4 4 2

Snilldarþáttur. Brill að geta horft á öll mörkin á laugardögum strax á eftir leikjunum. Vel þess virði að borga nokkra þúsundkalla á mánuði fyrir þetta.

Ef niðurhal væri löglegt

þyrfti ég ekki að horfa á einhverja af þessum skrilljón stöðvum sem ég er áhorfandi að. Afar lítið að gerast á þeim vígstöðvunum en ég nenni ekki að lesa í kvöld, einhvern veginn þannig dagur.

Minime væntanlegur heim á morgun, verður gaman að sjá prinsinn, brúnan og sællegan. Nú er farið að styttast í nýja skólann hans, Hörðuvallaskóla, ég fór á smá kynningu þar í vor og þau eru með skemmtilegar pælingar. Samþætting náms virðist fyrirferðarmikil sem er afar gott mál enda skrifaði ég hina stórmerkilegu lokaritgerð mína í KHÍ um samþættingu, vona að einhver þarna kenni eftir landnámsaðferðinni hennar Herdísar Egilsdóttur, mesta snilld sem sögur fara af.

Mér finnst heimasmeistaramót íslenska hestsins, sem er í boði núna á RÚV, vera örlítið minna áhugavert en geimsmeistaramótið í slönguspilinu sem því miður er ekki í boði hjá Digital Ísland í dag. Veit ekki hvort að ég fer á völlinn á morgun, reyndar freistandi að sjá nýja KR liðið hans Loga, verður fróðlegur leikur allavega, gæti farið langt með að tryggja FH dolluna ef KR vinnur þarna, held einhvern veginn að það gæti orðið.

Best að enda þetta á Blake Lewis

Smá lúr

Ég kom heim úr vinnunni áðan og var með alls konar plön fyrir kvöldið. Hafði upphaflega ætlað í bjór með SGÓ og manninum hennar Ólafar en frestaði því meira að segja af því að ég ætlaði í heimsókn. Kom heim heim rétt fyrir hálf sjö og var á leiðinni í sturtu. Fór aðeins í lazyboy-inn og hallaði mér aftur yfir tv. Var sem sagt að vakna nú kl hálf tíu. Er eiginlega orðinn of seinn í heimsókn og er svo myglaður að ég nenni ekki í safa, sjit hvað ég er orðinn gamall. Mætti halda að ég hefði verið í gleði í gær en ég sofnaði um miðnætti yfir tv og vaknaði hálf tíu þannig að ég var útsofinn.

Ef niðurhal væri löglegt væri ég búinn að ná í Simpson myndina og væri að kveikja á henni núna, ef niðurhal væri löglegt þá væri þetta fáránlega þægilegt.

Samt dáldið fúll að komast ekki í safann með SGÓ og manninum hennar Ólafar, það er orðið allt of langt síðan við ræddum heimsins mál saman. Talaði aðeins við Maju áðan, hún er á leiðinni heim frá Köben, sem er gott. Verst að hún fer væntanlega beint aftur í sveitina þannig að ekki hitti ég hana mikið.

Minime er í Svíþjóð með ömmu sinni og Unni Maríu frænku sinni, hefur það afskaplega fínt en er kominn með nokkra furðulega takta. Er greinilega að tékka á því hversu langt hann kemst þannig að hann er farinn að prófa sig áfram með orð seme eru ekkert sérlega sniðug, hann er venjulega kurteis þannig að hann lærir fljótlega að þetta er ekkert spes. Reyndar í þessum tilraunum hans kemur öðru hvoru upp hitt og þetta sem er skemmtilega skondið, áðan voru mamma og Eva að vaska upp og mamma spurði hann hvort hann ætlaði ekki að hjálpa þeim. Hann leit víst frekar hneykslaður á þær og sagðist ekki vera stelpa, ágætt að ég var ekki á staðnum, hefði sennilega sprungið úr hlátri.

Best að drösla sér í korter í ellefu til að finna eitthvað snarl, aldrei þessu vant tómlegur ísskápurinn hérna

Josh Groban

ég frétti fyrst af honum í Ally McBeal þætti

Ef niðurhal væri löglegt - Jekyll

Hefði ég verið að ná í þessa þætti frá BBC og væri jafnvel búinn að horfa á fyrstu 3 og þætti þeir ekki alvitlausir

Ef niðurhal væri löglegt

væri ég búinn að ná í fyrstu 4 þættina af Burn Notice og væri um það bil að tékka á þeim

Ef niðurhal væri löglegt

Myndi ég hiklaust mæla með Rescue Me

Sendum þetta á Bush

Hann hlýtur að vera ánægður með að búið er að leysa þetta víst hann neitaði að skrifa undir Kyoto samkomulagið af því að það var orðið of seint að bjarga andrúmsloftinu. Smá myndskeið sem lýsir ágætlega viðhorfi snillingsins.

Þrír félagar telja sig hafa leyst gróðurhúsavandann

Ef niðurhal væri löglegt

Myndi ég mæla með því að ná í Entourage. Byggðir að nokkru á lífi Mark Wahlberg. Einn skemmtilegasti karakterinn heitir Ari Gold, skapgóður náungi.

Fótboltakennsla - 3 endar

Eric Meijer - setti mynd af sér á netið í Liver peysu til að fá samning og Clouseau fékk hann frítt

Titi Camara - alltaf hægt að sjá á fyrstu 10 mínútunum hvort hann gæti eitthvað, þá var hann búinn að taka 5 hæla og 3 flikk sem urðu að takast til að hann gæti eitthvað

Neil Mellor - Fitubolla sem skoraði annað markið á móti Olympiakos árið sem Liver vann meistaradeildina, skoraði líka eitt gott á síðustu mínútunni á móti Arsenik