þegar ég bjó þar. 

George mættur með sixpensara, hann gæti litið illa út sem ósýnilegi maðurinn. Kramer aðeins æstur, virkar á mig sem æst týpa, hmm. Þeir ræða dáldið samskipti kynjanna og hvernig túlka eigi hin ýmsu merki sem fólk gefur, gæti orðið þema.....

Merkilegt nokk fór hann núna úr skónum inni hjá sér, samt ekki þegar hann kom inn heldur eftir ða hann var búinn að labba út um alla íbúð, sérkennilegt.... kom í ljós að stelpan sem hann þekkir lítið og fékk að gista hjá honum er trúlofuð, held að hann sé vonsvikinn, ekkert aksjón þá væntanlegt, hey kúl, þættirnir enda síðan á því að skipt er yfir á Jerry á sviði aftur, þetta er basically standup og sketsjar. Þáttur 1 búinn, 3 standup sem sagt og engin Elaine að sinni. George í fasteignabransanum virist vera, gengur þokkalega.

Enn einn hlekkurinn í keðju skynsamlegra ákvarðana - Seinfeld

Ef niðurhal væri löglegt hefði ég verið að ná í alla Seinfeld þættina. 9 seríur, 180 þættir, hver þeirra rúmlega 20 mín þannig að þetta eru á milli 60 og 70 klukkutímar. Það eitt og sér er ekki sérlega merkilegt, reyndar ekki hitt heldur að ég ætla að horfa á þá á næstu vikunni eða svo. Er að vinna á föstudagskvöldið og tek síðan til við þetta. Minime verður í bústaðnum með mömmu og pabba og ég ætlaði að chilla um helgina þannig að þetta er líklegra ekki verra en hvað annað. Ég held að ég sé búinn að sjá flesta þættina en sé hvernig verður að sjá þetta allt í röð, hef einhvern tímann gert þetta við Friends þættina og þar sem að ég er afar ófrumlegur þegar kemur að því að drepa tímann þá datt mér þetta einna helst í hug.

Liver er reyndar að spila um helgina og ég ætla eðlilega að horfa á Torresgengið spila. Var að horfa á Chelski leikinn með Degi og Minime þannig að ég sleppti leikjadagbók en ætla að skrifa leikjadagbækur um leiki helgarinnar, Jón Bjarni verður þá ekki jafn ráðvilltur þessa helgi.

Ætla að skrifa það sem mér dettur í hug um alla Seinfeld þættina, svona þáttaskýringu, ég veit að þessir 4 sem lesa síðuna mína og ekki eru ættingjar mínir eru afar spenntir. Þið getið þá dundað ykkur við að refresh-a síðuna um helgina til að sjá hvað er að gerast í Seinfeld. Spennustig á við þetta hefur líklega ekki komið upp síðan ég var í Svíþjóð og var reglulega að segja Pétri hvað var að gerast í massalangri Tom Clancy bók sem ég var að lesa ásamt því að segja honum hvað var að gerast hjá mér í manager, Pétur Hafliði er lífsglaður maður en ég held að hann hafi verið kominn hættulega nálægt því að skera af sér eyrun þann mánuðinn. Allavega eitthvað sem þið getið hlakkað til.

Ef niðurhal væri löglegt hefði ég líka verið að ná í Bourne Ultimatum og væri að horfa á hana á meðan ég skrifa þetta. Mér þætti þetta þá vera ágætis mynd, allavega væri hún að byrja ágætlega.

Ég gæti reyndar eytt helginni í að undirbúa veturinn með því að lesa eins og eina bók en það myndi meika allt of mikið sens. Áhugasamir eru velkomnir í Jórsali um helgina en þeim hinum sömu er þá bent að taka með sér eitthvað ætilegt því ekki verður eldað hér, það tæki tíma frá Torresgenginu, Seinfeld, Kramer, Elaine og George