Bæ Voda

Síðustu tímarnir hér hjá Vodafone, sérstakt að vera að kveðja fyrirtækið eftir tæp 6 ár en skemmtilegir tímar framundan hjá Valitor, byrja þar á mánudag kl 9, spennó.

Við hæfi að enda þá á Vodafone laginu...

Búhú

hún hefur lítið breyst eða?

og vinsamlegast segið ekki Nylon að ég hafi sett inn Britney Spears vídjó, þær gætu orðið pirraðar

Spears sögð hafa grátið baksviðs

Eðlilega

tekur crouching tiger stöðuna af heskey enda getur hann ekki neitt. Verð á leiknum í rigningunni á morgun ásamt fyrrum landsliðsfyrirliða Jóni Péturssyni og Aroni Frey, sérlegum knattspyrnuráðgjafa og verðandi leikmanni Barcelona. Það virkaði fínt síðast og verður vonandi jafn skemmtilegt og á laugardaginn.

Styttist í starfslok hjá Voda, síðustu dagarnir og ég er svona að átta mig á þessu. Merkilegt nokk þá hlakka ég annars til skólans á fimmtudag, mun skemmtilegra fag á fimmtudögum og miklu færri í tímanum eða kannski er það bara það að ég er eini gaukurinn þarna.

Ef niðurhal væri löglegt væri ég búinn að vera að horfa á Louis Theroux, breskan gauk sem gerir skemmtilega heimildamyndir um mannlífið, aðallega furðufugla í USA, smá sýnishorn hér

Skemmtileg helgi framundan líka, ætla að læra smá og horfa á slatta af fótbolta,

lofa leikjadagbók(um) fyrir Jón Bjarna, svo lengi sem ég ákveð ekki að fara að þrífa, reyndar megið þið þá gjarnan koma hér við og löðrunga mig því þá er eitthvað að.

Tekur Crouch stöðuna frá Heskey?

Bush - Vanity Fair - Ágúst

Fyrir þá sem nenna að lesa þá er hér meira stöff um Bush, skemmtilega vel skrifuð grein eftir David Halberstam.

http://www.vanityfair.com/politics/features/2007/08/halberstam200708

Góður leikur, góð úrslit

Við hefðum vissulega viljað vinna eftir að hafa verið svona lengi yfir en jafntefli á móti Spáni er ekki slæmt. Það sem var jafnvel betra var að sjá baráttuna í liðinu, viljann vantaði ekki. Við fengum sennilega fleiri færi en þeir þó þeir hafi verið miklu meira með boltann. Gaman að sjá Ragnar í hafsentinum, fljótur og sterkur náungi. Fyrrum landsliðisfyrirliði Jón Pétursson og Aron Freyr voru sammála um að leikurinn hafi verið góður og að liðið hafi staðið sig vel.

Fékk daprar fréttir áðan, Geiri El dó í dag. Toppkall og kannski besti íslenski þjálfarinn fyrr og síðar. Gerði Fram að því sem það varð á níunda áratugnum og gerði fína hluti með landsliðið. Hvað leikmenn hans hafa verið marga klukkutíma í reitabolta veit ég ekki en þeir lærðu af því sem og öðru sem hann hafði fram að færa. Fyrir utan að vera afbragðs þjálfari þá var hann skemmtilegur kall og góður vinur foreldra minna, heimurinn er verri staður án hans og hans verður sárt saknað.

Íslendingar og Spánverjar skildu jafnir, 1:1

Spennandi leikur

sem ég ætla að sjá með fyrrum landsliðsfyrirliðanum Jóni Péturssyni og verðandi leikmanni Barcelona(að eigin sögn) Aroni Frey. Ég hef mikla trú á liðinu fyrir þennan leik, held að vörnin verði sterk og miðjan traust. Ætli Gunnar Heiðar verði ekki frammi, hann hefur hraða og balls í að vera einn þarna, væri eiginlega best ef hægt væri að koma Hannesi einhvers staðar þarna fyrir líka, hann er buff og við höfum gott af því að hafa buff þarna inná. Rok og rigning skemmir ekki fyrir. Áfram Ísland

Eiður Smári: Skil ekki umræðu um áhugaleysi og metnaðarleysi

Langir dagar

en skemmtilegir þessa vikuna. Búinn að vinna 12, 14 og 16 tíma síðustu þrjá daga en hef gaman af því enda við búin að koma kerfi í gang sem beðið hefur verið eftir lengi. Smá hnökrar en allt að ganga stóráfallalaust fyrir sig, vel þess virði að vera nokkra aukatíma til að koma þessu almennilega af stað. Byrja fljótlega í nýju vinnunni og gott að þetta kerfi er komið í gang.

Skólinn byrjaði í gær, kenningar í þróunarfræðum er þriðjudagskúrsinn. Það er dáldið öðruvísi stemning en í kúrsunum í vor, verður fróðlegt að sjá hvernig umræðurnar verða. Áhugavert efni en ég hef einhverra hluta vegna meiri trú á fimmtudagskúrsinum, hagnýtingu mannfræðinnar, kannski bara vegna þess að það er minni hópur. Ætla að setja verkefnin mín hérna inn í haust, þó ekki fyrr en að Fjóla vinkona mín er búin að lesa yfir þau, hún hefur alltaf nægan tíma í svoleiðis enda flutt á herstöðina, þar getur varla verið mikið að gerast

Jón Bjarni, eða Jón kæfa eins og hann ætlar víst að kalla sig á Bifröst, og Maja eru nágrannar í sveitinni, mér skilst á þeim að það sé ekkert djamm þarna, stífur lærdómur alla daga og öll kvöld. Þau rúlla þá skólanum upp. Maja, þú mátt annars fara að flytja í bæinn aftur, þetta er að verða orðið ágætt af sveitalífi hjá þér.

Tvö síðustu liðin

sem ég spilaði með að spila í undanúrslitum bikarsins. Sá bróðurpartinn af leiknum og fannst þetta skemmtilegur leikur, sérstaklega miðað við veðrið. Fjölnir átti þetta skilið, eru með fljóta menn frammi og reyndar virkilega góða kantmenn, sérstaklega Tómas, sem ég hef ekki séð spila áður, alltaf gaman að sjá alvöru kantmenn sem taka menn á, dáldill Sævar Gísla í honum, svona týpa sem veit að hann er fljótari en varnamaðurinn og bara hleypur hann af sér.

Annars slatti búinn að gerast frá því síðast, lokagolfmótinu lauk með sigri yfirforgjafarsvindlarans Jónatans, hann reyndar rústaði mótinu og hefði líklega unnið þó hann hefði verið skráður með rétta forgjöf. Kveðjupartý með Ómari og Jón Bjarna á laugardag, það er skrýtið að þeir séu hættir og verður spes að hætta. Ég fer sem sagt að vinna á nýjum stað eftir nokkra daga sem vissulega verður skemmtilegt en ég á eftir að sakna Voda, mikið af skemmtilegu fólki sem maður hefur kynnst þar.

Hinn gullfallegi Fernando Torres og vinir hans í Liver löbbuðu yfir Derby á laugardaginn, lítið um það að segja annað en það sem vitað var áður, Torres er góður og Derby húrrar niður um deild. Alltaf gaman þegar Chelski tapar og ég er ánægður með að vera búinn að spila á Villa Park, O´Neill er að byggja upp ágætis lið þar.

Skólinn að byrja á morgun, skemmtilegur vetur framundan en krefjandi, 20 einingar og síðan rannsókn. Þar sem ég hef ekki minnstu hugmynd um hvernig maður vinnur Mastersrannsókn þá er líklega best að ég læri það í vetur  

Fjölnir úr 1. deild í bikarúrslitin gegn FH

Létt hjá Liver

Þetta var nú heldur létt hjá Liver áðan, Toulouse gerðu eiginlega ekki neitt allan leikinn, Lucas Leiva og Leto spiluðu sína fyrstu leiki, Lucas leit betur út. Riðlarnir á fimmtudag, ætti ekki að verða allt of erfitt að fara upp úr honum.

Fékk heimsókn frá Þór Þormar áðan, hann er byrjaður í stýrimannaskólanum, já eða fjöltækniskólanum, gott hjá honum og við tökum stöðuna vikulega í haust. Lokagofmótið á föstudag, mig vantar caddie, tek á móti umsóknum á kommentasvæðinu, það verður allavega matur og meira eftir mótið þannig að það ætti ekki að vera alslæmt. Kveðjupartý á laugardag fyrir mig, Jón Bjarna og Ómaríó sem sagðist vera spenntari en feitur maður að bíða eftir muffins, ég er heldur spakari en þetta ætti að verða skemmtilegt kvöld enda fullt af skemmtilegu fólki sem verður þar.

Nóg að gera í vinnunni í þessari og næstu tvær reyndar líka, þessar síðustu rúmu tvær vikur verða líklega fljótar að líða og það verður skrýtið að hætta en jafnframt spennandi tímar framundan.

Ef niðurhal væri löglegt hefði ég horft á einn þátt af Flight of the Conchords en gefist upp á þeim, ekki fyrir mig. Kveð að þessu sinni með einhverju nýju úr ipodinum, hmm.... I Alone með Live en að þessu sinni með Magna úr Supernova

Áhugavert

virðist það vera allavega að fá 2500 kall á tímann fyrir að þrífa íbúðina mína, fjórir búnir að lýsa yfir áhuga á þessu, reiknaði satt að segja ekki með að þurfa að velja úr, fer í það eftir helgina, ætti þá að vera hægt að fara í þetta næsta laugardag eða mánudag. Tekur ekki meira en 2 tíma þannig að ég reikna með að þetta sé þá auðvelddur 5000 kall, ég verð allavega feginn að þurfa ekki að standa í því. Hmm, gleymdi að tékka á því hvort ég þurfi þá að fara að kaupa fötu og stöff, ég uppgötvaði áðan að ég á moppu, veit ekki alveg hvenær ég keypti hana, læt venjulega duga að ryksuga.

Er annars að horfa á 60 mínútur á st2+, það er grunsamlega heitt hérna inni, hitaleiðslurnar í gólfi og veggjum í stað hefðbundinna ofna, það væri betra að hitastilligismoinn virkaði þá almennilega, sem hann gerir ekki.