Gott að losna við hann

Hann er virkilega fær þjálfari sem hefur náð mjög góðum árangri með Chelski. Reyndar er hann dáldið lasinn í höfðinu en engu að síður góður þjálfari. Veit ekki alveg hver á að taka við þessu en þetta þýðir í raun að Chelsea vinnur ekki dollu á þessu ári, sem er gott. Opnar möguleika fyrir Liver og Arsenik að keppa við ManU um dolluna. Ætli Ferguson glotti núna?

José Mourinho hættir sem knattspyrnustjóri Chelsea

Pennant í hnotskurn

lét reka sig útaf eftir að vera búinn að reyna það frá því að hann fékk gult, þetta er akkúrat ástæðan fyrir því að það er ekki hægt að vera með hann í Liver, hann er of vitlaus, köllum það Bellamy syndrómið

Ekki nægilega gott

hjá Kjartani og félögum í kvöld. Nú þurfa þeir að vinna í Hafnarfirði til að vinna dolluna, þeir eru reyndar búnir að fá nokkra sénsa í sumar til að komasst uppfyrir FH en hafa ekki almennilega tekið sénsinn, sýnist þetta hafa verið síðasti sénsinn þeirra, trúi því eiginlega ekki að FH tapi heima og ekki tapa þeir á víkingsvelli í síðustu umferð, nema kannski ef þeir vinna Val og verða búnir með mótið fyrir síðustu umferð.

Valur og ÍA skildu jöfn og FH heldur toppsætinu

Leikjadagbók Liver-Portsmouth / smá Man U 15.9

12.17 Víti á Liver, meira ruglið

12.34 Bölvað bögg, sko ég var með fólk hérna í bjór og póker í gær og það er dáldið ryð í mér, vaknaði þess vegna aðeins eftir að Liver leikurinn byrjaði, er að detta í gírinn samt, best að flakka þá á milli leikjanna, það var verið að spjalda Ronna fyrir leikaraskap, það var samt brotið á honum

12.45 drasl, Vidic skoraði eftir horn, vel gert hjá honum

12.55 Deadari hjá Portsmouth en sem betur fer skaut hann Otaka(eða eitthvað) framhjá

12.58 voronin og crouching tiger eru sem sagt senterar, yossi inná líka, vissi ekki að þeir sýndu varaliðsleiki á sýn2

13.05 Hinn gullfallegi Fernando Torres á leið inná fyrir crouching tiger, það væri ágætt að fá 3 stig úr þessum leik, Liver eru ekki að gera mikið þessa stundina

13.09 hverjum dettur í hug að láta pennant taka auka, meiri dellan, og þá tók Yossi aukann, hvað level af dellu er það eiginlega, það hlýtur að vera betra að láta menn taka auka sem hafa einhvern tímann skorað, þó það væri ekki nema á æfingu

13.17 Gerri inná fyrir Pennant, smá power, Arnar Björnsson sagði að Babel væri þriðji hákarlinn sem væri að koma inná, vissi ekkiað Babel væri kominn í þann hóp, takk Arnar, annað færi hjá Portsmouth 

13.21 Getur einhver útskýrt fyrir mér af hverju Momo reynir að sóla, hann var að detta á rassinn eftir eitthvað misheppnað trix, hann lærir seint. Arnari finnst Portsmouth hafa eflst eftir skiptingarnar hjá Liver

13.27 83 búnar, ekki mikið að gerast í þessum leik, sýnist þetta vera í besta lagi 1 stig, vonandi getur Gerri reddað þessu

13.31 Beint frá Arnari: Torres reynir og reynir, Reynir Sandgerði

Liver og Chelski gerðu jafntefli, ManU og Arsenik unnu

Klapp klapp

fyrir 3 stigum í leik þar sem við vorum varla betri aðilinn

Klapp klapp fyrir frammistöðu Ragnars Sigurðssonar. Sterkur, fljótur og góður ungur hafsent, maður leiksins að mínu mati.

Klapp klapp fyrir áhorfendum sem létu ágætlega í sér heyra, það er gaman að landsleikjum og gaman að láta aðeins í sér heyra

Klapp klapp fyrir skiptingunum þegar þær loksins komu, mér fannst reyndar bæði Ólafur Ingi og sérstaklega Ásgeir Gunnar koma allt of seint inná en þetta reddaðist fyrir horn. Sérstaklega hefði Eyjólfur átt að bjarga Kára miklu fyrr, þetta var einn af þessum dögum hjá honum, einföldustu sendingar klikkuðu og honum leið held ég ekki vel þarna inná í seinni hálfleik. Í raun ekki við hann að sakast, það hafa allir fótboltamenn átt leiki þar sem það er eins og að maður sé að spila með plastbolta, hann fer einfaldlega ekki þangað sem maður vill að hann fari.

Klapp klapp var reyndar ákveðið vandamál eftir að Eiður kom inná, ekki að hann væri að klappa boltanum en Gunnar Heiðar og sérstaklega Emil klöppuðu boltanum of mikið þegar Eiður var að hlaupa í eyður. Þgar þeir gáfu boltann þá var það yfirleitt í vitlausu tempói, einu klapp of seint.

Klapp klapp fyrir dómara sem leyfði leiknum að ganga þegar senterar og hafsentar voru að fara í skallabolta, yfirleitt fá dómarar þá furðulegu hugmynd að dæma á það þegar menn eru að kljást aðeins um skallabolta úti á velli og dæma þá gjarnan til skiptis á hafsenta og sentera.

Klapp klapp fyrir íslensku landsliði sem hélt áfram að hlaupa og berjast þrátt fyrir að þeim gengi í raun ekki sérlega vel að byggja upp spil. Kristján er alltaf fínn í svona leiki, hann tæklar.

Klapp klapp fyrir 4 stigum í 2 leikjum sem ég hef séð með fyrrum landsliðsfyrirliða Jóni Péturssyni og verðandi leikmanni Barcelona, Aroni Frey

Ísland sigraði Norður-Írland 2:1

9 fuglar og einn örn hjá þeim

er akkúrat 9 fuglum og einum erni meira en ég hef náð á ævinni. En miðað við nöfnin þá ætti ég að vera jafn góður og þeir saman

Pétur og Björn léku sér að Garðavelli

Eðlilega

tekur crouching tiger stöðuna af heskey enda getur hann ekki neitt. Verð á leiknum í rigningunni á morgun ásamt fyrrum landsliðsfyrirliða Jóni Péturssyni og Aroni Frey, sérlegum knattspyrnuráðgjafa og verðandi leikmanni Barcelona. Það virkaði fínt síðast og verður vonandi jafn skemmtilegt og á laugardaginn.

Styttist í starfslok hjá Voda, síðustu dagarnir og ég er svona að átta mig á þessu. Merkilegt nokk þá hlakka ég annars til skólans á fimmtudag, mun skemmtilegra fag á fimmtudögum og miklu færri í tímanum eða kannski er það bara það að ég er eini gaukurinn þarna.

Ef niðurhal væri löglegt væri ég búinn að vera að horfa á Louis Theroux, breskan gauk sem gerir skemmtilega heimildamyndir um mannlífið, aðallega furðufugla í USA, smá sýnishorn hér

Skemmtileg helgi framundan líka, ætla að læra smá og horfa á slatta af fótbolta,

lofa leikjadagbók(um) fyrir Jón Bjarna, svo lengi sem ég ákveð ekki að fara að þrífa, reyndar megið þið þá gjarnan koma hér við og löðrunga mig því þá er eitthvað að.

Tekur Crouch stöðuna frá Heskey?

Góður leikur, góð úrslit

Við hefðum vissulega viljað vinna eftir að hafa verið svona lengi yfir en jafntefli á móti Spáni er ekki slæmt. Það sem var jafnvel betra var að sjá baráttuna í liðinu, viljann vantaði ekki. Við fengum sennilega fleiri færi en þeir þó þeir hafi verið miklu meira með boltann. Gaman að sjá Ragnar í hafsentinum, fljótur og sterkur náungi. Fyrrum landsliðisfyrirliði Jón Pétursson og Aron Freyr voru sammála um að leikurinn hafi verið góður og að liðið hafi staðið sig vel.

Fékk daprar fréttir áðan, Geiri El dó í dag. Toppkall og kannski besti íslenski þjálfarinn fyrr og síðar. Gerði Fram að því sem það varð á níunda áratugnum og gerði fína hluti með landsliðið. Hvað leikmenn hans hafa verið marga klukkutíma í reitabolta veit ég ekki en þeir lærðu af því sem og öðru sem hann hafði fram að færa. Fyrir utan að vera afbragðs þjálfari þá var hann skemmtilegur kall og góður vinur foreldra minna, heimurinn er verri staður án hans og hans verður sárt saknað.

Íslendingar og Spánverjar skildu jafnir, 1:1

Spennandi leikur

sem ég ætla að sjá með fyrrum landsliðsfyrirliðanum Jóni Péturssyni og verðandi leikmanni Barcelona(að eigin sögn) Aroni Frey. Ég hef mikla trú á liðinu fyrir þennan leik, held að vörnin verði sterk og miðjan traust. Ætli Gunnar Heiðar verði ekki frammi, hann hefur hraða og balls í að vera einn þarna, væri eiginlega best ef hægt væri að koma Hannesi einhvers staðar þarna fyrir líka, hann er buff og við höfum gott af því að hafa buff þarna inná. Rok og rigning skemmir ekki fyrir. Áfram Ísland

Eiður Smári: Skil ekki umræðu um áhugaleysi og metnaðarleysi

NFL byrjar eftir 3 tíma

Verst að geta ekki séð stórleikinn í kvöld, verð að láta textalýsingu og útvarp duga í kvöld. Hlakka annars til að sjá leikina á snilldarstöðinni Sýn í vetur. Hlakka líka meira til þegar seinni hálfleikur í þeim byrjar því þá er það beint og hægt að mute-a og hlusta á útvarpið á netinu. Reggie Bush spilar með Saints, smá vídjó með honum hér, hann er ekki seinn.

Þar sem ég er ekki alltaf allt of skýr þá er ég með í Pick´em leik hja Bill Simmons, þeim mikla snilldarpenna. Hér er mín spá fyrir fyrstu umferð, ég skal útskýra fyrir þér Halli ef þú skilur þetta ekki

NO +6,5

Denver -3,5

Pittsburgh -3,5

Green Bay +2,5

Houston -2,5

Jacksonville -5,5

Minnesota -2,5

New England -5,5

St.Louis -2,5

Washington -3,5

Detroit +2,5

San Diego -5,5

Seattle -6,5

Dallas -3,5

Baltimore +3,5

San Fran -3,5

Verði ykkur tveimur að góðu sem nenntuð að lesa alla leið hingað