Meira Idol

Ég hef afar gaman af Idol, reyndar finnst mér fyrstu þættirnar sístir en ágætir engu að síður, einhvers staðar á síðunni er fyrsta testið hennar Paris Bennett sem var rugl gott. 

Allavega er hér Jessica Brown að syngja lag sem Carrie Underwood á einhvers staðar hérna á síðunni

Þessi er ágætur en með afar sérkennilegt hobbí - Brandon Green

Leikjadagbók Ísland-Svíþjóð 17.1.2008

Jórsalir 4, engir gestabloggarar að þessu sinni.´

Ég veit sáralítið um handbolta annað en það sem ég sé í TV, ég var reyndar markmaður í handbolta í svona tvö ár þegar ég var fjórtán eða fimmtán. Þetta þýðir þá að ég er u.þ.b jafn hæfur í handboltalýsingar og Gaupi er í fótboltalýsingar. Munurinn er kannksi helst sá að ég vinn ekki við að lýsa þessu í sjónvarpi.

19.07 Hmm, ég veit ekki alveg hvernig þetta virkar í handbolta en best að ég reyni að finna byrjunarliðið. Birkir Ívar, Guðjón Valur, Garcia, Snorri, Óli, Alex og Róbert eða eitthvað í þá áttina. Þar sem skiptingar eru heldur frjálsari en í fótbolta þá þarf víst ekki að giska sérstaklega á skiptingamínútur

19.09 Markmenn skipta töluvert meira máli í handbolta en fótbolta. Með fullri virðingu fyrir Kjartani stórvini mínum þá er helsta krafan á fótboltamarkmenn að þeir séu solid og verji meira en útispilari myndi gera. Í handbolta geta þeir hins vegar oft á tíðum unnið leiki næstum því uppá eigin spýtur. Eiginlega eina íþróttin þar sem mér dettur í hug að einhver skiptir meira máli en handboltamarkmaður er íshokkímarkmaður. Nóg af almennu markmannstali annars

19.12 Ég hef afskaplega gaman af handboltastórmótum, það þyrfti heilan helling til að fá mig á deildarleik í handbolta en Íslendingar á stórmótum er eitthvað sem enginn vill missa af. Þjóðsöngurinn að byrja, þarf að standa upp...

19.16 Bara svo það sé á hreinu þá er Ólafur Stefánsson besti hópíþróttamaður sem Ísland hefur átt, hann hefur í dáldinn tíma verið einn besti handboltamaður heims og það er nóg. Eina ástæðan fyrir því að ég er ekki alveg viss hvort hann sé okkar besti íþróttamaður yfirleitt er að handbolti er dáldið spes íþrótt sem fáir spila

19.19 Ólafur Lárusson íþróttakennari er að lýsa með Geir Magnússyni, Ásgeir Örn er annars í liðinu en ekki Alexander, leikurinn er að byrja fljótlega

19.20 Lausin er kannski sú að ráða Gaupa sem handboltasendiherra, hann gæti séð um allar handboltalýsingar fyrir sjónvarpsstöðvarnar og blöðin, þessir miðlar hljóta að geta slegið saman í eina stöðu handa honum

19.22 Ég er alltaf hrifinn af Fúsa en Róbert er hreinlega betri, Birkir varði fyrsta skotið, vonandi að svíar skjóti hann í stuð, það er svona handboltalingo

19.23 Svíar byrjuðu með boltann en íslendingar fá fyrsta vítið sem snorri skoraði úr eftir að óli braust í gegn, 1-0

19.24 Birkir varði aftur en svíar fengu frákast og víti, Birkir varði það  inn, 1-1. Það væri nú sennilega að æra óstöðugan að telja upp öll mörkin hérna. Þarf ekki að telja þetta skot hjá Loga gelgerðarmanni, það fór svona hálfan metra framhjá

19.25 Íslandingar eru að spila 5-1 vörn, ég veti það af því að GUðjón er einhvers staðar annars staðar en í horninu og af því að þeir sögðu það í TV-inu, ég held að það sé næstum meira um hrindingar í handbolta en í amerískum fótbolta, einn svíin var að reyna skrúfu úr horninu en það skrúfaðist lítið, hitti allavega ekki teiginn, Birkir varði annars aftur eftir ruðning á Loga og hraðupphlaup

19.28 Handboltamenn eru töluvert meira naglar en fótboltamenn, allavega eru þeir töluvert massaðri

19.30 Logi með stökkskot, reyndar cirka þar sem hægri hornamaðurinn er venjulega og beint í varnarmann en allavega reyndi hann skot, við erum víst orðnir einum færri og einu undir

19.31 Birkir varði boltann inn, svíar tveimur yfir en ég hef ekki miklar áhyggjur af þessu, Íslendingar eru góðir í handbolta og eiga besti kallinn á vellinum, reyndar kannski tvo bestu ,Óla og Guðjón

19.33 Staðan í þrándheimi er annars 3-4, held að leikurinn sé allavega í þrándheimi

19.34 Nú þurfti ég að logga mig útaf msn því Eva systir heimtaði að segja brandara, hún kann ekki góða brandara

19.35 Snorri að láta verja frá sér víti, Guðjón Valur síðan að skora úr hraðupphlaupi stuttu seinna, hann er fljótur og reyndar gormur líka, tólf mínútur búnar og staðan 4-5

19.37 Gult spjald í handbolta er eitthvað það furðulegasta sem ég veti um í íþróttum, Róbert að brenna af öðru færi, kannski bara reglurnar um ruðning sem eru skrýtnari, nema reyndar þegar Héðinn Gilsson vinur minn var að spila, það var yfirleitt dáldið augljós ruðningur. Veit annars einhver hvort það var oftar dæmdur ruðningur á Héðinn eða Júlíus Jónasson? 

19.40 Tomas Svenson er að verja ágætlega, það er ekki alveg nýtt, Birkir varði síðan líka, Íslendingar eru hreinlega betri í handbolta en Svíar þó það verði að viðurkennast að það hefur ekki alltaf verið þannig

19.41 Jú var að fatta eitt sem er furðulegra í handbolta, dómgæslan er stórskrýtin yfir höfuð, vissulega held ég að ruðningsreglan sé skrýtnust en þetta með ólöglegar blokkeringar og svoleiðis í íþrótt sem byggist að töluverði leyti uppá hrindingum er dáldið spes, Íslendingar annars í hratt upphlaup en svíar skora úr hraðupphlaupi, það gerist allavega hellingur í handbolta

19.45 Miðað við hvað þeir hlaupa og hoppa mikið þá skil ég ekki alveg hvernig þeir geta spilað leiki með svona stuttu millibili, var að taka eftir því að Garcia er inná, þetta hefði alveg eins getað verið Logi eftir að skipta um gel, leikhlé og Alfreð segir að þeir séu að spila of hægt

19.47 Brotið á Róberti og íslendingar fengu víti, Óli að taka það núna, mark, 7-8 og tuttugu búnar, við einum fleiri

19.49 Pierre Litbarski að skora lengst innan úr horninu eða allavega einhver sem er líkur honum, annars svíi rekinn útaf fyrir að kýla Óla í magann, það má sem sagt hrinda en ekki kýla

19.51 Dæmd skref á Garcia og við tveimur fleiri, það er ekkert spes, einn svíi kominn inná aftur

19.52 Hafið þið annars hugmynd um hvenær á að gefa merki um leiktöf eða hvort það skipti máli hvað sé mikið eftir af leiknum þegar það er ákveðið, ætli dómararnir viti það?

19.53 Guðjón Valur að skjóta yfir úr hraðupphlaupi, það er dáldið lélegt að hitta ekki markið þegar maður fær að hoppa inní teiginn, Einar og Logi komnir inná, Einar neglir allavega eða reyndar ekki því Snorri henti útaf

19.55 tvígrip á Svía og Einar skorar eftir einhvers konar hallasérafturábakogbeygjasigíhnjánum gabbhreyfingu, gott mark og svíar brenndu síðan af víti

19.56 Guðjón með skot í góðu færi fyrir miðju en í slána, svíar skora síðan, 9-11, þetta er annað skiptið sem við klikkum á færi og svíar fara upp og auka muninn í tvö, Einar með skot úr kyrrstöðu en Svenson varði

19.58 Tuttugu sekúndur eftir, við í sókn, Óli með standskot framhjá, staðan í hálfleik er 9-11, dáldið lítið skorað sem sagt. Eitt sem ég er samt að pæla í með handbolta, er einhver önnur íþrótt þar sem maður fær skráða leiki án þess að spila? Jakob Sigurðsson á held ég yfir 200 landsleiki en ég sá helling af þeim og Gummi Gumm fór aldrei útaf, allavega sjaldan, það er svo sem ok en ég á þá svona tuttugu deildarleiki með Hammarby en ekki sjö eða átta, smá hlé víst það er hálfleikur

20.04 Gummi er að tala um að liðið þyrfti að hraða leiknum og taka sér meiri tíma, ég skil greinilega handbolta ekki því ég veit ekkert hvað hann er að tala um, Júlíus Jónasson er hins vegar alveg svakalega brúnn

20.07 Auglýsing um mynd sem heitir disturbia, allir raðmorðingjar búa við hliðina á einhverjum, frábær spennumynd með sjía leböff í aðalhlutverki, kannski horfi ég ekki nóg á sjónvarp og myndir en ég hef aldrei heyrt um sjía leböff

20.09 Tvær auglýsingar með strákunum okkar, sú seinni frá Kaupþing með Birki Ívari að koma úr sturtu, mikið er ég feginn að Silfur Egils notar ekki sömu auglýsingahugmynd

20.11 Geir sagði að Einar hefði skotið rétt framhjá en það hefði allavega verið fast, það er dáldið eins og ég í fótbolta í sporthúsinu, Snorri með sérstakt trix, hann tók einhvers konar hliðarvalhopp til vinstri og svo standskot í svona 3 varnarmenn sem stóðu þar.

20.13 Íslendingar byrjuðu með boltann og svíar skoruðu fyrstu tvö mörkin, það er vonlaust að byrja með boltann á þessu móti, Logi skoraði með góðu skoti en Anderson líka, 10-14

20.14 Óli nennti ekki að bíða, skaut í skeytin af 10 metrum, svona Sigga Sveins mark

20.15 verst að svíarnir skorðu strax aftur, 11-15, Logi er með dáldið fínt hár en Svenson varði frá honum, Birkir varði síðan úr góðu færi, hann er samt ekki með jafn fínt hár og Logi enda framleiðir hann ekki sitt eigið gel

20.17 Sérstök sókn hjá okkar mönnum og svíar náðu boltnaum, svíar voru víst að setja upp í kerfi, ég kann ekki eitt handboltakerfi, þeir fengu hins vegar víti, Birkir fer til Alfreðs þegar þeir fá víti, ég næ ekki alveg því trixi, allavega skoraði svíinn, 11-16, dæmd hindrun á Vigni Svarsson, Ólafur Lárusson segir að íslenski sóknarleikurinn sé hræðilegur, allavega erum við búnir að skora 11 mörk á rúmum 39 mínútum, það eru þá um 17 mörk í leik, 11-17 og svíar með boltann

20.22 Guðjón Valur er orðinn miðjumaður og Hannes Jón kominn í hornið, reyndar var Guðjón að fara útaf í tvær mínútur, koma svo Ísland

20.23 Fimm á móti fimm og staðan 11-18, nítján eftir. Svíar spila góða vörn sýnist mér, Snorri fékk dæmt á sig og á sama tíma sögðu Óli og Geir skref/ruðningur, Svíar misstu boltann síðan og gelið hans Loga fékk víti og tvær á einhvern, tólfta markið kom ekki, hinn markmaðurinn varði vítið, við erum sem sagt búnir að skora tvö mörk á þrettán mínútum í seinni, eitthvað hefur hálfleiksræðan hans Alfreðs klikkað eftir níu marka fyrri, leikhlé hjá okkur. Dáldið skondið að Geir og Óli heyra ekki það sem Alfreð er að segja en við heyrum það, Geir ákvað þá að giska á að það ætti að auka hraðann, er ekki almennt bara betra að sleppa því að segja eitthvað í stað þess að giska

20.28 Við einum fleiri, en það vill enginn skjóta, Einar með gegnumbrot og honum hrint en ekkert dæmt, hann var ekki kýldur þannig að þetta er í lagi í handbolta. Nú fáum við annað víti, Garcia sleppir því alveg að skjóta, ætli hann sé þá svona góður sendingamaður? allavega hélt ég að hann væri skytta, Guðjón Valur að skora tólfta markið þegar 44:40 eru búnar

20.31 Sónarleikur svía er ekkert spes heldur eða reyndar íslenska vörnin góð

20.32 Svenson að verja úr góðu færi hjá Guðjóni, Geir var að segja að enginn væri að hjálpa Garcia þegar hann hoppaði upp, þeir kannski hafa haldið að hann myndi skjóta.

20.33 Óli Lár sagði að Garcia hefði verið góður með sínu félagsliði fyrir áramót, það er svona kurteis leið til að segja að hann hafi ekki verið að spila vel í þessum leik

20.34 Svenson að verja skot frá Einari, hann er búinn að vera góður í þessum leik, svíar skora 13-21, þetta fer að verða erfitt, ellefu eftir og Hreiðar kominn í markið, Svenson ver frá Einari

20.36 Garcia henti boltanum í lappirnar á einhverjum okkar manna, svíar komnir í 13-23 og þá er þetta því miður formlega búið. Ég er augljóslega óhappa í þessu handboltaleikjabloggi, mun klárlega ekki reyna þetta aftur enda kannski betra að halda sig við íþróttir sem maður veit meira um en það sem maður hefur séð í sjónvarpi, kannski að ákveðin sjónvarpsstöð taki það líka til fyrirmyndar

20.39 Hinn markmaðurinn hjá svíum er með fínasta hár þó hann sé með smá nöttarasvip, við erum tveimur fleiri en vorum að klikka á hraðaupphlaupi, staðan er sem sagt 16-23 og fimm eftir

20.42 Hreiðar ver fimmta skotið sitt, málið er að mér finnst vörnin og markvarslan hafa verið alveg í góðu lagi en það er sennilega ekki nógu gott að vera komnir með sautján mörk á rúmum 56 mínútum. Ekki það að ég viti mikið um varnarleik í handbolta en miðað við að svíarnir eru bara komnir með 23 mörk á 56 mínútum þá er það sennilega bara nokkuð gott, þarf nefnilega að líta á björtu hliðarnar skiljiði

20.45 Það er dáldið með handbolta eins og aðrar íþróttir, ef liðið manns er að tapa illa þá er þetta ekkert sérstaklega skemmtilegt

20.47 Rétt um mínúta eftir og þetta sem sagt að fjara út, vonum að næstu leikir gangi betur, reyndar búið núna og endaði 19-24, maður leiksins þá væntanlega Tomas Svenson, ætla að taka til við annan þáttinn í Idol

Kady Malloy

þessi er góð, er eiginlega viss um að ef ég set nógu marga hérna inn þá geti ég sagst hafa giskað á sigurvegarann snemma

Meira úr fyrsta þætti

ef niðurhal væri löglegt þá væri ég sem sagt að horfa á fyrsta Idol þáttinn, tvö í viðbót sem voru góð

Sú fyrsta góða þetta árið

eða kannski er það útlitið?

A.I.7

að byrja. Var að klára þriðju seríu af so you think you can dance, þættir sem skánuðu helling eftir því sem á leið, þarf víst að finna mér eitthvað annað að gera þá í næstu viku

Stelpa sem vann þriðju seríu, hún er hér

70/15/4/3/2

Sjötíu mínútur var ágætur sjónvarpsþáttur, það er líka tíminn sem tók mig að komast heim úr vinnunni áðan, tekur venjulega svona korter

Fimmtán ár síðan við Dagur keyrðum hringinn í Bandaríkjunum, fimmtán sentimetra jafnfallinn snjór á bílnum mínum eftir vinnuna í dag, átta mig reyndar ekki almennilega á því af hverju er talað um jafnfallinn snjó

Fjórar deildir sem ég spilaði í á Íslandi, ef niðurhal væri löglegt þá væru fjórir tímar í fyrsta þátt sjöundu seríu af american idol af því að ég gleymdi að kveikja á niðurhalinu í morgun fyrir vinnu

Þrjár stelpur og þrír strákar eftir í so you think you can dance í þriðju seríunni sem ég horfi á, á rétt um viku

Tvær vikur í heimsókn á Bifröst og tveir dagar í heimsókn frá Evu, Niclas og co.

Gott lag

sem merkilegt nokk var notað aftur og aftur í dansþættinum áðan

Waiting on the world to change

Leikjadagbók Liverpool-Luton 15.1.2008

Jórsalir 4, engir gestabloggarar að þessu sinni enda gerist þess vart þörf. Ég held að það sé búið að selja hálf Luton liðið frá því síðast, það hjálpar þeim varla

19.47 Var heldur snemma á ferðinni að þessu sinni, munaði litlu að leikjadagbókin þyrfti að hefjast á því að Pétur Jóhann væri að veiða lax, hann er betri í Thule auglýsingunum

19.50 Liðið er annars Itandje, Arbeloa, Carra, Hyypia, Riise, Pennant, Gerri, Alonso, Babel, Crouch og hinn gullfallegi Fernando Torres. Það á greinilega að vera skotæfing í dag, Gerri og Torres báðir í liðinu. Þetta gæti farið illa, ef Liver skorar snemma þá gæti þessi leikur snúist upp í tóma dellu, ekki bara það að þeir labbi yfir Luton heldur vilja þeir síðan sennilega ekki skora alt of mörg.

19.53 Gummi Ben er einn í settinum, það mætti gjarnan vera þannig oftar, hann bæði veit slatta um fótbolta og er vinur hælspyrnunnar. Klakksparkens vänner er sponsorafélagið hjá Hammarby

19.54 Don Hutchinson er í liðinu hjá Luton, hef lítið við söguna frá síðasta leik að bæta. Carra er fyrirliði í sínum fimm hundraðasta leik fyrir Liverpool. Martin, Lucas, Harry, Aurelio og Kuyt eru á bekknum. 

19.56 Holy smoke, Don Hutchison er hafsent, ég get eiginlega ekkert sagt til viðbótar við það 

19.58 ég kann vel við Carra, hann er nagli. Ég kann hins vegar ekki vel við ísskápinn minn, hann er tómur

19.59 Leikurinn hafinn, ég ætla að spá 9-1

20.01 Ekkert færi ennþá en ein hælsyrna hjá Torres og nú ein hjá Arbeloa

20.02 Hutchison stoppaði Gerra, hafði meira með það að gera að Gerri fór of nálægt en að Hutch hafi gert eitthvað spes

20.03 Luton fékk annars fyrsta hornið, Crouch skallaði frá

20.05 Pennant með fína fyrirgjöf og Crouch skallaði framhjá í góðu færi

20.06 Luton fékk líka horn nr. 2, Itandje kýldi það frá

20.07 Pennant með nýtt trix, tók boltann á magann og öxlina og þaðan til Lutonkalls

20.07 Fín sókn og Babel með beyglu í stöng, gott skot eftir dapra móttöku

20.09 Fyrsta hornið hjá Liver, Pennant með fljótandi rist sem átti að fara á Crouch, fór ekki á hann, Crouch með skot framhjá fljótlega á eftir, veit ekki hvernig hann fékk ekki horn en það er allavega rigning í Liverpool

20.11 sex þúsund stuðningsmenn Luton mættir á leikinn, það er meðaltalið þeirra á heimaleikjum

20.12 Torres að reyna rennatilvinstrioghlaupatrixið sitt en það virkaði ekki, komst síðan í skotfæri en skaut 12 metra yfir

20.14 Gerri og Torres að reyna þríhyrning, Gerri var blokkaður og vildi auka, fékk ekki en Liver var að fá gefins horn, það var Jackson sem gaf þeim það

20.16 Hmm, ágætt spil en Crouch reyndi að skoppa boltanum á markið, einn hjá Luton síðan með skot sem hitti reyndar markteiginn

20.19 Pennant reyndi að taka einn á áðan, náði allavega að vera samsíða honum þegar hann missti boltann

20.20 Carra með trix og fyrirgjöf, fínt trix og fínasta fyrirgjöf, Liver með horn, Pennant reynir þá beyglu

20.21 Pennant með fyrirgjöf afturfyrir, 22 búnar og staðan er 0-0, Jón Bjarni spáir 1-1 og Carra skori bæði, ég er til í jafntefli ef Carra jafnar metið hans Paul McGrath og skorar öll mörkin í 2-2 leik

20.23 Torres með utanfótarfyrirgjöf og Hutch hreinsaði í horn, hornið fór síðan í magann á fyrsta varnarmanni, skapaði litla hættu

20.25 Gerri og Torres að reyna þríhyrning sem virkaði ekki, það verður vonandi ekki þema hjá þeim

20.25 Maður leiksins frá því síðast, Talbot, er meiddur eftir að Babel hljóp hann niður, hann er eitthvað haltur eftir þetta

20.27 Pennant með hlaup og síðan of stutta 5 metra sendingu á Torres, Pennat án hraða er eins og Sammy Lee án knattspyrnuskilnings

20.29 Hálftími búinn, staðan ennþá 0-0, það er víst annars búið að kaupa Luton, leikmennirnir fá þá kannski borguð laun, það er alltaf betra

20.32 Gerri með skot í varnarmann eftir ágætis upphlaup, horn sem fór í hnéð á fyrsta varnarmanni, dapurt finnst mér

20.33 Pennant með eitthvað trix, gaf síðan 5 metra sendingu útaf, merkilegt að komast að því hvað gerist í kollinum á Pennant, það snýst allavega ekki um fótbolta. Babel með skot í Crouch og síðan Gerri með skot í varnarmann þegar hann átti að vera löngu búinn að gefa á Torres, allt eitthvað klént, eins og svo margir undanfarnir leikir Liver

20.37 Ég er ekki viss um að línuvörðurinn kunni innkastsregluna, sá sem sparkar útaf á ekki að fá inkastið, einhvern misskilningur hjá honum

20.39 Ætli ég nái m.c. steakhouse í hálfleikshléinu? kannski sjoppupylsu? það er ekki gott að vera svangur í leik. Ætli ísskápurinn sé tómur af því að ég er alltaf að gleyma að fara í búðina?

20.42 Allt of þröngt spil hjá Liver, Gerri stóð núna 10 metrum fyrir utan teig og tók skæri í 20 sekúndur, Torres núna með skot í Hutchison. Pennant síðan með sendingu í magann á Gerra, háklassaleikmaður. Gerri með hælklobba upp í hornið á Babel, Liver með horn

20.44 Hutchison skallaði hornið frá og skallaði svo skotið frá Gerra í burtu, einni mínútu bætt við. Það verður kjúklingapasta í matinn. Torres með sendingu á Babel, gott skot í fjær og 1-0, fínt mark

20.47 Hálfleikur, nú verður gert smá hlé á meðan ég tek til við kjúklingapastað

21.04 Seinni byrjaður, engar skiptingar, ég tafðist örlítið því ég var að klára núðlusúp.... nei ég meina kjúklingapastað

21.08 Pennant með 5 metra sendingu á Gerra sem fór reyndar í aðra átt og á einhvern Luton kall

21.09 Pennant með fyrirgjöf á Crouch sem skallaði á Gerra sem skallaði í markið, svona klafslegt en telur

21.11 Crouch renndi sér á stöngina, honum fannst það ekki gott held ég

21.13 Torres með skot yfir, þrjú horn í röð hjá Liver, það á að vera víti

21.14 Fengu ekki vítið en Gerri með horn á Hyypia sem skoraði, 3-0, það er heldur farið að halla undan fæti hjá Luton, skiptingar á leiðinni, vonandi Torres og Gerri útaf

21.16 Gerri með skot í Crouch, Crouch er þá búinn að verja tvö góð skot og renna sér á stöngina, honum er sennilega illt

21.18 Slakt hjá Torres, einn Luton kallinn kom honum einum innfyrir en Fernando var allt of lengi að dunda sér við að taka boltann niður, varð ekkert úr því

21.20 Var að fá skemmtilegt komment frá Unu Matthildi, hún er hluti af uppáhalds fjölskyldunni minni á Ólafsfirði, Eggert, Hafdís, Heiða Kristín, Una Matthildur og Friðrik Hermann eru toppfólk, ég var helling þar á Leifturstímanum, eiginlega mitt annað heimili í 6 ár. Spurning um að fara með minime í smá roadtrip í sumar í fjörðinn

21.23 Gerri að skora 4-0, 66 búnar, það var einhver skipting þarna sem ég missti af, best að tékka.

21.24 Kuyt fyrir Crouch var það víst, einhver fyrir einhvern hjá Luton

21.26 Ég veit ekki hvernig Kuyt ætlaði að skora utanfótar með hægri, vinstra megin við markteiginn og boltinn eiginlega í kyrrstöðu, markmaðurinn höndlaði þetta allavega. Hyypia að fá sér gult spjald fyrir að hlaupa einn niður, klókt í ljósi þess að staðan er 4-0, best að leiðrétta það, Gerri með gott skot, 5-0. Það sem er hins vegar verra er að Torres var að meiða sig. Gerri að fara útaf fyrir Leiva, sýnist Torres alveg vera til í að fara útaf líka

21.30 Jebbs, hann fékk að hvíla sig, Aurelio inná fyrir hann, fínt fyrir Hutchison að fá þá Babel fram. Fínt run hjá Babel og Kuyt með skot í hendina á einum, ekki víti samt, allavega ekki dæmt.

21.31 Talbot er töluvert betri en Pennant, er reyndar ekki kantari en miðað við hvernig Pennant verst þá er hann það hvort eð er ekki heldur, verst að Luton myndi ekki einu sinni vilja skipta þó Liver borgaði launin fyrir þá báða

21.34 Ég veit ekki hvað kom fyrir skottæknina hjá Riise, hann hefur ekki hitt markið síðan á síðasta tímabili

21.37 Tíu mínútur eftir, Kuyt skoraði en það voru svona 30 sekúndur síðan hann var flautaður rangstæður, vantar núna bara 5 mörk á síðustu 10 til að spáin mín rætist. Pennant vann annars næstum því boltann áðan, Kuyt tók síðan boltann af Lucas í þessu líka fína skotfæri, boltinn útá kant og Kuyt síðan með skalla framhjá, Liver eru merkilegt nokk búnir að vera betri í þessum leik, ekki hægt að segja það sama um fyrri leikinn

21.41 var ekki búinn að taka eftir því en markmaðurinn hjá Luton tekur ekki útspörkin, vinstri bakvörðurinn kemur og tekur þau, þetta er orðið afar sjaldgæft, reyndar tók ég stundum útspörkin á Raufarhöfn, það sem kannski var sjaldgæfara var að ég kom til baka og tók þau líka í leiknum þegar ég var senter

21.48 Þetta er að klárast, endar 5-0 fyrir liver og frekar þægilegur seinni, ég þarf hins vegar að taka til við þriðju seríuna af so you think you can dance aftur, á tæplega helming eftir

American Idol Season 7

byrjar í kvöld. Það er ekkert sérstakt leyndarmál að ég fíla þessa þætti og er búinn að sjá allt nema hluta af seríu 3, ef niðurhal væri löglegt þá mætti einhver benda mér á hvar ég finn þá seríu.

Í tilefni þessa merka dags ætla ég að setja inn eitthvað með þeim 6 sem hafa unnið keppnirnar til þessa, allt alveg ágætis fólk nema reyndar Taylor Hicks sem vann fimmtu seríu, hann er gerpi.

Kelly Clarkson, Ruben Studdard, Fantasia Barrino, Carrie Underwood, Taylor Hicks, Jordin Sparks.