Vegna fjölda áskorana er ég ekki byrjaður

á Seinfeld ennþá. Eins og sést á kommentunum þá er að verða fullbókað í Seinfeld um helgina, gæti verið eitt laust pláss þannig að það fer hver að verða síðastur að eyða helgi í að horfa á allt of mikið TV. Ef niðurhal væri löglegt þá hefði ég verið að ná í Earl, þátt 2 af Californication og mynd sem heitir School for Scoundrels með Billy Bob Thornton. Ég væri þá búinn að horfa á þættina og væri að horfa á þessa mynd í þessum skrifuðu orðum. Mikil tímaeyðsla enda ekkert að gerast í henni, snilld því þá breytir litlu þó ég missi af slatta við að skrifa þetta.

Maja vinkona mín er að fara á Bifröst og það án þess að heimsækja mig, dapurt verð ég að segja. Sérstaklega þar sem að allt stefnir í að ég verði ekki með henni um áramótin, höfum nefnilega unnið saman síðustu 3 áramót, good times. Fjóla vinkona okkar beggja er síðan flutt á varnarliðssvæðið, ágætt að það er hægt að senda henni tölvupósta til yfirlestrar en ég á eftir að sakna hennar úr tímum, þó hún hafi skrópað ótrúlega oft síðasta vetur.

Minime byrjar í skólanum á morgun. Hörðuvallaskóli heitir nýi skólinn hans og mér líst afar vel á hann. Skólastjórinn er klár náungi og stefna skólans áhugaverð.

Best að kveðja að þessu sinni með Eminem, þeim mikla snillingi.

Stan, Lose Yourself, Toy Soldiers, Mosh og Mockingbird

Stórmót ÍR

er í fyrramálið, Minime er óvænt að fara að keppa með 7.flokki á móti hjá ÍR í fyrramálið, það ætti að verða skemmtilegt þó varla sé hann tilbúinn að keppa flokk upp fyrir sig ennþá. Eftir það tekur meiri fótbolti við, horfum á 2-3 leiki á morgun og 3 á sunnudaginn. Stórleikurinn er eðlilega Liver-Chelski, Terry með þannig að Crouch verður hvíldur, ágætt að sjá Kuyt og Torres saman aftur. Held að þetta fari 4-1 fyrir Liver og Torres skori 4, það myndi reyndar henta vel fyrir draumaliðið mitt líka.

Litli maðurinn var dáldið spenntur áðan og tilkynnti rúmlega 7 að hann ætlaði að fara að sofa til að vera vel undirbúinn fyrir mótið, sýndi mér síðan 3 trix sem hann ætlar að taka á morgun. Klukkan er núna að verða hálf níu og hann er reyndar við það að sofna, ætti að verða skemmtilegur dagur allavega á morgun.

Friends eru í sjónvarpinu, svo mikil snilld. Kominn tími til að sækja þá aftur, líklega komin þrjú ár síðan ég horfði á þá síðast. Bara svo að það sé á hreinu þá er gæðaröð karakteranna eftirfarandi: Joey, Phoebe, Chandler, Monica og Rachel. Ross er svo dáldið langt á eftir.

Ef heppnin er með okkur þá losnum við leikina hjá Gaupa/Arnari/Þorsteini á morgun. Sé til hvað ég tek margar leikjadagbækur fyrir Jón, yfir/undir á það núna er 2,5

Ef niðurhal væri löglegt

væri ég að horfa á Rush Hour 3 í vonlausum gæðum og þætti hún vera eins og hinar tvær, alveg þokkaleg skemmtun.

Miðvikudagurinn verður annars skemmtilegur, næ í Aron Frey fljótlega eftir hádegi og við förum með afruglarann í Naustabryggju. Þar tekur við Liver kl 14.30 og eftir það ManU og Chelski leikir. Ætti að verða afskaplega skemmtilegt enda Minime mikil knattspyrnubulla. Hann verður svo hjá mér annað kvöld þannig að ég geri ráð fyrir að við höldum áfram með Harry Potter, hlakka til að lesa bækurnar með honum í vetur. Skólinn hans byrjar eftir rúma viku, sem er afar gott, ekki síst í ljósi þess að skólinn hans er ekki svo langt frá mér.

Rise and shine, eða svoleiðis

Klukkan sjö og ég var að vakna, vann til rúmlega 2 en fór þá heim í smá nap, afar þægilegt. er nú að horfa á Ellý Ármanns segja frá dagskrá kvöldsins, er búinn að gleyma því jafn óðum. Held að þetta hafi verið passlega langur nap, svona 4 tímar, kemur í ljós á eftir. Ég held að menningarnótt sé næstu helgi, ég er ekkert spenntur yfir risatónleikum rásar2 og Landsbankans, sennilega aldurinn. Hlakka hins vegar til miðvikudags, ætla þá að vinna aðeins fram yfir hádegi en ná þá í minime og fara í Jórsali til að horfa á fótbolta, Liver í undankeppni meistaradeildarinnar 14.30, Arsenal eftir það og síðan Chelski í deildinni. Ekki leiðinlegt að boltinn sé byrjaður aftur.

Styttist annars í skólann, ég er farinn að hlakka til, tveir kúrsar núna og svo tveir eftir áramót. Eftir það ferð til Afríku til að rannsaka fullorðinsfræðslu. Er að spá í að setja öll verkefni vetrarins hérna inn, sennilega bara Fjóla sem hefur einhvern áhuga á þeim en hún verður líklega búin að fá að lesa þau öll yfir hvort eð er áður en ég skila þeim, gott að eiga góða að

Stendur á msn-inu hennar Maju að hún sé í Reykjavík City, hef ekki séð hana samt, merkilegt

Kveð ykkur með Alanis Morissette, af einni af uppáhaldsplötunum mínum, Jagged Little Pill. Hún er skemmtilega lítið pirruð í þessu lagi.

Vinna framundan

Klukkan rúmlega hálf tíu og ég á eftir tæpa nítján tíma í vinnunni, lítur ekki svo illa út reyndar núna, Liver vann fyrsta leikinn og ég hef nóg af stöffi að horfa á í nótt. Verð líklega þreyttur á morgun en hef svo sem gert þetta áður. Tiger í ágætri stöðu á PGA, horfi á það næstu 2 tímana, hef slatta af TV efni fyrir nóttina þannig að vinsamlegast ekki hringja mikið í nótt, nema að þið eigið actually eitthvað erindi, Katrín er þreytuleg hérna við hliðina á mér, erfið helgi hjá þjónustveri 365, mikið af símtölum en mér sýnist þau hafa höndlað þetta eins vel og hægt er að búast við.

Ég er annars orðinn gamall, ég lofaði að taka næturvaktina í nótt og það þýddi að ég sleppti afmælinu hjá Strongbow í gær, hefði ekki meikað að vera illa sofinn og þunnur hérna núna. Sofnaði sem sagt fyrir miðnætti í gær og svaf fram að Arsenal leiknum. Ellimerki og ekkert annað. Ekki nóg með að ég hafi sleppt afmælinu í gær heldur sleppti ég stórmótinu á Leirunni í dag til að vera þokkalega hvíldur, lagði mig aðeins áðan en vaknaði við að Pétur Hafliði hringdi útaf sms-inu sem ég sendi honum til að hlæja að nískupúkakommentinu í útsendingunni í dag, hann hafði gleymt að slökkva á símanum þannig að síminn pípti í útsendingunni, ég er asni að hafa ekki hringt, það hefði verið óborganlegt, hef reynt það bæði við Sir Makan og Sverka þegar þeir hafa verið í TV.

Shrek er víst meiddur, verður frá í smá tíma sem er verra, fyrir ManU menn allavega, geta svo sem sjálfum sér um kennt að treysta á Solkjaer og Saha(sicknote). Kannski þeim hafi litist svona vel á O´Shea að þeir noti hann áfram. Quasimodo kemur þá væntanlega í liðið í næsta leik, hann er góður þó hann sé ekkert augnakonfekt. Kannski meira síðar á vaktinni.

Kveð að sinni með Kelly Clarkson, já ég veit að ég er Idolnörd

12-1 fyrir Arsenal

ætti staðan að vera en ekki 0-1 í hálfleik. Arsenal er búnir að vera miklu betri en hafa einhvern veginn ekki skorað. Tony Warner búinn að verja slatta í markinu hjá Fulham, hann var einu sinni í Liver eins og fleiri markmenn, í fljótu bragði man ég eftir David James hjá Portsmouth, Brad Friedel hjá Blackburn, Kirkland hjá Wigan, Carson hjá Aston Villa.

Styttist í ManU og Chelski, þeir ættu að vinna létt þannig að ágætt að Liver vann í gær.

Stórmót í golfi á Leirunni á eftir en ég missi af því, tek næturvakt á eftir hjá Voda og síðan vinna á morgun. Líklega betra að ná þá að dotta sofa aðeins áður en ég fer í vinnuna í kvöld, ef einhver er með skemmtilega linka til að tékka á í nótt þá megið þið gjarnan setja þá í komment.

 Uppfært: Arsenal vann í lokin, sanngjarnt en þeir voru heppnir að vera ekki búnir að fá á sig fleiri mörk áður en þeir jöfnuðu, Arsenal voru samt góðir, 2-2 í hálfleik hjá Chelski-Birmingham, verst a birmingham getur ekki neitt þannig að það eru litlar líkur á því að Chelski tapi stigum 

Hleb tryggði Arsenal sigur á Fulham á síðustu stundu

Ef veðmál væru lögleg

hefði ég tapað á KR-Valur leiknum, hvar ætli delete takkinn sé fyrir færsluna frá því í gær, hmm..

Markús vinur minn kallar mig Lengjuna eftir að ég sannfærði þá að vera með í Lengjukerfi með mér á Akureyri, mikil handavinna enda þarf að fylla út bunch af seðlum. Basically gengur þetta út á það að vera með 2 leiki rétta og svo græðir maður á öllum jafnteflum, hljómar flókið en er afar einfalt. Allavega, ég tel mig alltaf hafa rétt fyrir mér og merkilegt nokk unnum við slatta fyrstu vikuna og litum framhjá því að þetta var að mestu leyti grís , við hreinsuðum upp gróðann á nokkrum vikum en fyrir hverja viku var ég jafn pottþéttur á því að að við gætum ekki tapað. Eftir það heiti ég bara lengjan hjá Markúsi, þeim mikla snillingi

Það er framhald á sýningum frá íslandshestahlaupi í útlöndum, ég gæti skilið ef þetta væri keppni á milli hesta, svona eins og frjálsar. Þetta er hins vegar einhvers konar stílbrigðakeppni, reyndar svo morkið að ég er núna að horfa á þátt með hárgreiðslumanni og finnst þetta helv... fínt miðað hestaþátinn, greinilega ekki fyrir alla að horfa á hestaTV, sennilega eitthvað sem maður þarf að taka þátt í til að fíla. Best að enda þetta á einhverju sem tengist hrossum, country er þá sennilega næst, carrie underwood verður það þá þar sem að þetta lag er í ipodinum mínum, heitir jesus take the wheel, gott lag

Ef niðurhal væri löglegt

þyrfti ég ekki að horfa á einhverja af þessum skrilljón stöðvum sem ég er áhorfandi að. Afar lítið að gerast á þeim vígstöðvunum en ég nenni ekki að lesa í kvöld, einhvern veginn þannig dagur.

Minime væntanlegur heim á morgun, verður gaman að sjá prinsinn, brúnan og sællegan. Nú er farið að styttast í nýja skólann hans, Hörðuvallaskóla, ég fór á smá kynningu þar í vor og þau eru með skemmtilegar pælingar. Samþætting náms virðist fyrirferðarmikil sem er afar gott mál enda skrifaði ég hina stórmerkilegu lokaritgerð mína í KHÍ um samþættingu, vona að einhver þarna kenni eftir landnámsaðferðinni hennar Herdísar Egilsdóttur, mesta snilld sem sögur fara af.

Mér finnst heimasmeistaramót íslenska hestsins, sem er í boði núna á RÚV, vera örlítið minna áhugavert en geimsmeistaramótið í slönguspilinu sem því miður er ekki í boði hjá Digital Ísland í dag. Veit ekki hvort að ég fer á völlinn á morgun, reyndar freistandi að sjá nýja KR liðið hans Loga, verður fróðlegur leikur allavega, gæti farið langt með að tryggja FH dolluna ef KR vinnur þarna, held einhvern veginn að það gæti orðið.

Best að enda þetta á Blake Lewis

Draumaliðsleikur

Er hérna http://fantasy.premierleague.com/

Deildin heitir Vodadeild, opin öllum sem ég þekki, ég reyndar vinn venjulega svona deildir en þið getið keppt um annað sætið. Skráið ykkur og veljið lið fyrir 11.8

 

Kóðinn í deildina er 640384-113221

(Kóða)sumarið búið

Mér hefur yfirleitt þótt verslunarmannhelgin vera endirinn á sumrinu, daginn er tekið að stytta og samfélagið fer að fara í gang eftir sumarfrí. Vissulega stundum ágætis vetur en engu að síður er haustið handan við hornið. Það er reyndar ekki alslæmt enda sumarið stundum dáldið furðulegur tími á Íslandi, það má varla sjást sól þá er hálf þjóðin komin í bæinn á stuttbuxur að fá sér ís.

Þetta sumar hefur verið frekar rólegt hjá mér. Ekki mikið um ferðalög og ég hef eytt nokkrum tíma með kóðanum. Hefur satt að segja verið alveg ágætt og umfram allt athyglisvert. Kóðinn er ekki alveg eins og fólk er flest, hefur skemmtilega sýn á lífið og það er alltaf gaman að kynnast slíku. Nú er verslunarmannahelgina hins vegar liðin og veturinn og hversdagsleikinn framundan. Lífið fer aftur í hefðbundið horf og kóðasamskiptum lokið.

Er með fimm bækur á borðinu sem ég kem til með að lesa í vetur, reyndar búinn að lesa þrjár þeirra að hluta en hlakka til að klára þær og lesa þessar tvær

Þessi er eftir Gilbert Rist of fjallar um sögu þróunarsamvinnu

 

 

 

 

 

 

 

Bók eftir Finn Tarp sem fjallar um svipað efni

 

 

 

 

 

Tek tvo kúrsa í haust og tvo næsta vor. Eftir það er það rannsókn á fullorðinsfræðslu á vegum íslenskra stjórnvalda í Afríku. Skemmtilegt stöff sem ég hlakka til að takast á við. Á eflaust eftir að leita slatta til Fjólu, hún er klók stelpa(reyndar að verða dáldið gömul) og afbragðs yfirlesari.

Ætli ég reyni ekki að setja verkefni vetrarins hérna inn, ekki það að þau verði skemmtileg en kannski einhver hafi áhuga á að lesa. Er annars mættur í vinnuna þannig að ég hætti í bili og fer að tala við fólk sem situr í umferðarteppu á leiðinni til borgarinnar. Í tilefni þess set ég inn 2 lög með Ugly Kid Joe sem við Sindri vorum með á ferðaspólunni og hlustuðum u.þ.b óteljandi sinnum á sumarið ´93

Cats in the cradle

Everything about you