Allt í lagi, ég skal spyrja

Þýðir þunglyndi eiginlega ekki vanlíðan?

Sérkennileg fyrirsögn reyndar, er jafnframt verið að gefa til kynna að þunglyndi sé ekki þrálátur sjúkdómur?

Þunglyndi veldur meiri vanlíðan en margir þrálátir sjúkdómar

NFL byrjar eftir 3 tíma

Verst að geta ekki séð stórleikinn í kvöld, verð að láta textalýsingu og útvarp duga í kvöld. Hlakka annars til að sjá leikina á snilldarstöðinni Sýn í vetur. Hlakka líka meira til þegar seinni hálfleikur í þeim byrjar því þá er það beint og hægt að mute-a og hlusta á útvarpið á netinu. Reggie Bush spilar með Saints, smá vídjó með honum hér, hann er ekki seinn.

Þar sem ég er ekki alltaf allt of skýr þá er ég með í Pick´em leik hja Bill Simmons, þeim mikla snilldarpenna. Hér er mín spá fyrir fyrstu umferð, ég skal útskýra fyrir þér Halli ef þú skilur þetta ekki

NO +6,5

Denver -3,5

Pittsburgh -3,5

Green Bay +2,5

Houston -2,5

Jacksonville -5,5

Minnesota -2,5

New England -5,5

St.Louis -2,5

Washington -3,5

Detroit +2,5

San Diego -5,5

Seattle -6,5

Dallas -3,5

Baltimore +3,5

San Fran -3,5

Verði ykkur tveimur að góðu sem nenntuð að lesa alla leið hingað

Langir dagar

en skemmtilegir þessa vikuna. Búinn að vinna 12, 14 og 16 tíma síðustu þrjá daga en hef gaman af því enda við búin að koma kerfi í gang sem beðið hefur verið eftir lengi. Smá hnökrar en allt að ganga stóráfallalaust fyrir sig, vel þess virði að vera nokkra aukatíma til að koma þessu almennilega af stað. Byrja fljótlega í nýju vinnunni og gott að þetta kerfi er komið í gang.

Skólinn byrjaði í gær, kenningar í þróunarfræðum er þriðjudagskúrsinn. Það er dáldið öðruvísi stemning en í kúrsunum í vor, verður fróðlegt að sjá hvernig umræðurnar verða. Áhugavert efni en ég hef einhverra hluta vegna meiri trú á fimmtudagskúrsinum, hagnýtingu mannfræðinnar, kannski bara vegna þess að það er minni hópur. Ætla að setja verkefnin mín hérna inn í haust, þó ekki fyrr en að Fjóla vinkona mín er búin að lesa yfir þau, hún hefur alltaf nægan tíma í svoleiðis enda flutt á herstöðina, þar getur varla verið mikið að gerast

Jón Bjarni, eða Jón kæfa eins og hann ætlar víst að kalla sig á Bifröst, og Maja eru nágrannar í sveitinni, mér skilst á þeim að það sé ekkert djamm þarna, stífur lærdómur alla daga og öll kvöld. Þau rúlla þá skólanum upp. Maja, þú mátt annars fara að flytja í bæinn aftur, þetta er að verða orðið ágætt af sveitalífi hjá þér.

Skilningsleysi

er sennilega það sem er að angra hann. Merkilegt að vinna sömu vinnuna í næstum 8 ár og skilja ennþá ekkert hvað hann er gera. Er búinn að velta fyrir mér hvar annars staðar einhver kæmist upp með þetta en dettur ekkert almennilegt í hug. Honum er algjörlega stjórnað af nokkrum ríkum gaukum sem eru búnir að fá það sem þeir vilja.

Samsæriskenningar eru alltaf skemmtilegar, fann þessa um Bushgengið á gagnauga.is

George W. Bush: „Ég tárast“

Tvö síðustu liðin

sem ég spilaði með að spila í undanúrslitum bikarsins. Sá bróðurpartinn af leiknum og fannst þetta skemmtilegur leikur, sérstaklega miðað við veðrið. Fjölnir átti þetta skilið, eru með fljóta menn frammi og reyndar virkilega góða kantmenn, sérstaklega Tómas, sem ég hef ekki séð spila áður, alltaf gaman að sjá alvöru kantmenn sem taka menn á, dáldill Sævar Gísla í honum, svona týpa sem veit að hann er fljótari en varnamaðurinn og bara hleypur hann af sér.

Annars slatti búinn að gerast frá því síðast, lokagolfmótinu lauk með sigri yfirforgjafarsvindlarans Jónatans, hann reyndar rústaði mótinu og hefði líklega unnið þó hann hefði verið skráður með rétta forgjöf. Kveðjupartý með Ómari og Jón Bjarna á laugardag, það er skrýtið að þeir séu hættir og verður spes að hætta. Ég fer sem sagt að vinna á nýjum stað eftir nokkra daga sem vissulega verður skemmtilegt en ég á eftir að sakna Voda, mikið af skemmtilegu fólki sem maður hefur kynnst þar.

Hinn gullfallegi Fernando Torres og vinir hans í Liver löbbuðu yfir Derby á laugardaginn, lítið um það að segja annað en það sem vitað var áður, Torres er góður og Derby húrrar niður um deild. Alltaf gaman þegar Chelski tapar og ég er ánægður með að vera búinn að spila á Villa Park, O´Neill er að byggja upp ágætis lið þar.

Skólinn að byrja á morgun, skemmtilegur vetur framundan en krefjandi, 20 einingar og síðan rannsókn. Þar sem ég hef ekki minnstu hugmynd um hvernig maður vinnur Mastersrannsókn þá er líklega best að ég læri það í vetur  

Fjölnir úr 1. deild í bikarúrslitin gegn FH

Útlendingahersveit Blika

með 19 stig sagði Höddi Magg í Landsbankadeildarþættinum rétt í þessu, heppilegt orðalag hjá kallinum.

Samkvæmt KSÍ eru þeir með 5 erlenda leikmenn á sínum snærum. Þar af fengu þeir markmanninn eftir að Hjörvar meiddist. FH er með 3, Valur 3, ÍA 2, Fylkir 4(+1 með 1 leik), Keflavík 5, HK 3, Fram 5, Víkingur 2 og KR engan. Er það ekki heldur mikið að kalla þetta útlendingahersveit?

FH, Fylkir og ÍA höfðu sigur

Hræðann?

af hverju tók hún ekki routerinn og faldann í uppþvottavélinni, guttinn finnur hann þá ekki

Lögregla kölluð til vegna deilna um tölvunotkun

Enn einn hlekkurinn í keðju skynsamlegra ákvarðana

Af hverju 50? gott að hann finnur leiðir til að eyða peningum víst Bandaríkin skulda svo lítið

Bush sagður ætla óska eftir 50 milljarða dala aukafjárveitingu vegna Íraksstríðsins

Einbeita sér þá að deildinni

allavega lítið annað að gerast hjá Royland og Derby, annars er þetta sennilega skondnasti frasi sem maður heyrir eftir að lið detta út úr bikarkeppnum

Sunderland fékk skell

Létt hjá Liver

Þetta var nú heldur létt hjá Liver áðan, Toulouse gerðu eiginlega ekki neitt allan leikinn, Lucas Leiva og Leto spiluðu sína fyrstu leiki, Lucas leit betur út. Riðlarnir á fimmtudag, ætti ekki að verða allt of erfitt að fara upp úr honum.

Fékk heimsókn frá Þór Þormar áðan, hann er byrjaður í stýrimannaskólanum, já eða fjöltækniskólanum, gott hjá honum og við tökum stöðuna vikulega í haust. Lokagofmótið á föstudag, mig vantar caddie, tek á móti umsóknum á kommentasvæðinu, það verður allavega matur og meira eftir mótið þannig að það ætti ekki að vera alslæmt. Kveðjupartý á laugardag fyrir mig, Jón Bjarna og Ómaríó sem sagðist vera spenntari en feitur maður að bíða eftir muffins, ég er heldur spakari en þetta ætti að verða skemmtilegt kvöld enda fullt af skemmtilegu fólki sem verður þar.

Nóg að gera í vinnunni í þessari og næstu tvær reyndar líka, þessar síðustu rúmu tvær vikur verða líklega fljótar að líða og það verður skrýtið að hætta en jafnframt spennandi tímar framundan.

Ef niðurhal væri löglegt hefði ég horft á einn þátt af Flight of the Conchords en gefist upp á þeim, ekki fyrir mig. Kveð að þessu sinni með einhverju nýju úr ipodinum, hmm.... I Alone með Live en að þessu sinni með Magna úr Supernova